منتديات الدوم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تعالوا أشربو الشربات .... عندنا برنامج ..أفراح أفراح .

2 مشترك

اذهب الى الأسفل

تعالوا أشربو الشربات .... عندنا برنامج ..أفراح أفراح . Empty تعالوا أشربو الشربات .... عندنا برنامج ..أفراح أفراح .

مُساهمة  قريب محمد راجع السبت نوفمبر 26, 2011 2:18 am



يحتفل الزعيم اليومين ديل .... بمناسبة تتويج الفريق ببطولة الممتاز .... بعد ان فشل اتحاد الكره .... في اقامة مهرجان يليق بهذه المناسبة ...

وبعد أن أفلت الهلال من هزيمه ثقيلة من الزعيم .. بمساعده الحكم ... كما قال الخبير التحكيمي الطاهر محمد عثمان : (ضربة الجزاء غير صحيحة وكان على الحكم انذار سادومبا للتمثيل !!!) ...

أخوانا الهلالاب ... أول المعزومين .. وعلى رأسهم الأخوان .. ود القاضي ومحمد حسن وعبدالعظيم... والإبن كرار آبدول ... كمان معاهم أخونا أحمد إدريس (ضيف شرف) ..

الدعوة موجه .. من أخونا فخري أحمد سعيد ..

أوعوا ... تتأخروا... المواصلات مجاني .... المرة دي ... ح نديكم ... عصير بالسكر .... عصير فراولة (أحمر ) .. وعصير برتقال (أصفر) ...

والعاقبه عندكم في الأفراح..... ودامت أفراحكم ....

قريب محمد راجع

عدد المساهمات : 204
تاريخ التسجيل : 19/10/2011

الرجوع الى أعلى الصفحة اذهب الى الأسفل

تعالوا أشربو الشربات .... عندنا برنامج ..أفراح أفراح . Empty رد: تعالوا أشربو الشربات .... عندنا برنامج ..أفراح أفراح .

مُساهمة  عبد العظيم قسم الله الأحد ديسمبر 04, 2011 5:39 am

أخونا عباس لك التحية وأشكركم انت و أخونا مدثر القاضي الهلالبي المغوار وما ذكرتوه في حقي لا استحقه لان ما قمت به هو واجب ممكن ان يقوم به اي احد منا ونحمدا الله ان جمنا في بيتنا الدوم. اما عزومتك مقبولة بس نحن شربناها اكثر من عشرة مرات وبعرقنا مش بحكم ظالم مثل خالد عبد الرحمن في مباراة اهلي شندي ضربة جزاء في اخر دقيقة ونقضها على الملأ حكمك الذي استشهدت به وحكم مباراة النيل زاد المباراة ١٥ دقيقة ومجرد ما تعادل أنهى المباراة نحن نعرف ان الهلال مستهدف من حكام سيحة ومن يدفع لهم ونحن خوفا من حل ناديكم وما يكون لنا وصيف قبلنا التفريط في الممتاز لان بصراحة حاتكون مشكلة طلعتوا من ابطال افريقيا من قولت تيت وسيكافا دفعتوا عشان تعوضوا الفشل برضو فشلتوا وكاس السودان شرتوا ضحى واخذناه حمرة عين اما مباراتكم معنا وانت لما سمعت الطاهر قال ضربة الجزاء مشكوك فيها ما سمعته قال فاول قلق مع بكري المدينة يستحق فيه الطرد شوف حالكم انتم تامين ما عملتوا حاجة كيف لو ناقصين والله الازرق ما كان في يومه لو كان في يومه ما كان اخذتوا قلوة معانا عشان كدة تحمدو الله كثيرا نفدتوا منها بجلدكم وبعدين ابشرك طلع تصنيف الفيفا نحن الخامس افريقيا والرابع عربيا اين موقعكم انتم من الأعراب وايضا تكريما لسيد البلد الاتحاد الافريقي اعفانا من التصفيات الأولية لكاس الأبطال لان عمرنا ما طلعنا من قولت تيت ذيكم وعنده مسجل نحن في اول مواجهه افريقيا معكم غلبناكم ٣ وطول ويعني مع كاسكم دا انتم مسجلين عند الاتحاد الافريقي وصيف يلعب من التصفيات الأولية واليشوف احتفالاتكم يقول شلتوا كاس العالم بس معزورين لكم سنين ما ففرحتوا اهديك رائعة الطيب عبدالله ( خليه يفرح طول عمره ناسيه الفرح ) ٠٠٠٠٠ اخوك / عبد العظيم محمد  

عبد العظيم قسم الله
Admin

عدد المساهمات : 298
تاريخ التسجيل : 13/04/2011

الرجوع الى أعلى الصفحة اذهب الى الأسفل

تعالوا أشربو الشربات .... عندنا برنامج ..أفراح أفراح . Empty رد: تعالوا أشربو الشربات .... عندنا برنامج ..أفراح أفراح .

مُساهمة  قريب محمد راجع الأربعاء ديسمبر 07, 2011 6:48 am

أهلين وسهلين .. أخونا عبدالعظيم ... والله في الحقيقة إنت تستاهل الكثير ... وأنا زي ما سميت أخونا مدثر القاضي (نجوم نجوم المنتدي) ... أسميك إنت (رائد المنتدي ) Pioneer ...

والله فيك الخير ... ما قصرت ... قبلت عزومتنا ... وجبرت بي خاطرنا .. مش زي ناس .. فتحوا لينا ... بس عزرناهم ..قلنا يكمن عشان العصير كان عصير فراولة (أحمر) ... كان بودنا نجيب ليهم عصير لونو (أزرق) .. بس للأسف ما في عصير لون أزرق ...

وبعدين .. أنا في الحقيقة .. ما بتابع الدوري المحلي كتير .. أتابع مباراة المريخ ضد الهلال بس .. أو إذا كانت مباراة مهمة خصوص في نهاية الدوري ... عشان كدا ... حكاية الحكم عبدالرحمن .. وأهلي شندي .. و15 دقيقة كلها ما سمعت بيها ...... بعدين البكاء ما معنا ... والشكاوي ال زي دي تقدموها (يوم الجمعة العصر ) عصراً بدررررررري ... بس معقوله الحكم زاد زمن المباراة 15 دقيقة ؟؟؟ ... كتيره .... دا كلام زعل ساكت ...

والله صحيح .. أختو كاس السودان (حمرة عين) ... قلعتوهو ..عدييييييييييييل ... بدون لعب ... أخذتوهو ... على الطريقة (البريرية) ...

بس يا أخوى عبدالعظيم ..... أنا عاوز أقول ليك حاجة مهمة جداً .....رغم الكلام ال بقولوا دا كلو .... أنا في المنافسات الأفريقية ... ما بشجع المريخ ........... بس ... بشجع كل الفرق السودانية بنفس الدرجة .... وأولهم الهلال ... عشان كدا أنا بشعر بفخر ... عندما يكون ... تصنيف أي فريق سوداني ممتاز عالمياً أو قارياً ... بغض النظر .. عن إسم الفريق ...

لكن الهلال في الدوري المحلي .. ما بشجعو ........ بشجعو في حالة واحدة بس .... إذا كان مهدد بالهبوط لدوري الدرجة الأولي ...

ختاماً... أشكرك أخونا عبد العظيم .... مرتين ... مره عشان روحك رياضية وقبلت عزومتنا .. و مرة تانية ... عشان أهديتنا .. أغنية (ليل الفرح ) ... رغم إنكم إنتو ما فرحانين ..... والشكر موصول للأخوان محمد حسن الرعيابي .... وأخونا .. نجم نجوم المنتدي ود القاضي .. رغم إنهم ما لبوا الدعوة .... ودمتم في رعاية الله

قريب محمد راجع

عدد المساهمات : 204
تاريخ التسجيل : 19/10/2011

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى