لو نطت كديسة سور نادي الهلال لطلب ............

اذهب الى الأسفل

لو نطت كديسة سور نادي الهلال لطلب ............

مُساهمة  عبد العظيم قسم الله في السبت يونيو 09, 2012 5:22 am

استاذنا العزيز ابو العبس كيف الحال طبعا شايفك مهتم بموضوع الرياضة وتمنيت لو كنت تعشق الازرق لان غزلك الجميل دا لو في "سيد البلد "كان لائق ورائع لكن مع المريريخ ما جايي المهم لقيت واحد كنابته ظريفة ذي كتاباتك (في كفر ووتر ) اسمة محمد حسن شوربيجي بس متوشح الازرق وزغم كتابنه بينتقد فيها (الارباب ) كثير بس برضو بالمنطق وانا بحب الارباب بس دا مايمنعني ان اقيل النقد المنطقي وبعدين صاحبنا شغال لكم بالتقيل وعجبني عنوان الموضوع في تقليدكم الاعمي لسيد البلد واضيف لمقالة انا من عندي بعض الملاحظات عندما عين الهلال خالد بخيت رحتوا جبتوا خالد احمد المصطفى ولما غلبكم تسجيل ساسا دومبا الاصلي رحتوا سجلتوا واحد اسمة الطاهر سادمبا من الموردة بس باقي تغيروا اسم ابوجريشة للبرير لان الشبة قريب وكلهم حقين "بونج " وكان حا اقول لكم غيروا بلة جابر لمهند بس ما حتركب ودا غير مشاطيبنا البلكوم عندكم .
والي الموضع ادناه منقول من كفر ووتر .



• ما قادرين ننوم من كترة ديون الهلال
• ودايرين نصحى يوم نلقى كل الديون دى اتحلت والله يسامحك يا الارباب وقد كنت سببا فيها
• وبصراحه الراجل ده ورط الهلال ورطه كعبه خلاص وقد كانت كل تعاقداته مع المحترفين قنابل موقوته لما بعد عهده
• وأظن ان الرجل لم يوازن مابين الوارد المالى والصادر أو كان قاصد كده وكأن الشغل بلدى وعشوائى وغير ممنهج
• والآن كل واحد ليهو قضيه وشكاوى بالكوم ضد الهلال والحكايه عملت ليها صفوف قدام الفيفا والاتحاد العام وربما الامم المتحده وكل يوم الهلال العظيم مجرجرنو – ده كلام ده
• فكان داريوكان وكابوندي وامادو وكواريزما وامولادي وايفوسا وافياني وديمبا ويوسف محمد وكامبوس وابن كامبوس وحموده وصلاح ادريس وملايين من الدولارات قيدت على الهلال وايصالات من صلاح ادريس وفوضى ماليه وما حد عارف الحاصل شنو فى حسابات الهلال مع غياب تام للمؤسسيه
• البزعل بالجد ان مطالبات المحترفين تتوالى وحتى يومنا هذا والفيفا بدأت تهدد بخصم نقاط الدورى وزغاريد فى العرضه جنوب - كيف والفرق 4 نقاط فى الدورى - وبارك الله فيكى يالفيفا
• و الغريب ان الأرباب صلاح ادريس كان قد وعد جماهير الهلال بالكثير عندما اختارته عبر احدى جمعياتها العمومية رئيساً لمجلس الادارة علي حساب العميد مهندس ابراهيم محجوب
• وقد سحرت تلك الوعود كل الجماهير الهلالية وجعلتها تمني النفس بثورة في المنشآت و بحكم ان صلاح ادريس لا يقل شانا عن جمال الوالى الذى اعطى المريخ كثيرا
• وحقا فلقد انتهى زمن عظماء الهلال بوفاة زعيم امة الهلال الراحل الطيب عبد الله والذى اعطى الهلال حياته فظل حيا فى القلوب
فمن اين أتى هؤلاء ؟
• وكما قال خالد عز الدين : صلاح ادريس دخل للهلال من باب (المال) وخرج من باب (المال) نفسه
• ولا ندرى لماذا تحول الارباب عدوا للهلال وهو يكرر الاذية تلو الاخرى و قد قام بتسجيل سيلا لاهلى شندى بعد ان وعد اهل الهلال بتسجيله فى التكميليه بعد تخزينه فى شندى
• خلاص قطعت يا ارباب الشعرة التى بينك وبين الهلال ؟ انت ما قلت ان فى رقبتك دين كبير للهلال وين الدين ده ؟
• ماذا حدث لهذا الرجل الذى كان يحمل الهلال فى حدقات عيونه ضد الاتحاد العام وضد المحاكم وضد كل اعداء الهلال -
* ويا تكون رئيسا للهلال او بعدى الطوفان؟
ما قل ودل:
• ظهرت نتائج الفحص الطبي لمحترف الهلال الجديد ابراهيما
ساني وقد اجتاز اللاعب الفحوصات الطبية بنجاح تام كما يقولون .
والله حيرتونا قلتو فى الاول مصاب وجيتو قلتو ما مصاب – نرجو ان لا يكون الهلال ضحية السماسره والفينا مكفينا ويادوب خلصنا من ناس اتوبونج واصحابه
• لقد كان الكاردينال صائبا حين طالب بأبعاد دائرة الكره – وقد طالبنا من قبل بعودة عبد المهيمن وسيعود لان 3 بصراحه ما قادرين يشتغلوا شغل 1
• المريخ شغال غتاته فى التسجيلات وبمنتهى الانانيه خطف كل ركائز المورده مستغلا الازمه الماليه الخانقه للهلب ومن ناحيه ثانيه يريد اعارة كل المصابين ما بين نيل الحصاحيصا والفتح السعودى بمقايضة المصاب وارغو بالبرازيلى – ايه الذكاء الخارق ده – والشرهه ما على المريخ كما يقول اخوتنا السعوديين بل على نيل الحصاحيصا ضعيف الشخصيه والذى يقبل دائما ان يكون خيال مآته للمريخ – يأخى وضعك فى الدورى ممتاز جدا فلماذا القبول بلاعب مصاب ؟
• كذلك رفض المريخ كرنقو الصغير وعاجبو كرنقو الكبير يا اخى الهلال ما شطبو فى 2009 – امانه ما مشاطيب الهلال بيلقوا سوقهم فى المريخ وما تشيل هم يا خليفه حيسجلوك ناس المريخ ولو انت بكراع واحده
• والمريخاب ما قالوا انهم مقرشين ومرطبين على الآخر- طيب ليه واقعين فى ارخص المحترفين الاوغنديين فبعد (موت) يابا قالوا بيسجلوا (كسول) اليوغندى بمبلغ زهيد جدا
• انتقلت امنيات اهل المريخ من مهند الى سادومبا والظاهر ان المريخاب ليهم عشق ابدى لكل من يلعب فى الهلال العظيم ولعلهم لن يتخلوا عن الجرى وراء لاعيبة الهلال ومحاكاة الهلال فى كل شيئ وصدق العملاق ابو العائله رحمه الله حين قال :
لو نطت كديسه فى سور نادى الهلال ! لطالب المريخاب بكديسه عشان تنط سور نادى المريخ ..
• كل الدعوات الصادقه بالشفاء لاسد الهلال فوزى المرضى
احلى هلال وده هو الجمال

محمد حسن شوربجى






عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لو نطت كديسة سور نادي الهلال لطلب ............

مُساهمة  قريب محمد راجع في الثلاثاء يونيو 12, 2012 8:32 am

تحية إجلال وتقدير ليك يا أخونا عبدالعظيم .. وتحية خاصة لأخونا محمد حسن شوربيجي .... ولأخونا محمد حسن الرعيابي كمان .... ولكل الأخوان الهلالاب ....

في الحقيقة أنا ما مهتم بموضوع الرياضة كيير .... ولا بشاهد مباريات كتير ........ و بشجع كل الفرق السودانية عندما تلعب بإسم السودان ... صحيح أنا بميل للمريخ .... بش كل الفرق عندي واحدة تقريباً .... بس تقول شنو .... (شلاقة) مني ساكت

أنا بقول ليك الحصل شنو ...

كل الحصل ..وببساطة .... أنو أنا جيت ماشي بالصدفه ..... قدام المنتدى الرياضي ... و لقيت الباب فاتح ... وسمعت الأخوان الأعزاء قاعدين يدردشوا (نجوم النجوم ... وأخونا محمد حسن ..... وحضرتك ... وغيركم كتار ) ..... وكلهم يغنوا للهلال وبس... و لاو واحد يغني للمريخ ...

أنا سلمت عليهم ...

وقلت ليهم : الله .... أنتو كلكم على المريخ ... مع الهلال .. ما في ولا زول مع المريخ العظيم !!!!!!
وقلت ليهم ... خلاص أنا كمان .... ح أغني معاكم ... بس أنا بقي .... ح أغني للمريخ .... ومن ديك وأنا قعت أدردش معاكم في الرياضة ... بس الجماعة كلهم (فرتقوا) ... و خلوك إنت براك ....

وزي ما قلت ليك ... أنا برضو بشجع الهلال .... إذا لعب بإسم السودان .... لكن حكاية ... أنو أعشق الأزرق ... وأخلي المريخ ... دي شكلها ما جايا ....

يعني .. هو معقول الواحد يخلي الفريق الوحيد ... ال جاب كأس للسودان من (بره) ... (كأس مانديلا) .... ويعشق (الهليل) .... ال يا دوووووووووب يصل دور الأربعة .... ويدفروه يرموه .. (بره) !!! ... دي تجي كيف دي ...

بعدين أخوكم ... محمد شوربيجي ... كلامو عن الهلال كوووووووووووولو صح .... بس بعدين .... ما تقولوا أنا قلت ... هو ال بقول ... مش أنا ....

بس في حاجة .... أخونا محمد شوربيجي ... يمكن ما عجبو .. إنو المريخ يسجل لاعبين من الموردة ... يمكن كان عاوز الهلال يسجل لاعبين ديل من الموردة ...


يعني بالله .... أسع الشغال غتاته .. منو ... المريخ السجل لاعبين من الموردة ...... ولا الهلال (الشلع) الأمل عطبرة ... سجل كل لاعبين الأمل الكويسين ...

والأمل بعد ما كان ينافس في الكنفدرالية ... بقي ... يصارع من أجل البقاء ... في الدوري الممتاز ... وكمان برضو .. الهلال سجل لاعبين (2) من الأهلي ...

بالله أسع (الغتيت) .. منو ... غايتو ... نقول شنو بس .... جنس حساده ....

وحتى لو إفترضنا أنو المريخ إشتغل غتاتة ... بكون قلد الهلال ... هو المريخ قلد الهلال في الكديسة ........ ما يقلدو في الغتاتة .. .. زي ما قال أخونا شوربيجي إنو المريخ بقلد الهلال في اي شي .... هو ال بقول ... مش أنا ....

التحية ليك يا أخونا عبدالعظيم .. لأخونا محمد شوربيجي ... ولجميع الأخوان الهلالاب والمريخاب .... وفي أمان الله ..





قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى