ارفع راسك انت هلالابي ..

اذهب الى الأسفل

ارفع راسك انت هلالابي ..

مُساهمة  مدثر القاضي في الأحد أكتوبر 16, 2011 6:22 am

لوماكان هو الهلال ماكنا شجعناهو
ويكفي المريخ شرف في الصف يختو وراهو
ده سيدا وسيد بلد خلي المريخ وسواهو
ده البجي للهلال بشرد يخلي جناهو


التحية
لاي هلالي
avatar
مدثر القاضي

عدد المساهمات : 91
تاريخ التسجيل : 20/09/2011
العمر : 29
الموقع : m.algady 1001@ yahoo

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ارفع راسك انت هلالابي ..

مُساهمة  عبد العظيم قسم الله في الأربعاء أكتوبر 19, 2011 1:22 pm

يسلم لسانك يا ود القاضي لقد اصبت عندما صورت الهلال كوكب والبقية توابع ...والهلال اصل ومادونة تقليد ....والهلال سحاب وما دونة ظلال.. ونحن لم نلوم الهلال من خروجة من مريع الكبار لان غيرة خرج من التصفيات الاولى من قولت (تييت) لم يينفعهم الحصري ولا البدري ..ونحن نعرف ظروف خروجنا الغير طبعية من مربع الذهب ولكن يكفينا فخرا واعتذازا بان الهلال هو الفريق السوداني الوحيد الذي دخل مربع الكبار في تاريخ السودان وليس مرة بل اربعة مرات و رغم تفاخر بعض الناس بحمل كاسات الاغاثة ان كانت محمولة برا .. او جوا بطائرة اغاثة ويكفينا فخرا ان اجلسنا من يتطاولون علينا ستة سنوات كوصبفا لنا ويتبعونا كظلنا واليوم اعلن الاتحاد الافريقي بان الهلال لن يلعب العام القادم من التصفيات الاولية بل من بعد ال 32 والجماعة الفرحوا بخروجنا نقول لهم نحن جيناكم وين بتتحشروا والبلد جوها اسيادها .....

عبد العظيم محمد قسم الله

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ارفع راسك انت هلالابي ..

مُساهمة  مدثر القاضي في الأربعاء أكتوبر 19, 2011 10:36 pm

تسلم كتيير اخي والمتألق دوما
عبد العظيم قسم الله ودا هو حال الشمات والمثل بقول الما بتقدر تلحقو جدعو
وانا سعدت كثيرا لان عبد العظيم هلالابي ومن هنا احي كل الهلالاب في هذا المنتدي ونتمني من الاخوة المشاركة والتعليقات
ويا اخوي انت مافي هنا صهيوني اقصد مريخابي؟؟؟ Razz Razz Razz
avatar
مدثر القاضي

عدد المساهمات : 91
تاريخ التسجيل : 20/09/2011
العمر : 29
الموقع : m.algady 1001@ yahoo

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ارفع راسك انت هلالابي ..

مُساهمة  قريب محمد راجع في السبت أكتوبر 22, 2011 3:33 am

الأخوان ود القاضي وعبداللعظيم .. أحييكم .. وأحي فيكم حبكم الشددددديد للهلال وأتمني أنكم كمان تحبوا فريق السودان أكثر من ذلك ..... ما تنسو بقية الفرق ..
بعدين أنا بشارك في الموضوع تلبية لدعوة الأخ ود القاضي ... وبقول ليك المنتدى فيه (صهاينة ) مريخاب.. كيف ما فيهو ... وأنا واحد منهم ... لكن ما متعصب ... بس أوع تشطبوني من المنتدى.. أنا عرفت صفة المريخابي (صهيوني) مع إنها صفة ما حلوة .. لكن قبلناها منكم.. وكمان عاوز أعرف صفة الهلالابي شنو ... عشان لزوم الدردشة ... وعشان ما تكونوا إنتو (ملايكة) ونحن (شواطين) بس حٌمر ...
واضح إنكم زعلانين شديد من خروج الهلال من دوري الأربعة .. أنا كمان زعلان ويمكن أكثر منكم (أقولها بتحفظ) .... بس المريخ ذنبو شنو ...الطلعكم من مربع الكبار هو الترجي ...
ويا خوي عبد العظيم ..زي ما قلت .. إنشاء الله يسلم ود القاضي ويسلم لسانو ... لكن هو ما أصاب عندما صور الهلال كوكب والمريخ من توابعه (مع أنو هو ما قال كدا إنت ال قلت) .. معروف الهلال تابع الأرض والمريخ زي الأرض .. يلا بعد كدا قارن .. لكن زي ما قال الأخ أحمد إدريس المريخ والهلال ... عينان في راس واحدة .. مع ملاحظة أنو المريخ (العين الحمرا )...
وبعدين ياخي ليه .. عذرت الهلال بخروجو لظروف (غيرة طبيعية) ... ما وجدت عذر للمريخ خروجو من قوله (تييت) ... مع أنو الفريق ال بخرج من قوله تييت غالباً تكون عندو ظروف غير طبيعية ...
وكمان إنتو الكأس المحمول جوا دا مزعلكم ليه ( رغم أنو من زمن ) ... إنتو كمان ما تجيبوا واحد زيو ولا أحسن منو .. إنشاء الله حتى بعربيات إغاثة .... أقولك جاحة إنت عارف .. أنتو زي الزول الأخد (إسنا) في الكتشيه في الوست .... وقدر ما يلعب ما قادر يسد (الإسنا) ... والله نحن نتمنى أنكم تسدو الإسنا ده ... ولا يكفينا فخر أنو الهلال يكون الفريق السوداني الوحيد الذي دخل مربع الكبار ... بل يكون أكبرهم ويجيب الكاس .. وتسدو الإسنا ....
خلينا من الفات .. إسع أنتو غلبتوا فريق الأمل (بالتيله) ... نشوفكم في النهائي.. إنشاء الله .. يلا ورونا شطارتكم .... وأثبتوا لينا إنكم فعلاً ..أسياد البلد ... وعملوا حسابكم من الزعيم ... وبعدين ما تقولوا لينا ظروف غير طبيعية .. ده ما معنا ...
الأخوان ود القاضي وعبد اللعظيم أحييكم وأُحيي كل الأخوان (الصهانية) وال ما صهاينة .. وأرجو من أخواني الصهاينة أن يشاركوا ... ودمتم في رعاية الله ..
ولنا عودة بمشيئة الله ...



قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

ياهلالاب ويامريخاب

مُساهمة  محمد حسن محمد في السبت أكتوبر 22, 2011 6:13 am

ياشباب والله بصراحه احنا ماعندنا اي كوره وبصراحه اقاعدين نوجع قلبنا ساكت مشكلتنا نقول كده وما بنقدر نخليها يوم يكون الهلال لاعب نزوغ من الشغل ونعمل السبعة وزمته وبعد داك نتمرض ونحلف ما نشجع لكن زي مابقولو الوالد حنين نرجع تاني لكن انا بقوي قلبي وبقول انا اعتزلت التشجيع الدولي للهلال محلي بس وكمان قدام المريخ بس رايكم شنو
كسره
ياقريب الشمار قتلنا عديل ورينا انتي منو(غريب ولا قريب)

محمد حسن محمد

عدد المساهمات : 80
تاريخ التسجيل : 13/04/2011
العمر : 45
الموقع : الرياض

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ارفع راسك انت هلالابي ..

مُساهمة  قريب محمد راجع في السبت أكتوبر 22, 2011 9:08 am

أوووووو أخونا محمد حسن ... أخونا الصغير (سناً) والكبير ( همتة ونشاطاً ) .. لك التحية والتقدير وربنا يعطيك العافية ... والله معاك حق الفرق الرياضية تمرض وبذات الهلال لآنو دايماً يصل دوري الأربع ويخرج ... لكن كمان لازم نشجعها نسوي شنو مع المقدور ...
وبقول ليك حاجة إنت طريقتك في التشجيع زي طريقتي بالضبط بس (بالعكس ) أنا بشجع الهلال فقط إذا لعب دولي ... لكن محلي ولا في الأحلام ... وبين بينك ناس الهلال ديل الظاهر عليهم مرضوك ... وإنت ما دام قويت قلبك وإعتزلت الهلال دولياً ... قوي قلبك وأقبل العرض ال بقدمو ليك .. شوف نحن أصلا في زمن الإحتراف ... أيه رأيك ... تلعب مشجع محترف للمريخ ... نقدم ليك عرض مغري ... وطبعاً حتكون مكسب كبير لينا .... ولعلمك أنا عندي ليك شمار تقيييييل .... أهم من شمار (غريب وقريّب )... في لاعب مهم من الهلال بسجل في المريخ .. ويكون كده كسبا لاعب ومشجع من العيار الثقيل ...
بعد الكَسره ... ياخي ما غريب الإ الشيطان ... وقريّب دا زول غلبان ويتمنى أن يكون دايماً قريّب للناس .... وكمان كل أمنياته أنو يرجع قريّب لكن بس ما قادر ... وكمان ما قدر يقوي قلبو (زي ما إنت قويت قبلك وخليت الهلال) ويخلي الغربة.
لك التحية والتقدير كما للأخوان المريخاب والهلالاب ... وربنا يحميك ويوفقك ...

ولنا عودة بمشئة الله



قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ارفع راسك انت هلالابي ..

مُساهمة  عبد العظيم قسم الله في الإثنين أكتوبر 24, 2011 6:25 am

الاخوة قريب محمد ومحمد حسن فعلا نحن زعلنا من خروج الهلال لان طموحنا في اسياد البلد كبير اما قصة وجع القلب يا محمد هي نتاج طبيعي للحب الكبير للازرق والربح والخسارة شي طبيعي وهنالك مثل انجليزي يقول ( انا اغلط انا اعمل ) ويا ابو النسب اسمع كلام المريخابي شجع المريخ دوليا لان حيريحك على الاخر .. في كل سنة هي مرة واحدة من التصفيات الاولى ويتخارجوا يعني ذي ما بيقولوا اخوانا السورين (تيتي تيتي ذي ما رحتي جيتي ) يعني لا دوري 16 والا المجموعات والمربع الذهبي ولاغيرة بس بعدها تتفرج ومرة تشجع تونس ومرة المفرب ومرة اينمبا وهلما جرا ... اما مريخهم ترجع حليمة لقديمها المحلي داخل عطبرة ...و زمان كان شوية يفلحوا في المستوى الثالث ناس الكنفدرالية وسيكافا لكن الان ماهم فالحين في شي غير زرع المتاريس للازرق وطول عمرهم وصيف حتى في المحلي والسنة دي شائف العشر قام له شوك ..و يا المريخابي نحن هزيمتكم مضمونة في الجيب وحتى لو جبتوا حكمكم خالد عبد الرحمن و ناس سسا جاهزين واسال كل حراسكم بما فيهم الحضري عنه وانشا الله سا حاضرها في السودان في الاستاد .
ولك التحية اخي الفاضل (ابو لون دم) وكدة يحلو المنتدى لان والله انا لست من انصار اللون الواحد لان لون قذح هو الوان الطبيعي وصدقني كنت مفكر اكتب بيوزر اخر باسمكم عشان شوية الحكاية تحلو وصراحة اسلوبك جميل في التعليق (ولكن ذي مابيقولوا حلو الكلام من خشم يسدو) بس خلي صدرك واسع وروحك رياضية انا عارفكم بتاعين حجارة .
اخوكم / عبد العظيم محمد قسم الله

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ارفع راسك انت هلالابي ..

مُساهمة  مدثر القاضي في الإثنين أكتوبر 24, 2011 2:48 pm

والله كنت عايز ارد عليهم يا عبد العظيم لكن مافي اروع من كدا
تسلم كتيييييييييييير وبالجد كدا يا داب المنتدي احلو
avatar
مدثر القاضي

عدد المساهمات : 91
تاريخ التسجيل : 20/09/2011
العمر : 29
الموقع : m.algady 1001@ yahoo

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ارفع راسك انت هلالابي ..

مُساهمة  قريب محمد راجع في الثلاثاء أكتوبر 25, 2011 2:03 am

الأخوان عبدالعظيم وود القاضي لكم التحية ... وإتمنى ياأخ عبد العظيم أن تقضي إجازة ممتعه في السودان وترجع بالسلامة .... بلغ تحياتنا لناس بورسودان والخرطوم والدوم .

أنا عاوز أبداء ليكم من الآخر ... وأحب أطمنك إنو نحن المريخاب صدرنا وووووواسع ... و روحنا رياضية .. ياخي نحن ناس مسالمين .. ومتحضرين ... وما بتاعين حجارة ... ولا قاعدين ..نضرب الحكم (بُنيه) بين الشوطين ...

وبعدين الأخ محمد حسن وأنتو كُلكم ليكم حق تزعلو وقلبكم يوجعكم ... لأنو الهلال فريق (قلبو قاسي) ... يعني إنت إتخيل أنو فريق يصل دور الأربعة 4 مرات ... والناس تقوم تفرح تفكر في الكأس .. ويقولوا الكاس المرة ده حقنا .. وجهزوا نفسهم للإحتفال بالكاس .. ويشتروا الهدايا .. وكمان (يحندكو المريخاب شوية) .. إتخيل بعد ده كلو ... يجي الهلال ويخزلكم ويكسر خاطركم... ويتغلب في أرضو كمان (كم إنت قاسي القلب يا هلال) .. ليه تعمل كدا..

وبعدين ما هو واضح إنو الهلال بطبق في المثل الإنجليزي .. (أنا أغلط أنا أعمل) عشان كده (قشطو الحكم بنيه بين الشوطين ) يعني كان تنتظروا لغاية نهاية المبارة يمكن كان يحسب ليكم (ضربة جزاء) بدل ضربة بنية في وشو..... والله الإنجليز ديل ذاتم بتاعين مشاكل .. وكورتهم كلها شكل .. وكل مرة يكسرو ليهم إستاد .. عشان كدا الأمثال حقتم .. دائماً تبداء (بالغلط) .. و الهلال إذا إستمر يطبق في أمثال الإنجليز .. ح يشطبوه من دوري أفريقيا ...

وأسع ياخونا محمد حسن زي ما قال ليك (أبوالنسب) .. أسمع كلامي وتعال معنا شجع المريخ دولياً ونحن ناس عاقلين ما تباعين مشاكل ... وما تسمع أمثال الإنجليز ال كلها مشاكل.... وأسمع كلام الفيلسوف رينيه ديكارت ( فيلسوف ورياضي وفيزيائي فرنسي).. قال (أنا أفكر ... إذن أنا موجود ) ... وإنت فكر كويييييييس .. وشغل مُخك وتعال معانا ... نحن عندنا جمال الوالي ...بدفع كويس ... وكمان عاقل ما بضرب الحكم بنيه ...... وبرضو نحن في المريخ عندنا (فرماله) كأس مانديلا محمول جواً .. لكن ناس الهلال ماعندم (بعيد عنك) أي شي .. الورق حقكم أبيض ... حتى مفرماله ما عندهم ..
وبعدين أقولك حاجة .. رغم إنو المريخ طلع من قوله (تيت )... مرة واحده بس .. وحتى لوطلع مرة ثانية ... ما تشجع تونس ولا وأنمبا ... شجع الهلال . بس ح يجيبلك وجع القلب (وسلامة قلبك) ..

وشوف الهلالاب من أسع بدوا يخرخروا ...... عشان عندما يفوز المريخ .. يقولو الحكم خالد عبد الرحمن مع المريخاب ... ويضربوا الحكم بالبنية ... لكن معذورين ... لأنهم بطبقوا في الأمثال الإنجليزية كلها ضرب وغلط ...

كسرة محمد حسن ... زي ما قال أخونا عبدالعظيم ... نحن .. ندردش .. عشان المنتدى يحلو .. ويكون فيه حيوية ... وكمان تأصيلاً لمبدأ (الإختلاف في الرأي لا يفسد في الود قضيه ) ... وأتمنى للأخ عبدالعظيم أن يحضر مباراة المريخ والهلال يستمتع بالمبارة جميلة .. وإنشاء الله يفوز الفريقين .. عشان الحكم الغلبان .. ما يخذ (بنية)..

التحية للأخوان عبدالعظيم ود القاضي وجميع المريخاب والهلالاب .. ودمتم في رعاية الله
ولنا عودة بمشيئة الله



قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى