الخرووووووووووووف

اذهب الى الأسفل

الخرووووووووووووف

مُساهمة  علي محمود علي في الأحد أكتوبر 23, 2011 11:25 am

ما عشقتك لي غلاتك

انت اغلى من العيون

او هويتك لي حلاتك

انت اجمل شئ يكون

يا المعلق في الشناكل

إنت هيجت البطون0

أم العيال كاشفة حالي

عايزة لحمة وانت غالي

انت غالي يا الخيالي

ديمة في السلخانة باين

ملمسك ناعم حريري

وهناك في اطراف بعيدة

ناس كتير باعوك كيري

اصلو ما بقدر عليك

اخير تشوف ليك حد غيري

بياكلو من البقري فخذه

ومن بطون الضأن كبدة

الظروف حنت عليهم

والدنيا صارت ملك ايديهم

ونحن ناكل في التسالي

وانت غالي

نحن جنينا وسعرنا

عليك ابدا ما قدرنا

كلما الماهية تعلى انت برضو بتغلى

كم موظف بيك هايم

يحلم في يوم يتغدى شية

فوقها دكوه وشطه حاره

على يمينها مرارة نيه

نفسو مجروحة وحزينة

إنهد من أكل السخينة

ومعاها ماجي ...

ما بصح أبقارنا زينة

ونحن ناكل في السخينة

الارض بتنادي لينا

والأمل معقود علينا

لو مرقنا على المزارع

او مشينا على المصانع

بكرة نشبع في الكوارع

والجقاجق والزبادي

نبني مجدك يا بلادي للمبدع عبدالمجيد عبدالغني


عدل سابقا من قبل علي محمود علي في الأحد أكتوبر 23, 2011 11:46 am عدل 1 مرات (السبب : لم اكتب صاحب القصيدة)

علي محمود علي

عدد المساهمات : 30
تاريخ التسجيل : 16/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى