للكبار فقط ..؟

اذهب الى الأسفل

للكبار فقط ..؟

مُساهمة  محمد حسن محمد في الأربعاء أكتوبر 26, 2011 1:47 am

ضحكت كثيرا وانا اقرأ ما خطه يراع الاستاذ عبد المنعم هلال حين قال :
وارغو 3 مليون دولار ..!!
• النفطي مليون دولار ..!!
• المرابط مليون دور ..!!
• مهدي بن ضيف الله مليون دولار ..!!
• كليتشي مليون دولار ..!!
• طمبل مليون دولار ..!!
• الحضري مليون دولار ..!!
• هذا غير لاسانا واليجا تانا وشيكوزي وغيرهم من المحترفين الذين لم يقضوا غير موسم واحد مع المريخ ولهفوا أمواله وتمتعوا بالجنسية السودانية وغادروا بالدولارات والجنسيات ..!!
• أكثر من عشرة مليون دولار أي ما يساوي أكثر من أربعين مليار جنيه قديم صرفها المريخ علي محترفيه ومع ذلك يتحدث الإعلام الأحمر عن صفقة اتوبنج التي لا تساوي عشرة في المية من صفقات المريخ المليارية ..!!
• الوالي صرف علي المريخ صرف من لا يخشى الفقر والنتيجة بطولة واحدة للدوري الممتاز وخروج متكرر من الأدوار الأولية للبطولة الأفريقية ..!!
• حتى بطولة سيكافا التي صرف عليها المريخ أكثر من مليون دولار عندما نظمها بالبلاد ودعمها عندما تم تنظيمها بتنزانيا خرج منها خالي الوفاض..!!
• قياسا بما صرفه الوالي علي المريخ كان يجب علي المريخ أن يفوز بكاس العالم للأندية ..!!
• الفوز ببطولة الدوري الممتاز لهذا الموسم لن تعوض الوالي ما صرفه علي المريخ ..!!
• لسان حال الوالي يقول بطولة لله يا جماعة ..!! ساعدونا جماعة .
يااخوانا كان كده والله الهلال مظلوم ورغم ذلك فقد صعد الى دور الاربعة فى بطولة افريقيا (للكبار فقط) وياعجبى
كسره هلاليه
لسان حال فريق الهلال يقول : ايه الزهج ده الواحد اتعود القعاد مع الكبار جدا والونسه مع الكبار جدا واللعب مع الكبار جدا والهظار مع الكبار جدا والاكل مع الكبار جدا والفسحه مع الكبار جدا وحتى الهزيمه من الكبار جدا - وضل النيمه لم يعد يغنينا - فصبرا جماهير الازرق وقد اقترب وقت الرحيل الى ساحات عظماء افريقيا

محمد حسن محمد

عدد المساهمات : 80
تاريخ التسجيل : 13/04/2011
العمر : 45
الموقع : الرياض

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: للكبار فقط ..؟

مُساهمة  قريب محمد راجع في الأربعاء أكتوبر 26, 2011 5:41 am

يعنى نفهم من كدا إنك يا أخونا محمد حسن ما قبلت العرض المقدم ليك مننا ... عموماً مرحب بيك في المريخ أو الهلال..

للكبار فقط... عنوان من العيار الثقيل ... لكن نحن برضو قدر الكبار .. لأننا نحن برضو كبار .. كبار (أوي) ...

إنت في الحقيقة مش ضحكت كثيراً... إنت إنبسطت كثيرا ... بدليل إستخدمت عبارة (خطه يراع ) الأستاذ هلال الهلالابي ... والإنبساط حق مشروع للكل ...

لكن أنا إستغربت كثيراً (وحق مشروع برضو ) ... إستغربت من كلام (هلال )... لسببين ... ..الأول لأنو ما قال كل المعلومة وذكر كووووووووووووول المحترفين في المريخ بما فيهم شيكوزي (و شيكوزي ده منو كمان أول مرة أسمع بيه) .. ولم يذكر عدد المحترفين في الهلال مع إنهم كتتتتتتتتتتتتتار ولم يذكر المبالغ ال دفعوها فيهم ... والسبب الثاني ... أنو قال المريخ صرف 10 مليون دولار في كوووووووووووول المحترمين ... والهلال في صفقة أتوبنج بس ..صرف عشرة في المية من صفقات المريخ.. يعني مليون دولار ...

وقال المريخ كان مفروض يفوز بكأس العالم للأندية .. (ح يحصل إنشاء الله ) ...ليه كان مفروض المريخ يفوز بكأس العالم للأندية ؟.... الأندية ال بتفوز بكأس العالم للأندية .. ب تشتري لاعب واحد بس ب 10 مليون دولار ..

وبعدين كيف يكون لسان حال جمال الوالي يقول بطوله لله !!! ..ساعدونا ياجماعة !!! نحن أسع أول أمبارح .. قبل عشرين سنة بس .. أخدنا بطولة كأس مانديلا .. محمول جوا ...

في الحقيقة ال بقول بطوله لله ... ساعدونا ياجماعة ... هو الهلال المظلوم ... ال كل مرة يتعب ويطلع ليهو (عشرين دور) .... ويمشي يقعد مع الكبار وكمان حظو كعب يمشي يلقى الترجي قاعد راجيهو .. يترجي ... ويترجى ... ويترجي من (الترجي) رجاء خاص ويقول ليهو بطولة واحده بس يا الترجي ..لكن الترجي ما قبل ترجي الهلال .. والله الترجي ده غتيت غتاته ... ال تقول شايقي .. ضرب ليك الهلال (بنيه) .. والهلال جانا طاير وقع في ظل النيمة ..ولسان حالو يقول أيه الزهج دا .. والله لو كان ده المريخ .. كان رماهم كلهم . وشال الكاس ... ما عملها قبل ده .. (بس ما ب تدي حريف )

وكمان الهلال يعتقد أنو الزهج دا من ال قعاد في الظل النيمة لكن في الحقيقة هو زهجان من بنيه الترجي ... لكن معاهو حق يزهج لأنو ورغم أنو قعد وإتفسح وإتونس مع الكبار وأكل معاهم ملح وملاح وإترجاهم .. ختوه في آخر الصف .. وأدوه دفره رموه... وجاء (متخرخط ..بط ) وقع في ظل النيمة ... وكمان يزعل وكت الناس القاعدين في ظل النيمه يضحكو عليهو .. يقولوا ليهو إنت منو ال قال ليك أمشي هناك وإترجى الترجي..

نتمنى أنو جماهير الهلال تصبر لغاية ما يرحل الهلال لساحات عظماء أفريقيا .. بس أوع يجي واقع لينا في ظل النيمة تاني ....

لك التحية أخونا محمد حسن وكل الهلالاب ... وفي رعاية الله ....

قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى