ناس الدوم...أهل.....أهل ونسايب....أم غرباء جمعهم المكان والزمان..؟؟؟؟

اذهب الى الأسفل

ناس الدوم...أهل.....أهل ونسايب....أم غرباء جمعهم المكان والزمان..؟؟؟؟

مُساهمة  بثينة محمد سعيد في الإثنين ديسمبر 05, 2011 11:28 pm

قبل فترة أُثير موضوع القراريش....وفي ناس من الدوم وما قراريش وبرضوا رحمي شديد ...أنا شخصياً ما مستعده أتخلى عن أي واحد من ناس الدوم حتي لو الظروف بس هي اللي خلتوا يكون من سكان المنطقة.... وبسمع من أبوي الله يديهوا العافية أنو الناس ديل أرحام ونسايب وكتير منهم في القرى المجاورة زي إيماني ...سورتود...السرارية...الزرايب....كرمه...العقال..لتي ويكن مناطق تانية بس نسيت الأسماء وأنا من مواليد كردفان بس مذاكرة كويس وحتى اللي ما شفتهم بعرف عنهم بعض المعلومات ويا ريت كل واحد مننا يكتب لينا عن الأجداد عشان الناس تعرف بعض أكتر........ Idea Idea Idea تزوج علي سليمان من كمير النور عمر بشاره الكوابية ""من سورتود""وأنجب منها أربع بنات وولد واحد هم :عائشة كمير ..جاره كمير...فاطمة كمير ...زينب كمير وبابكر ود الشيخ ثم ماتت فزوجوه بأختها الصغرى فولدت له بنت سماها كمير"الصغرى"على أسم زوجته الراحلة...تزوجت عائشة كمير من"جدة أبوي لامه""من علي حابساب وأولادهم اللي بعرفهم هم (1) حاج أحمد""كان مداح""وأسرته موجوده بالكدروا""أهل زوجته"" وبالفكي هاشم""خال أبوي لزم""(2)عثمان محمد علي عثمان يسكن ببورسودان""جد سيف الدين"(3)عبدالله "جد أولاد خديجة ضكيراب"(4)علي (5) بشير....وتزوجت فاطمة كمير من سعيد بدواب وأنجبت له (1) سعيد"جدي"(2) وإبراهيم "" واستقر وتزوج من الخرطوم بحري"" (3)عشمانه ...وديل ناس إيماني... ومن أولادهم محمد سعيد النونتود وآمنة سعيد واللي بعرف عنهم أكتر يقول لينا لأنهم ديل بالذات ما شفته أي واحد منهم......وتزوجت زينب كمير من رحمة مختار وأولادهم ..(1)محمد رحمة""زوجاته الزلال ومعظم أهلها في السرارية وروضة نصر قوم وأهلها من إيماني ""(2) خالصه وتزوجت من أبن خالتهامحمد فضل ""من سورتود""(3)أم الخير ما بعرف عنها شيء(4) حامد رحمه "أبو عوض وفافا حامد"(5)أمنة وتزوجت من حسن وليهم بنت وحيدة متزوجة ومستقرة بالحصاحيصا أسمها فاطمة حسن ...جارة كمير وتزوجت من أهل أمها"سورتود " فضل محمد النور وأولادهم ..عبدالوهاب..عبدالغفار ..أحمد..عبدالله"أبو بشرى كواب"" وستي.... ""أم مني مسند التي توفيت صباح عيد الأضحى الماضي وإتحسبت لي ناس الدوم غريبة منهم...وفاطمة ..وأما الولد الوحيد وسط البنات ديل هو جدنا بابكر ود الشيخ والد.(1). ود الشيخ"" أبو أرباب ..وبالمناسبة المرحوم علي سليمان سموهو على جده مش تشابه أسماء..(2)ليبة "أم فرحين وعائشة حمد (3)بابكير......وآخر العنقود كانت حبوبتنا كمير "الصغري"" ودي معظم الناس شافوها وتزوجت من محمد عثمان كبودي وأولادهم (1)حسن كبودي الله يرحمه ""كنت بحبه شديد""والزين كبودي وعائشة كبودي و......بالله عليكم كملوا الناقص عشان نعرف كيف تزاوجوا من القري المجاورة واللي رحلوا عشان لقمة العيش..ديل أرحامنا ولازم نودهم...

بثينة محمد سعيد

عدد المساهمات : 104
تاريخ التسجيل : 29/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الإنسحاب من مجموعة الدوم في حدقات العيون ..ليه..؟؟

مُساهمة  بثينة محمد سعيد في الإثنين ديسمبر 05, 2011 11:55 pm

ما أستفدته كتير بدخول المجموعة لمعرفة الناس لانو في تعريفهم بأنفسهم في الفقرة اللي اقترحوها معظمهم ذكر إسمه ثلاثي ومكان عمله وحالته الاجتماعية يعني من وجهة نظري زي أي واحد يرسل ليك طلب صداقة ما بتكون عارف عنه شيء وكمان ملاحظة يمكن أرجعوا صفحة المجموعة ولاحظوا كل ناس بعرفوا بعض بيردوا علي بعض ..بمعني داخل المجموعة اللي بتعارفوا من زمان هم اللي بتعاملوا مع بعض ..والطريف جاتني رسائل بيقولوا لي ما عرفناك منو ؟؟صحيح أنا ما عرفته عن نفسي بس اللي عرفوا أنفسهم ""مختصر جداً""أنا زاتي ما عرفتهم ..مش عارفة وصلتكم وجهة نظري.. Question Question Question وأنا ما بقدر أنسحب لانوا زي ما قال محمد حسن ""الضفر ما بطلع من اللحم وأنتوا أهلي والله حبيت المنتدي والمجموعة من قلبي ولو ما كل صباح طليت وشفتكم بكون ناقص جواي شيء ...يا ريت كل واحد من الدوم يكتب لينا عن ....أجداده ..حبوباته..الأسرة الممتده عشان ما يكون فرع من دون جذور...ودمتم

بثينة محمد سعيد

عدد المساهمات : 104
تاريخ التسجيل : 29/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

عرفناك وعرفناك

مُساهمة  محمد حسن محمد في الثلاثاء ديسمبر 06, 2011 1:42 am

مرحب الاخت بثينه وانتي تسردي لنا ما نجهله لكن لو امكن تعملي لينا شحره عائله كرسم ممكن يكون اوضح واشمل ولو عندك معلومات عن الرعياب من تسلسل النسب وغيره نرجو افادتنا بها وحانشتري منك المعلومات بس عايزين تخفيض وخصم خاص
كسره
بما اني اصبحت مهوووس بجمع الفلوس والقيام بها كنشاط للمنطقه فعندي طلب و سوال الطلب هو عايزنك تفعلي لينا العنصر النسائي لمشروع كسوة الشتاء من بطاطين وملابس لارسالها للمحتاجين لها من اهلنا واحنا فكرنا في الاستراحه من اجل هذا المشروع وياريت كل مايبرد الواحد فينا ويدخل تحت بطانيته يتذكر ان هناك من لم يجد مايقاوم به البرد والكثير يفترشون الارض ويلتحفون السماء
السوال كما قرات فتحنا باب التبرعات لبناء المظله وعمل لوحات للمنطقه للاسف كان عدد المتبرعين 17فقط والسوال هو اين البقيه من كبارنا اين هم من عمل الخير هل هم غير مقتنعين بالصدقه الجاريه ام لديهم تحفظ على طريقه الطرح ام لديهم ظروف ماديه تمنعهم رغم اقتناعي بان هذا السبب غير منطقي فقد تبرع ابنك بمصروفه المدرسي وتبرع خالد حمزه رغم انه عااااااطل عن العمل فقد استحيت من الاثنين ولولا انهم طلبو الاجر من عند الله لرفضت استلام مبالغهم فلست ادري الاجابه ارجو ان تكون عندك

محمد حسن محمد

عدد المساهمات : 80
تاريخ التسجيل : 13/04/2011
العمر : 46
الموقع : الرياض

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

أبشر كل أهلي...أهل وجود وكرم وحرم أتفضل...

مُساهمة  بثينة محمد سعيد في الثلاثاء ديسمبر 06, 2011 2:26 am

أبشرك بأن كل ناس الدوم ومن ينتمي ليهو من قريب او بعيد ناس كرم ويمكن دخلتك الشفقة لتأخرهم لكن ظروف العمل ..والمدارس وأنا متفائلة أنو يوم الجمعة بأذن الله ح يساهموا واللي ظروفهم ح تمنعوا من الحضور ح نمشي ليهو لحدي بيته والتبرع بأي شيء ""وأتقوا النار ولو بشق تمرة "" وليه ناسي علاء الدين ود رحمة بكل شجاعة قال متبرع بريالين""لكن علا الدين بيمزح وأكيييد ح يخت ليهو نقطة قدام الأثنين اقل شي "" وكل واحد من الطلاب ما بستخسر ال(10) ريال في البوفية ناهيك عن وجبات المطاعم ونحن عارفين أسعارهم كيف.....والله دي صدقة جارية يا جماعة ونحن بنشتري التوب الغالي والعمة والمركوب وما عارفين عندنا عمر نلبسهم ولا لا

بثينة محمد سعيد

عدد المساهمات : 104
تاريخ التسجيل : 29/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ناس الدوم...أهل.....أهل ونسايب....أم غرباء جمعهم المكان والزمان..؟؟؟؟

مُساهمة  عبد الرحيم (ود حسنة) في الثلاثاء ديسمبر 06, 2011 7:08 pm


شكراً يا أم مها. موضوع النسب أو الجينولوجيا موضوع شيق وممتع. أتمنى أن أجد الزمن للعودة إلى هذا الموضوع الهام. وأن شاء الله سأبدا بالوالدة فاطمة محمد علي ولها لقبان الأول: الزلال والثاني القراشية. ياأم مها ذكرتينا الزلال وتاورتني المواجع وبدأت أشعر بأن أصابعي ثقلت عن الكتابة على الكيبورد.

عبد الرحيم (ود حسنة)

عدد المساهمات : 121
تاريخ التسجيل : 17/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

وأنا تاورتني البهجة والسرور والفخر

مُساهمة  بثينة محمد سعيد في الثلاثاء ديسمبر 06, 2011 8:53 pm

عبد الرحيم (ود حسنة) كتب:
شكراً يا أم مها. موضوع النسب أو الجينولوجيا موضوع شيق وممتع. أتمنى أن أجد الزمن للعودة إلى هذا الموضوع الهام. وأن شاء الله سأبدا بالوالدة فاطمة محمد علي ولها لقبان الأول: الزلال والثاني القراشية. ياأم مها ذكرتينا الزلال وتاورتني المواجع وبدأت أشعر بأن أصابعي ثقلت عن الكتابة على الكيبورد.
مش عارفة تاورتني ده مكانة ولا لا...أكيد أشعر بالفخر والإعتزاز عندما يتناول الموضوع ده بالذات أنت يا أخوي وأحمد أدريس عبيدون.. أصلاً لما القي ليكم موضوع نازل في المنتدى ما بعرف أرد عليكم ...وحاسة أنو عندكم كنوز معلومات وبتدونا ليها بالقطارة..أنا معظم الناس دي ما شفتها ...تعرف إني الكلام ده لقيتو في مفكرة ""أشعار وذكريات"..لإبراهيم أخوي الله يرحمه ....الله يديك الصحة وطول العمر وتنورنا معلوماتك....

بثينة محمد سعيد

عدد المساهمات : 104
تاريخ التسجيل : 29/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ناس الدوم...أهل.....أهل ونسايب....أم غرباء جمعهم المكان والزمان..؟؟؟؟

مُساهمة  عبد الرحيم (ود حسنة) في الأربعاء ديسمبر 07, 2011 7:49 am


تحياتي يا أم مها
عندما قرأت اسم المرحوم إبراهيم محمد سعيد سرحت حوالي نصف ساعة ثم انتبهت وماعرفت ماذا أفعل؟
عموماً "تاورتني" في معناها البسيط "كررت العودة". أرجو أن يتم نقل هذا الخيط إلى منتدى التوثيق لإهميته
.

عبد الرحيم (ود حسنة)

عدد المساهمات : 121
تاريخ التسجيل : 17/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ناس الدوم...أهل.....أهل ونسايب....أم غرباء جمعهم المكان والزمان..؟؟؟؟

مُساهمة  بثينة محمد سعيد في الخميس ديسمبر 08, 2011 12:03 am

مشكور كتير لتفاعلك مع الموضوع وأتمني أنو الأعضاء يهتموا بموضوع الحبوبات وهم اللي رابطننا مع بعض ومهم لأنو في نساء تزوجوا من خارج الدوم او العكس...قصدت أن كلمة تاورتني حسب فهمي.. للحمى او الأحزان.. وأنا استلفتها منك للفخر والفرح..يا ريت لو معاك صور لجنابو نزلها..أرجوك...

بثينة محمد سعيد

عدد المساهمات : 104
تاريخ التسجيل : 29/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ناس الدوم...أهل.....أهل ونسايب....أم غرباء جمعهم المكان والزمان..؟؟؟؟

مُساهمة  بثينة محمد سعيد في الثلاثاء ديسمبر 20, 2011 12:33 am

لما ورد في ذهني السؤال ده لأنو لفت إنتباهي أن الموجودين في المنتدى أو مترابطين في الفيس هم اللي شافوا الدوم أو عندهم شيء بيربطهم عشان يكون في بالهم ولأنو في أسر كتيرة علاقتها إنقطعت بالدوم تماماً وما في حد بيعرفهم.. طيب أهلنا ديل مافي دور للمنتدي أو القروب يكونوا السبب في ضمهم لأهلهم ورجوعهم للبلد والناس؟؟؟أ أديكم مثالاً ..في الحصاحيصا توجد أسرة فاطمة حسن مكنة وأولادها وبناتها ماشاء الله ..هي بنت آمنة رحمة مختار ولانها يتيمة وتزوجت من خارج الأسرة وعاشت كل حياتها خارج الدوم بقت غربية بحكم بُعدها ....مثال تاني..عصام أدريس إبراهيم بابكر بدواب طوال عمله بالسفارة السودانية بجدة أنا على ثقة أنو معظم ناس الدوم في جدة ما بيعرفوا عنو شيء لانو أمه من شمبات...هل المنتدى والمجموعة للناس اللي بيعرفوا بعض؟؟ أو ده دورها في لم شمل أُسر الدوم المشتته في بلاد الله Question Question Question

بثينة محمد سعيد

عدد المساهمات : 104
تاريخ التسجيل : 29/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الى ود حسنه ابن عمتى والاستازه ام مها

مُساهمة  khalid algady في الجمعة ديسمبر 23, 2011 2:24 am

ياريت تمسكو لينا شجره ال علوب وال القاضى مع انو اهلى لاكننى لا اعرف غير جدى الثالث راجيك استازى عبد الرحيم واستازه بثينه

khalid algady

عدد المساهمات : 39
تاريخ التسجيل : 19/10/2011
العمر : 44

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى