الرد كسر للوصيف الدايم

اذهب الى الأسفل

الرد كسر للوصيف الدايم

مُساهمة  مرتضي واوي في السبت مارس 03, 2012 2:51 am

السلام عليكم اهلنا الطيبين ومعليش طولنا شديييد من المنتدي بس الشغلة كتيرة والحياة والدنيا هموها كترت وازيكم يامريخاب مشتاقين ليكم ومقلب الامل كيف والله حالتكم تحنن ضفر ماخليتوهو ومويابا ولا موية التابا ماخليتوها وجبتو ريكاردو قلتوا نفع مع الهلال بنفع معانا برضو الحال في حالو وبالامل صبرت قلبي اها من هسي ومن يوم الاتنين الفارق ببقي نقطة واحتمال يبقي 4مامعروف الموردة يكون عندها راي السنة دي دايرين لينا وصيف جديد لكن النصيحة نحنا زاتو في شندي ماعملنا حاجة بس القادم احلي وياوصيف ارجي الراجيك

مرتضي واوي

عدد المساهمات : 5
تاريخ التسجيل : 04/12/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الرد كسر للوصيف الدايم

مُساهمة  عبد العظيم قسم الله في السبت مارس 03, 2012 4:23 am

مرحبا يا دكتور نشكر لك طلتك البهية وانت تتوشح اجمل الثياب الزرقاء ونقول لك ان تاتي متأخرا خير من ان لا تاتي ونتمنى ان نراك انت تزين صفحات هذا النتدى دائما

اما ناس المحلي داخل عطبرة وطبعا دا كان السنة الماضية السنة دي المحلي داخل العرضة جنووووووووب وذي ما قال عادل امام (متعوده دائما ) صدقني لو ما حظهم كويس كان 2/ صفر وديل مشكلتهم طول عمرهم يسجلوا مشاطيب الهلال حتى المدرب وفي التسجبلات ما عندهم فنيين يشرفوا على التسجيلات يقيموا اللاعبين تجسسوا على غرفة تسجيلات الهلال ويشوفوا عين على اي لاعب يروحوا يسجلوه (ضفر ــ فيصل موسى ـ ....) ويا اخي نقاط اهلي شندي مضمونه رائح جاي لان ببساطة تذكر فريق بناموية اليوغندي قبل اسبوع لعب مع الامل هزم الامل 2/ صفر وانهزم من اهلي شندي 1/ صفر يعني اهلي شندي اقوي من الامل بكثير والدليل انه تعادل مع الهلاااااااااال وبعدين اهلي شندي فيه ثمانية من نجوم الهلال الدولين واملنا في الرابطة والاهلي مدني والخرطوم والضربة القاضية من سيد البلد وكل البوادر تأكد انهم السنة دي حيخرجوا من المولد بدون نقاط لا في المحلي والا الافريقي ودا كلامهم قبلنا وتصريح زيكو موجود في الصحف بس البيقنع عباس وقرشي وعبده فضل منو ....

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الرد كسر للوصيف الدايم

مُساهمة  قريب محمد راجع في الأحد مارس 04, 2012 7:03 am

أخونا عبد العظيم إنت قلت شنو ؟ .. أنا ما سمعتك كويس ..... إنت قلت : (حيخرجوا من المولد بدون نقاط !!!! ...... )

شوف أنا بقول ليك حاجة ..... إنت تنوم ... في المنام ... تحلم بأن سافرت جنوب كردفان مع المجاهدين ... وهناك حاربت مع ناس الدفاع الشعبي ... وإستشهدت هناك .... ودخلت الجنة .... في الجنة ....
قالوا ليك : بتحلم بي شنو
قلت ليهم : بحلم بأن المريخ ... يخرج من المولد بدون نقاط....

وإنت عايش في حلمك الجميل دا ....

فجاء .... تلقى ... إبنك يصحي فيك

يقولك: يا بابا ... إديني مصروف المدرسة .... إنت اليوم نمت كتير .... لغاية ... صلاة الفجر فاتتك .... الظاهر عليك إنك .. كنت حلمان حلم تقيل ....

تقول ليهو : أيوه .. يا إبني ... أنا كنت حلمان ... حلم ... إنشاء الله يحقق ... وتحكي ليهو الحلم ....

يقول ليك : لكن يا أبوي ... إنت ما تحلم ليك حلم معقول شوية .... حلمك دا صعب كتير ...

إنت تقول ليهو : يعني يا ولدي ... الواحد ما يحلم ... ولا شنو ....

وأنا بقول ليكم ... من حقكم تحلموا زي ما إنتو عاوزين .... لكن العبرة بالخواتيم ... والخيل الحرة ... بتاتي في اللفة الأخيرة .... والزعيم دائماً بظهر في النهاية ... كالعادة ....

وبعدين إنتو يا دكتور مرتضى .. فعلا ما عملتوا حاجة في شندي ... عارف ليه .. لأنو البرير ما مشى معاكم ... لأنو كان هدد ليكم الحكم ... وكان الهلال فاز ... بي ضربة جزاء ولا حاجة .... تاني عندما تمشوا أي مكان .... سوقوه معاكم ... بجيب ليكم نتيجة ...

وبعدين يا خونا عبد العظيم ... المريخ بس هو ال بسجل مشاطيب الهلال .... طيب ... بهاء الدين حارس المرمي ... كان يلعب وين .... في أم ضوبان !!! ...

يا أخونا عبد العظيم وأخونا مرتضى .. أنا برضو بحلم زيكم .. وأتمنى أنو في الدورة دي الهلال يكون (طيش الدوري) ... ويكون المريخ (تاني الطيش) ... لسببين ...

الأول : أتمنى أنو يحرز كأس الدوري المرة دي ... أي فريق غير..... الهلال والمريخ ...

والثاني : أنو يحقق حلمكم بأن المريخ يكون وصيف الهلال بس (بالمعكوس) .....

تحياتي لجميع الهلالاب .... خصوصاً أخونا ... الغايب الحاضر .. مدثر القاضي .... ودمتم في رعاية الله


قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى