قام تاني جاب سيرة بشة

اذهب الى الأسفل

قام تاني جاب سيرة بشة

مُساهمة  مرتضي واوي في السبت أبريل 14, 2012 4:50 am

السلام عليكم اهلي الطيبين طبعا نحنا بنظهر دائما مع ضرب الوصيف الدائم بشة صعبتها مع الجماعة ديل0 الليلا مازيمبي جاكم طبعا نحنا دردقناكم ليهم وحتمشو الكنغو مدروخين وكمان قالو موبوتو مولع نار وبقي الهداف التاريخي للابطال 0النصيحة ليكم السنة دي اقنعوا منها 0طبعا ياعبد العظيم الجماعة احتاروا في غارزيتو دا بعمل في شنو معقولة صالح الامين نجم المباراة ياوصيفاب لازم تعرفوا دي طريقة ايطالية في الدفاع انتوا نسيتو الزول دا ايطالي وبعدين شابكننا التحكيم التحكيم اها ضربة جزاء سادومبا كيف وباسكال مفروض يطرد واكرم المتهور يمشي بيتهم عديل عليكم الله في زول يضرب بدون كورة ويدوهو اصفر بس دا قانون وين عشان ماتجوا تتكلموا عن التحكيم اصلوا دي شماعتكم ويقولوا الهلال مالعب اها طيب لو لعبنا النتيجة حتكون كم يعني وياعباس اقنع السنةدي من الابطال والدوري ورجعوا الحضري احتمال تكونو الوصيف لانو السنة دي حتي لقبكم المحبب مهدد 0مبروووووووووووووووووووووووووووووووووووووووووووووووووووووووووووووووووووك يا اسيااااااااااااااااااااااااااااااااااااااااااااااااااااااااااااااااااااااااااد البلد وعقبال الجماعة مازيمبي يطبق ليهم الحنة

مرتضي واوي

عدد المساهمات : 5
تاريخ التسجيل : 04/12/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قام تاني جاب سيرة بشة

مُساهمة  عبد العظيم قسم الله في السبت أبريل 14, 2012 11:51 pm

دكتورنا العزيز مرتضى الف مبروك على الفوز المشرف لهلال الملاين وان شاء الله من انجاز لانجاز اما حكاية بشة طبعا دا البصير الكاوي السنة الماضية مسمارين تشة من بشة والسنة دي مسمار تشة من بشة واذا ما راح القيرقان البصير بشة موجد ,,,,, اما موضوع مازمبي الكنقولي قالوا ريكاردو قاعد يجهز في شنطته للسفر للبرازيل وطبعا حا ياكلوها رايح جاي والكنفدرالية منتظراهم بالمسيقة والحضري ما اظن يجي لانه كما قال هو ما حيقدر يحرس مرماه من 22 لاعب وكما فال لن العب مع لاعبين ليس لهم طموح .
التحية لك اخي مرتضي وايضا التحية لاخونا عباس ونقول له يوم الخميس كنا في الرياض وتوقعناه يكون هناك عشان يشرب معنا عصيرات مامون البرير ولكن لم يحضر بس لو ما حضر في كاس الممتاز والسودان والبطولة الافريقية حانلومة .

اخوكم / عبد العظيم

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قام تاني جاب سيرة بشة

مُساهمة  قريب محمد راجع في الأحد أبريل 15, 2012 3:01 am

سلام للأبن كرار آبدول .. والأخوان عبدالعظيم ومرتضى ... وجميع الرياضيين ...

أنا في الحقيقة (ما) عاوز أقول ... أنو المباراة كانت ..(قون وباك) .... وأنو الهلال ما فات خط 18 حقو ... إلا في مرات بسييييييييطه ...

و(لا) عاوز أقول .... أنو الهلال كأنو كان بيلعب ضد (برشلونه) ...لاعبين المريخ (دسوا) الكورة .. من لاعبين الهلال ... ما لمسوا الكورة إلا مرات بسسسسسسسطه....

وكمان (ما) عاوز أقول ... أنو المريخ أهدر 8 أهداف مضمونة ... وأنو النتيجة العادلة .. كانت 8 أهداف للمريخ مقابل هدفين (واحد فيهم بلنتي) للهلال ....

و(لا) عاوز أقول .... أنو زمن الشوطين كان ناقص .. بذات الشوط الثاني ... كان (10 دقائق) بس ... الحكم (غلبان) ... عاوز (يتخارج) .... كان خايف تجيهو ... (بنية) من هنا ... ولا من هناك ... عشان كدا .. ما حسب إي ضربة جزاء .. واحدة للهلال .. 2 للمريخ ...

أنا في الحقيقة عاوز ... أقول .. ....أنو الكورة أهداف .... والهدف كان من نصيب الهلال ... وألف مبروك للهلال على الثلاث نقاط .... وأقول هاردلك للزعيم ..... والكورة (ما ب تدي حريف) .... وحظ أوفر (لبرشلونة) ... في المرات القادمة ...

وعاوز أقول برضو ... من حق الهلال وجمهوره يفرح كتيييييييييييييير .... لأنهم كسبوا ثلاث نقاط (ساااااااااكت ) ... من حق الزعيم وجمهوره ... يزعلوا ... لانهم .. خسروا ثلاث نقاط (سااااااااااااااااااااااااااااكت) ....

بس ... أنا كنت دائما بقول .. أنو اللاعب بشه ... لاعب ممتاز (مهاري وتكتيكي) ... ويعرف يعني أيه ... لاعب محترف ... ينفذ توجيهات المدرب كما ينبغي ... حتى لو طلب منو .. يجلس في كنبة الإحتياط ... لكن إلى حد ما ... مظلوم في الهلال والفريق القومي ... هدفو في المريخ ... مباغت .. فيهو مهارة عالية في التهديف ...

وبالمناسبة دي يا أخونا عبد العظيم .... عندي سؤال برئ .. وين هيثم مصطفي ؟؟؟؟ ..... دخل الغابة ولا شنو ... بقي متمرد ؟؟؟... سمعت أنو قال للمدرب .. (يا تسمع كلامي .. ولا تفرتك ) ...

لكن ... أنا بحذر الهلال ... إذا كانت دي طريقة لعبوا ... في ملعبو ... ووسط جمهورو ... يلعب (قون و باك ) ... عندما يمشي ويلعب في الجزائر ... ح يلعب كيف !!!!.... (باك و قون) ...... ح يلعب وراء الباكات (زي ما بقول .. أخونا /محمد أحمدون) ... طريقة لعب الهلال دي ... ما ح تأكلو عيش .... ما يغركم .. الهدف في المريخ ..... شوفوا ليكم حل .....

وفي الحقيقة كمان يا أخونا عبدالعظيم ... أنا أول ما عرفت أنو المريخ ... ح يقابل مازمبي (الزفت دا) ... قنعت من كأس الأبطال .. المنطق يقول ذلك ..... مازمبي في الوقت الحاصر أقوى فريق أفريقي ... وغلب الهلال في عقر داره (5) أهداف .... وقلت أنو المريخ فرصتو في الكنفدرالية بس ...

لكن أبشرك ... أنو الحضري (ال عامل ليكم قلق) .. ح ينضم للمريخ في الفترة القادمة ... وكمان أطمنك .. أنو نحن في المريخ .... ما قنعنا من الدوري ... إذا كانت دي طريقة لعب الهلال .... الدوري مضمممممممممون للزعيم ....

عموماً .... ألف مبروك للهلال .. كسب جولة .. والدوري لسع في البداية ... والفرصة موجودة للمريخ للتعويض (خصوصا مع الحضري) ....

وختاماً ... التحية لأبن كرار و الدكتور مرتضى والأخ عبد العظيم .. وتحية خاصة لأخونا مدثر القاضي ... أسع تلقاهو ... فرحاااااااااااان .... لدرجة أنو .. ما قادر يتكلم .... والتحية موصوله لجميع الأخوان .... في أمان الله .......

قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قام تاني جاب سيرة بشة

مُساهمة  عبد العظيم قسم الله في الأحد أبريل 15, 2012 6:13 am

اخي الظريف جدا صاحب القلم المرهف والذوق الرفيع عباس اولا : اذا على المستوى اشاطرك الراي اذا دي الرمة اقصد القمة على الدنيا السلام وعشان كدة استغفر الله وذي ما بيقولوا شن جاب لجاب ما تشبة برشلونة بناس قريعتي راحت ناس (كروم ) راقص الباليه اقصد (عشرة بلدي ) اما رجوع الهلال لدفاع دا شي طبيعي لانه عنده شي ما يدافع عنه ولو لا ظلم الحكم لكانت القلة كبيرة ولكن العيب فيمن متروك له المساحة داخل خط ال 18 خلال الشوط الثاني وما قادر يجيب هدف دا لو دفاعكم كان رقدوا برش اما خوف الحكم من البونية نحن ناس البونية حقينا بعدين في مصر المشكلة في ناس نجم الدين وباسكال (المصارعين ) هم الخوفوا الحكم عشان كدة صرف ضربة الجزاء للهلال اما حسم الدوري يا صاحبي انتهى الموضوع انتم قبل كدة انهيتوا الدورة الاولى بفارق 7 نقاط وجينا اخذتا الدوري بفارق 9 نقاط ما بالك المرة دي من قولت (تيييييت ) فايتنكم ب 4 نقاط ويا اخي التاريخ يقول منذ انطلاق هذه الدورة الهلال فاز على المريخ 14 مرة مقابل 4 مرات فقط .

اما الحضري حقك دا ذي ما قال (كرومي ) جيبوا معه عادل امام كمان هو بيعرفنا تماما من زمن كان في الاهلي المصري 3--- صفر والسنة الماضية شرد برجولة لما جاءت مباراته معنا .

اما موضوع هيثم مصطفى (سيدا ) راجع من الاصابة ومعه (كليفة ) واحتمال يقود الهلال في مبارة هلال المناقل اليوم ولكن بأذن الله مع الجزائر اكيد وهو اتمرن اليوم مع الفريق يعني ستعود نغمة (سيدا وبس ) للمدرجات من جديد اما خوفك علينا من الجزائر غير مبرر لان نحن الفريق الوحيد المحجوز له مقعدة في مجموعات الابطال مش الكنفودرالية اما موضوع فوز مازمبي على الهلال كان تقول النتيجة بامانة 5--4 اي بفارق هدف والفريق الوجيد في العالم الذي هزم ماومبي 2--صفر في ارضة واستادة من اكثر من ثلاثة سنوات وماتنسي هزم الترجي التونسي 6 -- صفر قبل عامين والسنة دي 6-- صفر بطل زامبيا اما مع المريخ في 25/4/2012 القادم اضع الرقم البيعجبك ذهابا واياب .

سؤال بري جدا الله يطراه بالخير وين جدو عجب سيدو شائف ناس المريخ بقوا يكسروا به الزمن يدخلوا في الزمن الضائع الله يعوضكم في ال 350 مليون جنية التي اعادتو بها تسجيله ما مشكلة اخصموها من ولده لما يسجل في المريخ

كسرة قالوا باسكال ونجم الدين لسع جارين ورا بشة ؟؟؟؟؟؟؟؟؟؟

تحياتي للنجم الجديد ابدول ونجم النجوم مدثر والمتالق دكتورنا مرتضى واوي ولك اخي واستاذي عباس

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قام تاني جاب سيرة بشة

مُساهمة  مرتضي واوي في الثلاثاء أبريل 17, 2012 9:56 am

السلام عليكم اهلي الطيبين وبالاخص ناس الغربة الرائعين جدا 0ياعباس ياخي برشلونة دي بالغت معاها معقولة ناس الزومة ونجم الدين وباساكال ديل لعيبة كورة والله قالوا محي الدين الكور وعمار محمد خير في دنقلا درسوكم الكورة والله مرقكم من سيد البلد دنقلا قالوا ابراهومة قال عمار دا بالاخص ماحنخليهو لازم نسجلوا في المريخ قالوا العجب ادوهو كرت احمر عشان قال للحكم ماممكن نمشي اي محل اللون الازرق دا مجهجهنا وقال للحكم اديني كرت احمر عشان مزمل البليد دا يواصل الموسم كلوا في التحكيم لانو نحنا ماعندنا ليهو بطولة عشان من هسي يلقي السبب بشة تش بشة تشة بشة تشة بشة تشة بشة تشة

مرتضي واوي

عدد المساهمات : 5
تاريخ التسجيل : 04/12/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قام تاني جاب سيرة بشة

مُساهمة  قريب محمد راجع في الأربعاء أبريل 18, 2012 2:36 am

التحية للأخ عبد العظيم و الدكتور مرتضى وجميع الأخوان الرياضيين ... وال ما رياضيين ....

أولاً أنا آسف .. أحيانا ... المداخلة تأتي متأخرة .. بسبب ظروف العمل ...

أخونا عبد العظيم ... صحيح كانت (رمة) ... لكن بالنسبة الهلال بس ... بالنسبة للمريخ (برشلونة السوداني) ... كانت قمة ... والدليل أنو الهلال كان لاعب بخطة (واحد _ عشرة ) .. يعنى واحد في المرمي (المعز) .. وعشرة .. واقفين قدام الحارس ..... وقاعدين يشتتوا في الكورة وبس ... وفي الحقيقة الهلال معذور ... يلعب بالخطة دي .. لأنو حس إنو بيلعب ضد (برشلونة) ....

لكن .. شاءت الأقدار ... أنو في كورة واحدة بس شتتوها .. (غلط) ... و لقاها بشه ... وجاب منها قون ... عشان كدا ... لي أسع بشه جاري وباسكال ونجم الدين ... جارين وراه ...

وبعدين يا أخونا عبدالعظيم الدورة الماضية أخذتوا كأس الدوري (الملح) ... رغم أنو المريخ كان متقدم ب(7) نقاط في الدورة الأولى ... الدورة الحالية دي ... ح يحصل العكس ... الهلال ح يتقدم في الدورة الأولى ... والمريخ ح يأخذ الكاس ... مع ملاحظة وجود (عصام الدين الحضري) ....


ما هي اصلاً الحكاية .... قاعدة (نظرية) رياضيات ... (واحد يتقدم في الدورة الأولى .. والثاني يأخذ الكأس في الدورة الثانية) .... إنتو ما درستو في المدرسة (جغرافيا) ولا شنو ....

بخصوص موضوع هيثم مصطفي (سيدا) ... ما في شك أنو لاعب مرموق جداً .. ويعتبر اللاعب رقم (1) في السودان .................... طبعاً ... بعد فيصل العجب (ماردونا السودان) .... لكن قصة (سيدا) ... ما قصة .. إصابة ... القصة أنو (سيدا) قال : للمدرب (فيمتو) ... (يا ألعب متى ما أنا عاوز ... يا ما ألعب ) .... وبعدين أسع (جايطين) ... مع بعض .. ومعاهم مجلس الإدارة كمان ....

أما اللاعب (العجيب) فيصل العجب ...... وصل مرحلة الإعتزال ... والمريخ بيدخلوا .... الـ 10 دقائق الأخيرة .. عشان تشوفوا (الفن والإبداع الكروي) ... وكمان .. جزء من التكريم ليهو ... وبعدين مبلغ الـ 350 مليون ما خسارة فيهو ....

بالله عليك الله ... يا دكتور / مرتضى ... إنت ال (بالغت) بس كدا ... أسع وريني الفرق ... شنو ... بين موسى الزومة .. ومسي (حتى بيشبهو) ...... ولا الفرق شنو ... بين المريخ و برشلونة ... مش بلبسوا فنايل نفس اللون !! ... طيب !!!.... وبعدين موسى الزومة لاعب عالمي .. مسى يا دوبك .. يلعب في الدورى الأسباني ...

وبعدين يا دكتور ..... مزمل البليد ... دا منو كمان ... أنا ما عرفتو .... لكن .. أطمنك ... مشو .. بشه دا ... ح نشيلوا منكم الموسم الجاي .... هو و مهند الطاهر ... نريحكم .... نحن معانا .. جمال الوالي .... أحسن واحد .. (يشيل) لاعبين من الهلال .... (زي ما قال أخونا عبد العظيم ) ...

في أمان الله .........

قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى