منتديات الدوم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

حضرنا ولم نجدكم ....

2 مشترك

اذهب الى الأسفل

حضرنا ولم نجدكم .... Empty حضرنا ولم نجدكم ....

مُساهمة  مدثر القاضي السبت نوفمبر 05, 2011 12:22 am

- حضـرنـا ولـم نجـدكـم .. الهلال يتوج بطلا لكأس السودان
- اعتباره مهزوما صفر/2 بالانسحاب .. ابعاد المريخ عن المشاركة في كأس وتغريمه مالياً
- البرير ينزل من المقصورة ويهنئ بالكاس .. واللجنة المنظمة قامت باجراء تأمين المباراة
- رئيس الهلال وجماهيره يهنئون الشعب السوداني بعيد الاضحي وتحرير الكرمك
=====================================
الحكم اعطى المريخ المهلة القانونية واطلق صافرة النهاية
الهلال يتوج بطلا لكأس السودان

توج فريق الكرة بالهلال بطلا لعموم اندية السودان عقب فوزه علي غريمه التقليدي المريخ 2/صفر بالتخلف عن الحضور للملعب مساء امس في اللقاء الذي اعلنه الاتحاد العام لكرة القدم بملعب استاد الخرطوم حيث اطلق الحكم الدولي بدرالدين عبدالقادر صافرة النهاية معلنا فوز الهلال 2/صفر بعد ان منح المريخ المدة الزمنية القانونية للمباراة التي شهدت حضورا جماهيريا كبيرا لمؤازرة الهلال والتي احتلت المدرجات الشرقية لملعب استاد الخرطوم.

===========================

الهلال حضر مبكرا للملعب

حضر فريق الكرة للهلال وجهازه الفني بقيادة المدرب الفاتح النقر مبكرا قبل ساعة من موعد المباراة التي حدد لها الساعة الثامنة مساء واجري الهلال عملية الاحماء في الجانب الشمالي لملعب استاد الخرطوم قبل دخول طاقم التحكيم بقيادة الدولي بدرالدين عبدالقادر الذي اكمل اجراءات اقامة المباراة.
Basketball Basketball cheers
يا قريب الجماعة هربو من الكرمك خوفا من الجيش السوداني
والجماعة ............................. خوفا من اخوان سيدا
والله يا اخوانا كلنا بنعرف جمعة السقوط وجمعة الانتصار وغيرو لكن والله جمعة الهروب دي جديدة لنج
عزيزي الغالي اين انت :
ود قسم الله لك التحية ومبروك تحرير الكرمك وال....
مدثر القاضي
مدثر القاضي

عدد المساهمات : 91
تاريخ التسجيل : 20/09/2011
العمر : 34
الموقع : m.algady 1001@ yahoo

الرجوع الى أعلى الصفحة اذهب الى الأسفل

حضرنا ولم نجدكم .... Empty يا جماعة... الدنيا عيد.... أدونا (كأس) عصير .. نشربوا .... حتى لو كان بدون سكر ....

مُساهمة  قريب محمد راجع السبت نوفمبر 12, 2011 6:54 am

- الحكاية شنو يا أخوانا (الهلال/لاب) .. (تحضروا وما تجدونا) .... وعشان نحن ما جينا ..... تقوموا تتفسحوا ساااااااااااااااااااااااكت كدا... مش كدا وبس ... كمان تتوجو الهلال بطل ... من ورانا ... يعني ما صدقتوا إنو الزعيم قال ما جايي ...

- وتعتبروا الزعيم ... مهزوم بأحلى بـهدفــ(2)ـــين في الدورة ... هدف سجلوا (إتحاد الكرة ) ... من ضربة جزاء .. ورغم أنو المرمي كان فاضي ... شات الكورة في الأوت .. لكن الحكم ... حسبو قوووووووووووووووون... لانو خايف من (بنية) البرير (ملاكم الهلال) .. آسف أقصد رئيس الهلال .... والهدف الثاني .. .. سجلو البرير زااااااااااااتو ... (طبعن ) ... الحكم صفر قوووووووووووووون .. قبل ما يشوت الكورة... عشان ينفد بجلدو ....

- وكمان بعد نهاية المبارة .. قام البرير ... وخطف الكأس ... جري بيهو حول الملعب .... وهنأ جمهور الهلال .. تحت حراسة إتحاد الكرة ..

- والغربية ... أنو البرير يهنئ الشعب السوداني .. بعيد الأضحى ... وتحرير الكرمك ... ولم يهنئهم بالكاس ... (كأس العصير البدون سكر) !!!!

وشوف كمان الهلال وجمهورو ... فرحانين أوي ... جو من بدرييييييييي ... قبل ساعة ... عشان ضامنين ... أنو إتحاد الكرة ...ح يديهم ... (كاس) عصير بدون سكر ..... وبعدين الهلال ليهو حق يفرح .... لانو عطشاااااااااان ... ومن زمن طويل ...ما أخد ليهو كاس ... حتى لو كان بدون سكر ..

وبعدين يا ود القاضي أنا أتفق معاك ... إنو الجماعة هربوا من الكرمك ... وكمان برضو نتفق أنو الهلال شرب كأس العصير (المر)..

وشوف عظمة وكرم الزعيم .. الزعيم ما من عاداتو يهرب .. بس قال أنو الهلال فريق غلبان ..... وماخد (بنية) من فريق الترجي .... قال أحسن نديهو ... (كاس) العصير دا... عشان ما يموت من العطش ... شوف الرحمة كيف ....

والله جمعة الهروب ده فعلا جديدة .... لكن في جمعة أجد منها .... جمعة (الكاس المر )...

وقبل ما أختم أنا برضو عاوز أهنئ أخونا عبد العطيم وكل الهلالاب بتحرير الكرمك .. وال... (أنا بتمها ليك) .... والكاس البدون سكر ..

أخونا ود القاضي تسلم ويسلموا كل أخوانا الهلالاب والمريخاب ...... ده كانت دردشة خفيفة بس ...لكن في الحقيقة .... أنا أتمنى أن يفوز المريخ والهلال ... بكل الكاسات ... مش المحلية .... بل الإقليمية والدولية ... وأتمنى أن يكون الهلال والمريخ ... من أقوى الفرق في العالم ... وكمان نحرر مش الكرمك وبس ..... بل كل المناطق المحتلة .. بما فيها فلسطين ... قول آمين ... وكل عام والجميع بخير ...

قريب محمد راجع

عدد المساهمات : 204
تاريخ التسجيل : 19/10/2011

الرجوع الى أعلى الصفحة اذهب الى الأسفل

حضرنا ولم نجدكم .... Empty رد: حضرنا ولم نجدكم ....

مُساهمة  مدثر القاضي الأحد نوفمبر 13, 2011 7:28 am

لك التحية اخي قريب...
واول شي كل سنة وانت طيب وربنا يحقق الاماني


وابدا باخر نقطة اللهم اميييين ربنا ينصر المسلمين في كل مكان وان يحرر البلاد من ايدي العملاء الخونة وان يديم العزة لنا وللمسلمين جميعا والتحية للقوات المسلحة الشردت عقار والتحية للزعيم الشرد براو وانا ماعارف شرد ليه؟؟ الي الان ..

معروف بداهة في كرة القدم الفريق البنسحب دون اعزار او يهرب من مباراة سيما وهي مباراة نهائي تقع في حقه عقوبات (لحدي هناا مافي اختلاف اظن )
اما هذه العقوبات الزي يقررها هو الجهة المخول لها ادارة الكرة في البلد (اتحاد الكرة السوداني )
معلوم الزول البخالف القوانين يعاقب زي الزول البتمرد زي عقار بيدحر ويحارب وكمان زي ناس كدا
هسي انت سايق عربية ومشيت في شارع اتجاه واحد مشيت عكس طبعا دي مخالفة هنا بقطعوك ايصال وغرامة وكدا دي حاجة معروفة ما عايزة كتير بيان ..
عشن كدا موضوع ادونا الكاس دا شينة في حقك كان تجيبا سمحة شوية
اما بالنسبة للاتحاد بانه هو اتحاد الهلالاب والله دي حلوة كنتو وين لمن الاتحاد كان واقف لينا حجرة عثرة في المحترفين واظن بتعرف المشكلة الشهيرة بتاعت صلاح ادريس وشداد وياما شفنا الزعيم والاتحاد
لكن ما بنقول اتحاد الزعيم ... لانو ما بتجي شينة عدييييييل
العنوان جميل ... ادونا كاس عصير نشربو حتي لو بدون سكر..
(والله لو غلب المريخ سكر نحنا كان جانا سكري عديييييييييييييييييل يا عبد العظيم )
نحنا والحمد لله شربنا العصير اي مالو بدون سكر لكن في النهاية عصير ولا شنو يا كرار
ما مرات الزول بكون عندو سكري زي انت ما قلت (لو غلبنا المريخ معناتو سكر) بشرب عصير بدون سكر عادي جدا
ما حصل لقيت ليك زول عندو سكري ح يشرب عصير عادي بس بدون سكر المشكلة وين ... (العبرة في العصيييير )
نعم نحنا كنا عطشانين لكن الحمد لله ولله المنة روينا تب
بعد شربنا الموية اديناها عصير وبي كاس كبييير عشن نروا سمح
لكن انتو كاس موية كاس شنو كباية كباية كباية موية ساي زرقة ما لقيتوها
والله بيني وبينك ديل الموية الزرقة دي زاتة عندهم فيها راي اي شي ازرق دا منو خوووفة وبجري الزول
عصير مر ولا عطش طول الموسم
لكن نحنا ناس عندنا انسانية ما بنخلي الزول يموت بالعطش
عشن كدا بنزقيكم ما تخافو نحنا ما للدرجة دي
الممتاذ حلال عليكم بس بشرط ما تهربو وما تجرو وما نجي نزقيكم نلقاكم مافي ابقو رجال واثبتو
اخيرا : البرير ما هني عشت الاتحاد لم يعلن رسميا حصول الهلال علي البطولة .

البنية دي شرف من فريق شال كاس البطولة
ونحنا عاد البغلبنا في البطولة الافريقية يا اتزل يا يشيل الكاس غيرو مافي
فريق ليو حق وبنعترف لكن فريق اتحصل علي بطولة الاندية
واحسب مازيمبي والاهلي زمان والترجي بس البغلبنا ياهو بشيل الكاس بس انتو وين وين انتو كنتو كنتو وين
(انحنا في التمهيدي يا بابا ) شاطر يا ولدي انشاء الله السنة الجاية تمشي الروضة والمدرسة كمان يا حلو

لك التحية اخي قريب

والله يا اخوانا الشغلة بقت ما متكافئة قريب براو ما بقدر يا اخوانا شوفو ليكم دلقوني خفيف كدا

تحياتي bounce
مدثر القاضي
مدثر القاضي

عدد المساهمات : 91
تاريخ التسجيل : 20/09/2011
العمر : 34
الموقع : m.algady 1001@ yahoo

الرجوع الى أعلى الصفحة اذهب الى الأسفل

حضرنا ولم نجدكم .... Empty رد: حضرنا ولم نجدكم ....

مُساهمة  قريب محمد راجع الأربعاء نوفمبر 16, 2011 6:33 am

أخونا ود القاضي بعد التحية والسلام .... منو ال قال ليك الشغلة ما متكافئة .. نحن في المريخ الـ واحد = عشرة ... بس إنتو خلوا روحكم رياضية .... عشان ما يجيكم سكري لو المريخ غلب الهلال .. نشوفوكم في كاس الممتاز ... يلا...أبقوا مارقين ... وفي أمان الله

قريب محمد راجع

عدد المساهمات : 204
تاريخ التسجيل : 19/10/2011

الرجوع الى أعلى الصفحة اذهب الى الأسفل

حضرنا ولم نجدكم .... Empty رد: حضرنا ولم نجدكم ....

مُساهمة  مدثر القاضي الأربعاء نوفمبر 16, 2011 8:48 am

ههههههههههه

انشاء الله بس انشاء الله تجو وما تخزلونا ..!! Very Happy Very Happy
مدثر القاضي
مدثر القاضي

عدد المساهمات : 91
تاريخ التسجيل : 20/09/2011
العمر : 34
الموقع : m.algady 1001@ yahoo

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى