أرحب بي نفسي ....

السلام عليكم يا أخواني ...

أنا عاوز إبتدع عُرف مختلف وأرحب بي نفسي .. قبل ما ترحبوا بي ....وأرجو أن تقبلوني وترجبوا بي عضو في منتدى قريتي العزيزة الدوم.

في الحقيقة أنا شاركت في المنتدى بعد عدة محاولات ... ماعارف السبب مع إني أدخلت كل البيانات بطريقة صحيحة. لكن والله مع ذلك أنا خجلان شويه. .... وخايف كمان ... خجلان لأني جيت متأخر ... أو هكذا أعتقد .... (مع إني دائماً بجي بدري) ... ورغم إنو الحِكمة (بكسر الحاء) ... البتجي جارية في شريط الإعلان في أعلى المنتدى تقول (أن تأتي متأخراً خير لك من أن لا تأتي) ... وده شجعتني حبه....
وكُنت خايف .... عشان وأنا بتصفح في المنتدى بصورة عامة والمنتدى الرياضي بصورة خاصة لاحظت حاجة ... وخُفت شويه .... وقلت أوع يكون من ضمن شروط التسجيل في المنتدى ( إنك تكون هلالابي) .... وقلت أيه دا ..... كل المشاركين هلالاب !!! ، مع أنو أنا ذاتي بشجع الهلال .......................... أحياناً.

وبيني وبينكم أنا لسع خايف عشان ...(مع شكري وتقديري للمشرفين على المنتدى الأجلاء وعلى رأسهم الأخ/ عبد العظيم وبقية العِقد الفريد على المجهود الجبار الذي قاموا به وما زالوا) ... بس خايف من آخر كلمتين في آخر شرط ومكتوب بالأحمر كمان ... (إذا إقتضت الضرورة) ... الجملة ده فضفاضة ...... و دايماً بستخدموها كذريعة في المعاهدات الدولية .. أوضح منها بوجهة نظري (إذا خالفت اللوائح العامة (القانون العام ) للمنتدى) عشان أنا قدر أدافع عن وجهة نظري إستناداً على اللوائح، لكن كلمة (الضرورة ) أنا ما بقدر أحددها هي شنو .... وسع أنا خايف من حكاية (ما هلالابي ) وتقتضي الضرورة .............

وأتمنى أنو الأخوان يرحبو بي ..
أخوكم / قريب محمد راجع

أنا عاااااارف ... الترحيب بجي سريع من الأخوان ... خصوصاً (أبو محمد ) .... وطبعاً فرحت ... وعشان أنا (من ناس البيت ) جيت ناطي داخل بالشباك ..... وأسع بفتش لي في سرير فاضي عشان أقعد فيه ..... ولا حتى إنشاء الله كرسى برضو ما بطال ... وكمان عشان أنا من ناس البيت ... حكاية هلالابي ده أنا قلتها كدا سااااكت من باب المزاح بس ... وما جبت سيرة للمريخ ... وزي ما إنت قلت الهلال والمريخ عينان في راس واحد ... بس المريخ العين (الحمرا) ...
وبعدين .. يا أخوي أبو محمد (قريب راجع) دا ما إسم ... ده أمنية (النفس) لكن (العقل) ما راضي .... وأنا متأكد ده أمنية ناس كتار .. وإنت واحد منهم .... وأنا عشان أذكر عقلي وأخليهو ما ينسى .... وأذكر كل (المِتيلِ).. إخترتها .. عشان ما ننسى ....

أشكرك كتيييييييير لترحيبك بي ... وربنا يمتعك و يمتع الجميع بالصحة والعاقية ... ولنا عودة بمشئة الله .....

انت متين جيت عشان ترجع.......... أنت هول منو..........أهلابيك كيتر ويا ريت نشوفك في العيد عشان يبقوا عيدين بعرف الشاعر محمد راجع الذي قال:سيد أم عشرة شين كان بسوي فيها ظروف والمتلك ما بكتلو إن كان رصوهو عشرة صفوف

اول حاجه ارحب بيك ابو محمود وانتي تثري منتداك ومنتدانا بالدرر وبرض نحنا بالقليل منك بنرضي وبالمناسبه قريب راجع ده عاملين علي اسمه الحقيقي مسابقة والجائزة خروف مقدمه من الراعي الرسمي محمد عثمان رحمه فاحنا اعتبرناك اول المشاركين(مع انو الجائزة مناصفه مع ودرحمه)

كسرة
مانتسي توصي لينا الدكاتره في قروش الكشف (اكبر تخفيض)

مشكور أخوي وإنت ماشاء الله زينة شباب الدوم أكيد ليك حكمة في الموضوع اياه ...شكرا" لترحيبك بي وانشاء الله أكون عند حسن ظن الجميع ..........حبابك