منتديات الدوم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اخبار الثورة الشعبية خلال 12 ساعة الفائتة

3 مشترك

اذهب الى الأسفل

اخبار الثورة الشعبية خلال 12 ساعة الفائتة Empty اخبار الثورة الشعبية خلال 12 ساعة الفائتة

مُساهمة  الرشيد نمر السبت يونيو 23, 2012 4:27 pm

موجز بأهم تطورات الأحداث خلال الـــ 12 ساعة الماضية... مظاهرات حاشدة في اجزاء متفرقة داخل الخرطوم وضواحيها ...أولى المظاهرات انطلقت عند السادسة والنصف صباحا بالديوم ... وقد لقن الديامة الأمنجية وعساكر الشرطة درسا في الصمود ..واحتلوا شوارع الديوم واخرجوا منها كل العساكر والأمنجية ... كما عاودوا الكرة عند العصر وكذلك عقب العشاء ... كما شهدت أحياء أخرى في الخرطوم مظاهرات متفرقة في الصحافة غرب والسجانة وجبرة ، وشارع الستين ، والخرطوم 3 ، والكلاكلات محطة 12، والجريف غرب..وأبو آدم والعزوزاب والرميلة ، وبري للمرة الثانية، وفي محافظة أمدرمان إنطلق عدد كبير وقوي من التظاهرات التي شاركت فيها النساء والرجال إلى جانب الشباب الثوار...في ود نوباوي ، حي العمدة ، الهجرة، الدومة ، أبورروف، ود البناء، ود أرو، الكبجاب، الدباغة ، الثورة الحارة التاسعة ، الثورة الحارة السادسة ، شارع الوادي ، الثورة شارع النص ، أمدرمان غرب الحارات، السوق الشعبي، أمبدة الجميعابي، شارع طه الماحي ، حي العمدة ، الفتيحاب، المهندسين ... وفي بحري وشرق النيل انطلقت مظاهرات في الشعبية ، المزاد ، الحاج يوسف، حلة خوجلي، الصبابي، الأملاك، الكدرو، الحلفاية ، العيلفون ..وقد كانت مظاهرات العيلفون هي الأقوى في شرق النيل حيث طردوا أفراد الشرطة وسيطروا على مركز الشرطة الوحيد بالضاحية ..
منذ 3 دقائق ·

الرشيد نمر

عدد المساهمات : 201
تاريخ التسجيل : 22/05/2011

الرجوع الى أعلى الصفحة اذهب الى الأسفل

اخبار الثورة الشعبية خلال 12 ساعة الفائتة Empty رد: اخبار الثورة الشعبية خلال 12 ساعة الفائتة

مُساهمة  قريب محمد راجع السبت يونيو 23, 2012 11:35 pm

بالله .... يا الرشيد ........ ديل كلوووووووووهم طلعوا مظاهرات .... طيب باقي شنو ... ما باقي إلا تقول ... طلعت مظاهرات في الدوم كمان ..... قدام (كرقة) صالح ود حُمد حسين ... بقيادة حمزة فرح على نمر ... والله ... حمزة فرح ..تلقاه اليومين ديل يضحك سن سن ... قابض الجو كلو ... زي ما إنت عامل لينا هنا ...

طبعا يا الرشيد إنت كجزء من المعارضة ... من حقك تفرح .... وتتحمس ..... هذا حق مشروع .... لكن أوع تكون .... حكاية المظاهرات دي ... قاعد تديها (كوز) من عندك ... أو قاعد (تفك لينا جاكات ساكت) .... لأنو إحتمال في ناس بصدقوا أخبار المظاهرات ... وقد يتخذوا قرارات على أساسها ...
مثلاً: - واحد ماشي إجازة .. يلغى الإجازة حقتو ...
- أو إحتمال واحد ماشي يعرس يلغي الفكرة ....
- أو واحد ماشي يقدم للجامعات ... ما يقدم ....
يعنى ... حاجات زي دي ... ممكن تحصل ....

وكمان برضو من حقك إنك ... ندفع .. وتتحمس .... وتشجع حكاية المظاهرات دي .....

لكن في رأيي .... يا الرشيد ...... ما تندفع شدييييييييييييييد كدا ... إذا إنت ما واثق من (الشغلانة) دي .... لأنو حكاية المظاهرات ... لو (طرشقت) ..... إنت ح تضحك ضحك ....

وفي الوقت داك ... أخونا عبدالعظيم ... ما ح يفكك .... أجمل أغاني ...ح تسمعها منو .... وطبعا .. هو كمان من حقو يغني ... زي ما إنت بتغني أسع ..... حق مشروع ...

عموما نحن كلنا ..... نتمنى الخير والرخاء والإستقرار للسودان والسودانيين .... وفي أمان الله ...


قريب محمد راجع

عدد المساهمات : 204
تاريخ التسجيل : 19/10/2011

الرجوع الى أعلى الصفحة اذهب الى الأسفل

اخبار الثورة الشعبية خلال 12 ساعة الفائتة Empty رد: اخبار الثورة الشعبية خلال 12 ساعة الفائتة

مُساهمة  عبد العظيم قسم الله الأحد يونيو 24, 2012 3:29 am

استاذنا العزيز عباس لك التحية والتقدير وانت تطل علينا من نافذة السياسة والرياضة وكلها تطغي عليها نكهة جميلة وعطرة .

اما مقال اخونا راكوبة والله يذكرني بالكماسرة حقين الباصات زمان في السوق الشعبي وموقف السوق العربي تسمع الكلاكة نفر والحاج يوسف المايقوما وحلة كوكو نفر والله انا هسع بتخيل اخونا الكمساري اقصد الرشيد هو واقف وينادي بنفس الطريقة بس ربما الكماسرة يكونوا صادقين بس اخونا الكاشف دا والله العظيم موهوم تماما ومهوس في نفس الوقت مشكلته يصدق معارضته الذين يكذبوا الكذبة وهم نفسهم بعد شوية يصدقوها واعطيك الخبر اليقين وانا اكتب في هذة السطور تأكدت من اصحاب المصادر الموثوقة ان ماذكره راكوبة كذب عاري من الصحة وكل ما في الامر شوية بلطجية قاموا بفوضة وتم حسمهم في ام درمان قرب مسجد الخليفة وفي الخرطوم الديم ولكن المظاهرات المؤثرة داخل جامعة الخرطوم فقط وتم حسمها ايضا وباقي الاحياء والامور فيها تمام التمام واخونا الكاشف دا اذا سالته قبل عشرين سنة سيقول لك نفس الكلام وارجع لمقالاته السابقة قبل سنة ستجدة حدد لك نهاية الانقاذ في ايام معدودة وطبعا دي امانيهم ولكن ما نيل الامجاد بالتمني وما مشكلة نترك لهم مساحة يتنفسون فيها الانتخابات سقطوا فيها وهجليج رجعناها رغم انفهم وكذلك تلودي وكسرنا لهم شوكة التمرد لم تبقي لهم غير الدعاية والاشاعات ... وطبعا صاحبنا راكوبةعنده نكتة ... قالوا ايام الانتخابات لما شاف جماعته ساقطين داقين الدلجة حق البنزين حق الدعاية الانتخابية ما جابوه ... صاحبنا جاء الجمعية وقال لهم الانتخابات مزورة وانا اثبت لكم ذلك اخوي شغال مهم في لجنة المراقبة لصندوق الاتحادي في مدني وانا اسمعكم واتصل على اخوة وفتح الاسبيكر (الصوت ) وقال له مش الانتخابات دي مزورة واخوة ما عارف صاحبنا فاتح الصوت ومتحدي الجماعة قال له والله يا اخوي الرشيد اكون صادق معاك وبيني وبينك والله لافي تزوير ولا شي والجماعة ديل كاسحين الانتخابات والناس عايزنهم .. وما كان من صاحبنا إلا ان "يهت " وقال لاخوة انت كذاب ولكن حاج مرغيني قال له كيف كذاب وهو معهم وانت كنت عايز تستشهد به ... ولكن انا طبعا لا اقول اخونا كذاب ولكن مشكلته ينقل عن الافاكين والرواكيب ويصدقهم وهم كاذبون .

اما موضوع تقديمك لابننا اولا الف الف مبروك النجاح والتفوق ويمكن لولا المشغولية كنت زلت له تهنية خاصة وهذة النتيجة الطيبة دليل على انه من شابه اباه ما ظلم المهم انت اذا عندك مشغولية مابتقدر تجي للتقديم ارسل لي بالفاكس صورة الجنسية او الجواز انا بقدم له هنا في مركز جدة وانا شغال معهم وسوف يحضر المندوب من السودان الاسبوع القادم ويبداء التقديم على طول وفي السودان بدا اليوم الاثنين .

عبد العظيم قسم الله
Admin

عدد المساهمات : 298
تاريخ التسجيل : 13/04/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى