قصيده شاب سودانى في دول الخليج

اذهب الى الأسفل

قصيده شاب سودانى في دول الخليج

مُساهمة  سلافة عبداللة محمدعلي عمر في الثلاثاء نوفمبر 22, 2011 6:52 am

كان يسكن في احدي دول الخليج وفي يوم زهب الي احد البنوك وكان هناك بعض الازدحام وكان في مقدمه الصف فجات امراءه خليجيه وابت ان يتقدمها السوداني وقالت له بلهجتها وخريااسود وترجمتها بالسوداني زح ياعبد فتفاجاء بهزا الاحراج امام جميع الناس وقال لها اسود سترك يامرة ويقصد العباءه التي ترتديها ولم يستطع قول شي اخر لانه كان محرج الا انه عاد الي البيت وكتب القصيده التاليه واستطاع ان يوصلها لها اليكم القصيده; قالت لي يا اسود ارجعت للوراء حنطي لونها وبشرتي سمراء مغرورة شكلها تحب الطاعه والولاء السواد هو الوطن في القاره السمراء سوادي هبه حالقي واحس بالرضاء لوني شرف لي وللكعبه كساء للرجال مميز للشوارب واللحاء سوادي فيا العيون زينة وبدونة عمياء لوني شهامة ورجولة ومابة مايساء سوادي خيام بادية لعروبة كرماء لوني للمراءة ستر وغطاء سوادي علي كل راس امنيه للنساء ولوشعرك ابيض تشترين لوني بسخاء وبعدما تضعينه تعودين شبابا للوراء تقولين اسود وكل من يزور الكعبه يقبل لوني بانحناء السواد هو صندوق سر رحلات الفضاء السواد هو بترول يبدل صحاريك لواحه خضراء لولاء السواد ماسطع نجمولاظهر بدر في السماء
تاملي الزرع والضرع وسر حياتنا في سحابه سوداء اسمعيني والله انت مريضه بداء الكبرياء انصتي لنصيحتي ووصفه الدواء عليك بحبه مباركه من لوني مع جرعة ماء انا لست مازحا وستنعمي واللة بالشفاء سامحيني يامغرورة لكل حرف جاء وكلمه هجاء لااسود ولاابيض في شرعنا سواء كلنا لادم وامنا حواء

سلافة عبداللة محمدعلي عمر

عدد المساهمات : 13
تاريخ التسجيل : 22/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيده شاب سودانى في دول الخليج

مُساهمة  مدثر القاضي في الثلاثاء نوفمبر 22, 2011 11:34 am


اولا مرحب بيك كتييير سلافة في منتدي الدوم وشايف فيك تمييز من البداية..
ع العموم حللتي سهلا ونزلتي اهلا ,,, ^_^

حقيقة القصيدة روووووووووووووووووعة ولا اقدر ان اصف او ازيد
avatar
مدثر القاضي

عدد المساهمات : 91
تاريخ التسجيل : 20/09/2011
العمر : 28
الموقع : m.algady 1001@ yahoo

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

حبابك بت الكبابيش

مُساهمة  عصام القاضي في الثلاثاء نوفمبر 22, 2011 12:29 pm

حبابك ونورتى المنتدى وشكرا على القصيده الجميله........................

عصام القاضي

عدد المساهمات : 19
تاريخ التسجيل : 19/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيده شاب سودانى في دول الخليج

مُساهمة  احمد ادريس عبيدون في الأربعاء نوفمبر 23, 2011 4:11 am

ابنة اخي الكريمة سلافة ... أولا نرحب بك وبدخولك المنتدى و نهنئك على الموضوع الذي بدأت به المسيرة ... والدك العزيز قضى وقتا من حياته في الغربة و "مرق بي جلدو" ونحن ما زلنا نصارع، وقد عرفنا جميعنا طبائع أهل الخليج ورغم ان فيهم الطيب والمتفهم لظروف الاجانب فان فيهم ايضا الفئة التي وصفتيها، ولكن والحق يقال فان المغترب السوداني في هذه الدول له مكانة خاصة واحترام واضح ...
عموما ، بالاضافة الى ما قاله الشاب في قصيدته فانا اقول ان اللون لا يجب ان يشكل تفريقا بين الناس الا عند الجهلاء ، فقد أزال ديننا الحنيف هذه الصفة وفرق بين العجمي والعربي والاسود والابيض بالتقوى فقط .. وها هو سيدنا بلال العبد الحبشي - (ويقال انه سوداني ودنقلاوي كمان)- ها هو يصبح افضل من سادة العرب امثال ابو جهل وابو لهب وشيبة وعتبة .. بل ان الرسول صلى الله عليه وسلم قال لسيدنا بلال " يا بلال اني سمعت بالأمس صوت خشخشة لقرع نعلك في الجنة "
و مثال آخر .. الفارس عنترة بن شداد وهو عبد اسود لكنه ساد سادته و كان يرعب اعداءه على امتداد الدول فها هو يقول عن نفسه.
حصـــاني كان دلاّل المنــايا فخاض غمارهــا و شــرى وباعـا
وسيفي كان في الهيجا طبيبا يداوي رأس من يشكو الصداعا
انا العبـــد الذي خُبـّـرت عنه لقــد عاينتنـي فــدع السماعــا
اذا الأبطـــال فــرّت خوف بأسي ترى الاقطــار باعــا او ذراعــا

ومثال ثالث :
اعظم شعراء روسيا في عز نهضتها ، بل احد اعظم شعراء اوربا اليكساندر بوشكين هو من اصل افريقي أسود .. و لنا ان نقيس على ذلك فكثير من عظماء العالم وعلمائه اليوم من افريقيا وللسودانيين في ذلك نصيب.
اما من اراد ان يعتبر اوباما مثالا رابعا فله ذلك .. وهكذا فان الأمر محسوم منذ امد بعيد ولكن يجب ان نثق نحن في انفسنا ولوننا ولا نعطي لمن هو اقل منا شانا ان يعيرنا بشيء ليس فيه ذم وهو لوننا الذي نعتز به .. اكرر لك شكري ابنتي وتحياتي للوالدين.

احمد ادريس عبيدون

عدد المساهمات : 171
تاريخ التسجيل : 26/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

شكرا مدثر وعصام القاضي

مُساهمة  سلافة عبداللة محمدعلي عمر في الأربعاء نوفمبر 23, 2011 6:41 am

اشكركم علي الترحيب واتمني ان اوفق باختيار الافضل في المرات القادمة والنور نوركم من قبلي


عدل سابقا من قبل سلافة عبداللة محمدعلي عمر في الأربعاء نوفمبر 23, 2011 6:53 am عدل 1 مرات

سلافة عبداللة محمدعلي عمر

عدد المساهمات : 13
تاريخ التسجيل : 22/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

شكرا عم احمد

مُساهمة  سلافة عبداللة محمدعلي عمر في الأربعاء نوفمبر 23, 2011 6:49 am

الشكر لك علي الاضافة الجميلة لقد اعجبني اسلوبك كثيرا وابلغك تحيات والدي وهو الزى اشار الي بالدخول في هزا المنتدي والتواصل معكم

سلافة عبداللة محمدعلي عمر

عدد المساهمات : 13
تاريخ التسجيل : 22/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيده شاب سودانى في دول الخليج

مُساهمة  احمد ادريس عبيدون في الأربعاء نوفمبر 23, 2011 7:22 am

سلافة عبداللة محمدعلي عمر كتب:الشكر لك علي الاضافة الجميلة لقد اعجبني اسلوبك كثيرا وابلغك تحيات والدي وهو الزى اشار الي بالدخول في هزا المنتدي والتواصل معكم
اشكرك ابنة اخي الكريمة على ردك وتبليغي سلام والدك .. ووالدك واعمامك جزاهم الله خير من اكثر المحبين والمرتبطين بالبلد وطبيعي ان يطلب منك والدك الانضمام للمنتدى ويا ريت هو ذاتو يشرفنا.. بالمناسبة دي انا عندي طرفة عاوز اشوف لو ابوكي يتذكرها .. مرة و ابوكي صغير انا جبت كرة قدم من ايماني وقلت ادرب ابناء الدوم واعلمهم شوط الكورة لأن من لا يعرف الشوط الصحيح كان يشوط بظفره (ضفاري) ويعوق اصبعه .. وكنت انا كبير وابوكي صغير وكان يرعى بقرة او ناقة لا اذكر ولما شافنا جاء ربط البهيمة جنب الميدان في دوماية في رملاة العبيد وجاء يلعب الكورة .. بعد شوية جاء خالي محمد علي عمر يهرج ويقول يا عبد الله يا ولد رابط البهيمة دي ليه وتسوي في شنو ؟؟ ابوكي قال ليهو قاعد العب الكورة فاستغرب جدك وقال له ابرقبة كورة شنو تلعبها ولكن بعد شوية شافني كبير وسط الشفع وقال لي " انت قاعد تسو شنو هنا يا احمد" وبخجل قلت ليهو والله يا خال قاعد العب الكورة.. فما كان منه الا ان استغرب ولم يرد احراجي لكن قال قولا بليغا احرجني جدا . قال لعبد الله " ما دام كدي العب يا ولدي انا برعي البهيمة " وطبعا في الزمن داك لعب الكورة كان شبه عيب ... فهل تذكر تلك الحادثة يا عبد الله ؟؟ تحياتنا للكل ودمتم بخير.

احمد ادريس عبيدون

عدد المساهمات : 171
تاريخ التسجيل : 26/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

إنت..شن قولك يا حضرة القاضي

مُساهمة  محمود علي محمود في الأربعاء نوفمبر 23, 2011 11:24 pm

قبل كل شيء..سلام وبعتذر للغياب كان عندي اختبارات والحكومة""أمي""عاملة سلك شائك حول النت..أهلا أختنا سلافة موضوعك مطروح لأول مره في المنتدى وتشكري عليهو..مدثر الرائع دائماً في كتاباتك وردودك.تسلم..وتعقيبك عمو أحمد أدريس ده كوم براهو ما بقدر نجاريهو في الكتابه..ما نزعل من العنصرية والسخرية والدليل زي ما ورد في رد عمو أحمد مذكور في القران الكريم وفي الحديث الشريف ودي طبيعة البشر وحتي في عهد الرسول صلى الله عليه وسلم في قصة أمنا صفية رضي الله عنها ..فتفاخرت عيها أمنا عائشة وحفصة بانها يهودية فبلغ ذلك الني صلي الله عليه وسلم فقال لها ""ألا قلت وكيف تكونان خيراً مني؟ وزوجي نبي وأبي نبي وعمي نبي؟"او ""أنك لبنت نبي وإن عمك لنبي وأنك لتحت نبي"فبم تفخر عليك ثم قال:أتقِ الله يا حفصة..المهم نحن كسودانيين عندنا تفرقة قوية في بينا وفي قبائل الزواج منها ""محرم وعييييب"وده كلام موجود وما ننكره وقولوا لي ..تفتكروا زي أوباما ده ممكن يكون شغال شنو عندنا في الدوم"""أمي عندها قصة في نهايتا أنو حبوبتنا الغالية حرم علوب كانت بتشم صنانة ال... في كوستي من أول الشارع"""ويا ناس الدوم يس لو جاءكم أوباما عايز يتزوج منكم...؟ زي ما قال الجعلي..أنا قولي خلو يا حضرة القاضي أنت شن قولك؟؟؟؟ No No No No No

محمود علي محمود

عدد المساهمات : 10
تاريخ التسجيل : 21/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيده شاب سودانى في دول الخليج

مُساهمة  قريب محمد راجع في الخميس نوفمبر 24, 2011 12:47 am

الإبنه سلافه.. الله يديك العافية ..
موضوعك رائع وقوي ... مداخلة أخونا وأستاذنا أحمد إدريس ... زادت الموضوع روعة وجمال ... كعادته دائماً... ولا يسعنى إلا أن أقول.. (وأنا كمان بقول زي ما هو قال ) .... شوف كمان مداخلة إبننا الرائع محمود ولد ابو محمود (كبتن جلد) .. في غاية الروعة والجمال ربنا يحميك ..

بس لكن لو نظرنا للموضوع من زاوية أخرى .... الكلام ال نحن نقولوا عن السواد ... كلوا كلام صحيح .. لكن مين ال بقنع الناس ديل ...هذه هي نظرتهم لنا ... ومهما نمجد ونذكر مميزات اللون الأسود ... ما ح يغيروا نظرتهم إلى يوم الدين ... يعني مثلاً شوف الحرمة السعودية دي ... رغم إنها سمعت عن بلال الأسود .. وسمعت عن عنتر وبطولاته ... وربما تكون سمعت عن أشهر شاعر روسي (بوشكن) .. وربما تكون سمعت أكثر من ذلك ... رغم هذا كوووووولو برضو ... قالت للسوداني (زح من إقدامي .. يا أسود ) ... لا لا لا لا ما في طريقة .. الموضوع لابسنا ..لابسنا ..

من نكات أخونا أحمد محمد سعيد (أحمد سوتش) الظريفه الساخرة .. كان هو أخونا الرشيد عبد القادر على نمر واقفين في إشارة .. واحد سعودي قال لأخونا الرشيد ( يا أسود) ..
أحمد سوتس قال : لا حولا .. دا لوكان شاف .. واحد أسود مننا كان ح يقول شنو .. (طبعاً بالنسبة لينا الرشيد لونو أبيص).. وقس على ذلك ..

تعالوا نخلي روحنا رياضية ونعترف بأننا (كلنا عند العرب صابون) يعني كلنا واحد .. ... ونغير نحن نظرتنا في السودان ... لأنو نفس النظرة عندنا في السودان موجوده .. ياريت نحن نغير نظرتنا في الأول ...

كسرة أخونا محمد حسن الرعيابي والمبدع دائماً ..... أخونا و(خالنا) عبد الله محمد على عمر عندو بتين.. واحده دكتورة ... والتانية مهندسه ... إنت يات فيهم ... عموماً مرحب بيك .. ومرحب بكل الكبوداب والكبابيش .. وأشكر أخونا عبد الله وأدعوه للمشاركة في المنتدي هو كمان ... والتحية لجميع الأخوان في بورتسودان ... في أمان الله ...

قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى