أمي الله يسلمك

اذهب الى الأسفل

أمي الله يسلمك

مُساهمة  عبد العظيم قسم الله في الأربعاء مارس 21, 2012 12:49 am

هذه الايام ونحن نعيش عيد الام على امتداد البسيطة واللافت عدم فعالية مجتمعاتنا العربية والاسلامية رغم أن الاسلام أكد في كثير من الآيات والاحاديث القدسية هذه العلاقة ولكننا لم نستشعر مكانة هذه الانسانة الحنونة العزيزة الوفية حقها وكان من الأجدى أن نكرمها كل يوم تقديراً لهذا العطاء الممتد والمتدفق بحنان وهذه المساحة المحدودة لا تسع لتعبير ما يجيش من مشاعر صادقة تجاهها ومهما كبرنا سوف نظل أطفالاً في نظرها وومهما بعدنا أو اقتربنا يبقى الشوق لأحضانها الدافئة هو نبراس وأمل يحدونا ليل نهار ... أهديك كل ما أملك من كنوز الدنيا أمي فأنتي أغلى من ذلك ولا يسوى التراب التي تمشين عليها اهديك عمري وهل يا ترى عمري يسوى هذا الحنان والامومة ... أمي الله يسلمك ويديكي لي طول العمر في الدينا يوم ما يالمك
هذه القصيدة المعبرة من الشاعر التيجاني حاج موسي اهديها لأمي العزيزة ولكل الامهات
أمي الله يسلمك
ويديكى لى طول العمر
وفى الدنيا يوم ما يألمك
امى الله يسلمك
مى يا دار السلام
يا حصنى لو جار الزمان ،
ختيتى فى قلبى اليقين
يا مطمنانى .. بطمنك
أمى الله يسلمك
خيرك على بالحيل كتير
يا مرضعانى الطيبة بالصبر الجميل
سا سعد أيامى وهناى
لو درتى قلبى أسلمك
أمى الله يسلمك
أنا مهما أفصح عن مشاعرى
برضو بيخونى الكلام
وقولة بحبك
ما بتكفى وكل كلمات الغرام
يا منتهى الريد ومبتداه
يا الليا الله يسلمك
ويديكى لى طول العمر
وفى الدنيا يوم ما يألمك
أمى الله يسلم


عدل سابقا من قبل عبد العظيم قسم الله في الجمعة مارس 23, 2012 1:44 am عدل 1 مرات

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أمي الله يسلمك

مُساهمة  قريب محمد راجع في الخميس مارس 22, 2012 4:14 am

فعلاً قصيدة معبرة من شاعر مرهف ... لإنسانة تستحق كل التقدير والاحترام ... والجنة تحت أقدام الإمهات ...

نفس الشاعر قال:
بين الذكري والنسيان .... مسافة قريبة يا إنسان ..

وبصراحة أنا نسيت عيد الأم ... وفي الحقيقة مش نسيت .. أصلاً ...ما عارف أنو عيد الأم في هذا اليوم ...

بالنسبة لأسرتي الصغيرة ... أمس كان عيد الأم .. ظريف جداً ....

أول حاجة ..... بدأ اليوم بي (شكلة) ...

كيف ... الأم شغالة وتعبانة من الصباح وعملت غداء (مظبط) ..واليومين ديل ... كل الأولاد والبنات ال في المدارس والجامعات في إجازة وكلهم قاعدين في البيت...

وساعة الغداء .. فرشت الأم السفرة ... وختت الأكل ... والأولاد جلسوا حول السفرة .. والولد (العفريت ) محمد عباس خت قداموا قارورة الببسي الكبيرة .. وفتحها ...

والأم .. كالعادة .. تجلس آخر واحدة في السفرة ... وجاءت تجلس .. (شاتت) قزازة الببسي بي (كراعها) ... والببسي إتشتت فوق الأكل ... والأكل (إتلخبط )..

يلا الأم .. زعلت ... وجاطت ... (مع أنو هي الشاتت الببسي) ... بعد ما (هرجت) كويس ... قالت : دا شنو دا ... اليوم عيد الأم ... وإنتو .. ما إحتفلوا بي .... وكمان تلخبطوا الأكل .. ال من الصباح شغالة فيهو !!!!

وطبعاً أنا ..... ما جايب خبر لعيد الام ... وكملت ليها الناقصة ... قلت ليها : ليه ... أصلو الأم كل 3 يوم يحتفلوا بيها؟؟؟ .... أسع أول إمبارح ما كان عيد الأم ؟؟؟ ... ما في عيد الأب ؟؟؟ ... غايتو .... أنا كمان أخدت ال في النصيب من (الجوطة) ...

لكن المفاجأة ... ال كانت هي ما عارفها .. وأنا برضو ما كنت عارفها ... أنو ... الأولاد كانوا مجهزين ليها ... التورطة وهدية عيد الأم ...

وفي المساء ... وهي جالسة أمام التلفزيون .... دخلوا عليها كلهم .. وقدموا ليها الهدية والتورطة .... وإحتفلوا معها بي عيد الأم ... وكمان ... نزلوا صورتها في (الفيس بوك) ... طبعاً فرحت شديد ....

وأنا قلت للأولاد ... والله أنا زاتي فرحان شديد ..... عارفين ليه ؟؟؟ ....
قالوا كلهم مع بعض: (ليه) ...
قالت ليهم : عشان أنا طلعت من (الشغلانة) دي .. زي الشعرة من العجين ... ما دفعت ولا ريال في تكاليف الحفلة دي ... كلها دفعوها من عندهم ...


قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى