منتديات الدوم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مبرووووك للعم محمد سعيد بابكر

+3
محمد حسن محمد
احمد ادريس عبيدون
علي محمود علي
7 مشترك

اذهب الى الأسفل

مبرووووك للعم محمد سعيد بابكر  Empty مبرووووك للعم محمد سعيد بابكر

مُساهمة  علي محمود علي الخميس نوفمبر 17, 2011 10:07 pm

بأذن الله سيعقد اليوم يمسجد أبو حريره عقد زواج إيمان إبراهيم محمد سعيد من الشاب هيثم عابدين ....دي فرحة كل الأهل بالدوم والخرطوم داخل وخارج السودان ..بس فاقدينك جنابو ...مبرووووك جعفر ..عبدالرحيم..ياسر..زهره وفافا ونوسه وزوبا ومحمد واسلام واسراء وبثينه وسميه وكل الأسره..مبرووووك ربنا يسعدكم ياعرسان مبروووك يا حاج

علي محمود علي

عدد المساهمات : 30
تاريخ التسجيل : 16/10/2011

الرجوع الى أعلى الصفحة اذهب الى الأسفل

مبرووووك للعم محمد سعيد بابكر  Empty رد: مبرووووك للعم محمد سعيد بابكر

مُساهمة  احمد ادريس عبيدون الخميس نوفمبر 17, 2011 10:42 pm

هذه عاطفة اخرى اخي علي تمزج بين الفرحة والذكرى .. و لتكن افراحنا دائمة ولتكن السعادة المرجوة هي ما ستنسينا مر الذكريات .. الف مبروك لابنتنا ايمان وألف مبروك للعريس ..بارك الله فيهما وعليهما وجمع بينهما في خير ورزقهما الذرية الصالحة .. والف مبروك للخال محمد سعيد وللخالة زهرة وللأخت فاطمة ادريس و للأسرة بالخرطوم وبالبلد والتهاني موصولة لاختنا بثينة ولك اخي على ودامت الأفراح.

احمد ادريس عبيدون

عدد المساهمات : 171
تاريخ التسجيل : 26/04/2011

الرجوع الى أعلى الصفحة اذهب الى الأسفل

مبرووووك للعم محمد سعيد بابكر  Empty مليون مبروك

مُساهمة  محمد حسن محمد الجمعة نوفمبر 18, 2011 3:17 am

الف الف مبروك للعم محمد سعيد والتباريك والتهاني موصوله للاخ على محمود وزعيمه نسائنا وزينتهم بثينه محمد سعيد وبالرفاء والبنين

محمد حسن محمد

عدد المساهمات : 80
تاريخ التسجيل : 13/04/2011
العمر : 51
الموقع : الرياض

الرجوع الى أعلى الصفحة اذهب الى الأسفل

مبرووووك للعم محمد سعيد بابكر  Empty مبرووووووووووووووك يا جدو

مُساهمة  محمود علي محمود الجمعة نوفمبر 18, 2011 7:03 am

سلام وتحايا ليك ياجدي ربنا يمتعك بالصحه وبالعافيةوأنت بتزوج بت خالي صحيح ما شفته بس اللي سمعته عنه شيء ما ساهل كان بحب الخير لكل الناس عشان كده كل الناس الليله في داره بيزفوك يا إيمان للشاب هيثم الف مبروك ليك منو ولكل من عرفك وحباك خالو إبراهيم " الله يرحمك رحمه واسعه ""مبرووووووك خاصه للاخ محمد"حمووووو"
Very Happy Very Happy Very Happy Very Happy Very Happy

محمود علي محمود

عدد المساهمات : 10
تاريخ التسجيل : 21/10/2011

الرجوع الى أعلى الصفحة اذهب الى الأسفل

مبرووووك للعم محمد سعيد بابكر  Empty مبروك عليك الليلة يا منو

مُساهمة  بثينة محمد سعيد السبت نوفمبر 19, 2011 12:00 am

منو بت الحاج وإبراهيم وجعفر وعبدالرحيم وياسر ومنو بت الكبوداب والحمداب والقاضاب وآل الشيخ وود الشيخ والبدواب والرحماب وكل ناس قبلي وناس بحري وعموم الدوم والسودان ما عارفه اعبر ليك... بتسيل دموعي لما أتذكر فرحه جنابو أخوي يوم ولدوك وعشان كده ما عرفت أبارك ليك.. دمعاتي .. دمعات فرح بزواجك يا بتي ... وحزن لفراقك إبراهيم أخوي ود أمي وأبوي....... مبرووووك للعم محمد سعيد بابكر   منو

بثينة محمد سعيد

عدد المساهمات : 104
تاريخ التسجيل : 29/10/2011

الرجوع الى أعلى الصفحة اذهب الى الأسفل

مبرووووك للعم محمد سعيد بابكر  Empty رد: مبرووووك للعم محمد سعيد بابكر

مُساهمة  احمد ادريس عبيدون السبت نوفمبر 19, 2011 2:46 am

بثينة محمد سعيد كتب:منو بت الحاج وإبراهيم وجعفر وعبدالرحيم وياسر ومنو بت الكبوداب والحمداب والقاضاب وآل الشيخ وود الشيخ والبدواب والرحماب وكل ناس قبلي وناس بحري وعموم الدوم والسودان ما عارفه اعبر ليك... بتسيل دموعي لما أتذكر فرحه جنابو أخوي يوم ولدوك وعشان كده ما عرفت أبارك ليك.. دمعاتي .. دمعات فرح بزواجك يا بتي ... وحزن لفراقك إبراهيم أخوي ود أمي وأبوي....... مبرووووك للعم محمد سعيد بابكر   منو
كفكفي الدمع اختنا بثينة .. فالفرح ينبغى ان يغطي على الحزن رغم عمق الحزن فينا .. كلنا تذكرناه مع الفرح .. وانتي تعلمي خصوصية العلاقة بيننا وكيف اننا كنا "دفعة" عام 1984 ، ولكننا لا نبكي رغم ان البكاء هو الشفاء من الجوي بين الجوانح .. بل نفرح لابنتنا سائلين الله ان يرزقها الذرية الصالحة و نريد لفقيدنا الرحمة وأن تصله دعواتنا بدلا عن الحزن. الله يديكي العافية

احمد ادريس عبيدون

عدد المساهمات : 171
تاريخ التسجيل : 26/04/2011

الرجوع الى أعلى الصفحة اذهب الى الأسفل

مبرووووك للعم محمد سعيد بابكر  Empty رد: مبرووووك للعم محمد سعيد بابكر

مُساهمة  قريب محمد راجع السبت نوفمبر 19, 2011 5:05 am

ألف ألف مبروك للخال محمد سعيد .. والخالة الحنونة زهرة بت ود رحمة .... والأخت فافا والدة العروس ... وتهنئة خاصة.. المهندس/ جعفر والفنان القدير .. عبد الرحيم .... والأستاذ/ ياسر ... والأخت سمية..... والخال/ محمد عثمان ود رحمة

تهنئة خاصة جداً جداً (لكبتن جلد) والأخت العزيزة بثينة .... والله يا كبتن جلد ... الخبر ال زفيتو لينا دا ... تستاهل ...فيه مليون تعظيم سلام وكمان مليون ريال ... (بس ما تقول لي إديني ليها) ... وربنا يسعد العروسين ويهنيهم ... وإنشاء الله العقبال ... لبناتك .... وأولادك ....

قريب محمد راجع

عدد المساهمات : 204
تاريخ التسجيل : 19/10/2011

الرجوع الى أعلى الصفحة اذهب الى الأسفل

مبرووووك للعم محمد سعيد بابكر  Empty رد: مبرووووك للعم محمد سعيد بابكر

مُساهمة  احمد محمد على خليفة السبت نوفمبر 19, 2011 12:32 pm

مبروك،،مبروك ،،مبروك،،مبروك،، والف مبروك،،، لاميرة جنابو واميرتنا،،نسئل الله العلى القدير الرحمه والمقفرة له،،،،لقد كان اخاً صدوقا ظريفا عرفناه ،اديباً،شاعراً،راقى التعامل،اخا لا يُنسى ابداً،،عشنا اجمل ايام الصبى معا،،اختى بثينة،، لم تتوقف دموعى ،،وانا اكتب هذه السطور ايضا ،،لعُمق الجُرح،،لا تمنع الاحزان الافراح والخلط بينهم اعمق واجمل ،،،،،
الف مبروك لنا جميعا ،،من الخال العزيز محمد سعيد والوالدة زهرة والاخ باشمهندس جعفر رفيق العمر والفنان المبدع عبد الرحيم والخ ياسر والا خت سميةوالف مبروك لناس الدوم والمايقومه...

احمد محمد على خليفة

عدد المساهمات : 13
تاريخ التسجيل : 01/10/2011

الرجوع الى أعلى الصفحة اذهب الى الأسفل

مبرووووك للعم محمد سعيد بابكر  Empty إلى من قطف الإبتسامة وطبعها على أحزاني

مُساهمة  بثينة محمد سعيد الجمعة نوفمبر 25, 2011 1:12 am

محمود ولدي ..رغم أنو اتولد بعد وفاة إبراهيم أخوي..عنده محنه وحب ما عادي للأهل وحنية بزياده و بقول ليهو دائماً""الولد خال"" فيك الخير ولدي عرفته تهنيء جدك وأهلك بالزواج..محمد حسن ما بتفوتك ابداً الحاجات دي زول واجب وأصول وحوبات ..أخوي وزي أبوك الله يديهو الصحة والعافية ليهو مكانة خاصة عند ابوي والاسرة كلها...قريب أسمك عدلو... أخوي بعد ما اتفارقنا في السودان جمعتنا الدمام وكانت اجمل الأيام للاسرتين تحياتي الخاصة لاسرتك الرائعة ..أحمد الهادي الراجل الحنون زي عمتي نوره الله يرحمها ""فطور الجمعة عندها كوم وشاي المغرب كوم تاني""علاقتك كانت غير مع جنابو الله يديم عليك الصحة والعافيةوما بعرف أكتب كلام نثري حلو واجاريك تسلم أخوي..وزي ما قلت عمق الجرح ما بمنع الافراح...أخوي أحمد أدريس نثرك شعر ..الحنة كانت في بيتكم وعندك علاقة مميزه مع الوالد. أنا ما شاعره زيك عشان أكتب كلام حلو ...وزي ما قلته هي فرحه وحزن وفرحتي كانت أكبر بي وقوفكم معاي ويا ريت المحنة والمحبة اللي في قلوبنا ننقلها لي أولادنا

بثينة محمد سعيد

عدد المساهمات : 104
تاريخ التسجيل : 29/10/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى