حتى يكون الاحترام والود بيننا

اذهب الى الأسفل

حتى يكون الاحترام والود بيننا

مُساهمة  الرشيد نمر في الخميس يوليو 19, 2012 8:16 am

اتمني اخى عبد العظيم الا تنفعل و الا يصيبك الهزيان اتمنى ان تنتقى الكلمات والا تسئ بما يتفوه به لسانك وان كنت اقدم لك العذر فقدوتك قذفنا باننا شذاذ افاق وشماسه وغيرها مما يتلفظ به طيلت ال 23 عاما فانا لا استغرب بوصفك لى باننى حمار ... واعلم اننى لن ارد عليك لاننا سنرده فى ساحات الميادين والاحياء وفى المنتديات والمواقع ... اعلم نحن لانسئ للذين يختلفون معنا خاصه عصابه الانقاذ لاننا نحن نعرفكم ونعرف سلوككم منذ نعومه اظافركم مرورا بالثانويات واظنك تعلم ما ارمى به ....
اما انت فاننى اعلم ضيق صدرك وعدم احترامك للراى الاخر شانك شان نظامك المتهالك بدليل انك فاجرت فى الخصومه وقطعت صلت الرحم مع اقرب الناس اليك وفى ماذا؟ فى الكوره هلال مريخ ....
فارجو ان كنت تسئ يالشتم للاخرين الا ترد او تعلق لكتاباتهم لان هذا الاسلوب يوضح للاخرين عن حقيقه شخصيتك وينعكس عليك سلبا بسوء تقدير الناس اليك ..
والا توقف شخصى عن الكتابه لاننى فى نهايت الامر لا اود ان اخسرك وسانسحب من المنتدى .
اود ان اذكر لك معلومه شخصى مشترك فى منتدى شبكه الجعليين وهذا المنتدى برعايه نافع على نافع عندى اكثر من 600 مساهمه اغلب الذين فيه كيزان مثلك وامنجيه ..ما اكتبه فى ذلك المنتدى عن النظام وتعريته يفوق درجات ما اكتبه فى هذا المنتدى ولم يرد شخص واحد كوز او غير كوز باسلوب يخرج عن طور ادب الحديث .. فقط كانت حادثه واحده فى موضوع ورد لى احدهم عندما وصفنى باننى اهبل وقد اعتذر لى واحد من الكيزان تعرف بماذا قال !!!! قال هذا الكلام ينعكس على قائله وانه نتيجه لتربيته التى تربى عليها من بيته ..
ختاما اتمنى ان تكون واسع الصدر فانت اسلامى فالحلم والرد الموضوعى هو من صفات الرجال ... فبعض كتابات الراكبه انا اؤمن بها كما انك تؤمن بما يقوله البشير ونافع وربيع عبدالعاطى الذى اكد ان دخل الفرد فى السودان 1800دولار . فاتمنى ان يكون خلافنا مع النظام لايكن خلافا شخصيا واتمنى ان تسحب كلمت مثلك من يحمل اسفارا حتى تجذب احترام الناس اليك والا اننى سوف اودع المنتدى الى غير رجعه لاننى لن ارضى لنفسى ان اكون عضوا لمنبر تتفوه به التفاهات.... ودمت اخى.

الرشيد نمر

عدد المساهمات : 201
تاريخ التسجيل : 22/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حتى يكون الاحترام والود بيننا

مُساهمة  عبد العظيم قسم الله في الخميس يوليو 19, 2012 4:13 pm

اخي الرشيد طبعا لا يسعدني ان تبتعد عن المنتدى مهما كان رايك وسبق ان كتبت لك ذلك في احدى المواضيع عندما وصفتني لا افهم ولا استحق الرد منك بل ستترك ابنتك ذات 4 سنوات "حفظها الله" ترد علي وقلبت ما قلت ورديت بكل احترام وليس هذا بفضل مني ولكن واجب الخوة والصلة بيننا ولكن انا الا اختار لك مقال بعينة ولكن ادخل لاي مقال من مقالاتك اذا لم يكن فيه اساءة لمسولي الانقاذ الذين هم بشر مثلنا لهم كرامة واخواننا في العقيدة وخاصة الشيخ علي عثمان محمد طه الذي يعترف له كل المعارضين بالاحترام والتدين ولم اجد واحد يشتمه وباقذر الالفاظ كما تفعل انت (ضلالي ـــ كاذب ــ مفتري ــ جبان ........)و اسأل اقرب الناس لك ستجد نفسك تسب الناس دون تميز وان كان ذلك نقلا من مصدر لا يراعي الادب او من تعبيرك ومقالاتك كها اساءت اكثر من انها موضوعية بل كنت اتمنى كتابة عقلانية حتى توصل المعلومة وارد لك انا كذلك ويستفيد القارئ ولكن الان لا يسنفيد القارئ غير من الاساءة ولو كنت تلاحظ عندما كان الاخ عباس معنا يكتب مداخلاته الظريفة كنت ارتاح له جدا رغم ان كتابته ليست كلها معنا بل بها كثير من النفد البناء وما انسحابه حاليا من المنتدى إلا لانه لاحظ ان الحوار اصبح خارج إيطار اللياقة التي تحترم الراي والراي الاخر .

اما عن لفظ (حمار ) لم اتلفظ به واتحدى ان تثبت اني قلت ذلك اما اذا فهمته ضمننا هذا راجع لفهمك انا اخذت ما يوافق تعبيري بانك تنقل دون ان تعرف عن ما نقلته من صحته او عدمه ولم اذكر اللفظ هذا اللفظ الجارح رغم كان الرد على مقالك الذي كله تجريح وارجع لمقالك الذي تتطلب مني ان اعتزر لك فيه كله اساءة ما عندي ادب باني تربيتي كلها غلط واني متزمت واطالبك ان تذكر الشخص الذي تربطني به صلة رحم او حتى ان كان لايقرب لي اني خاصمته وقاطعته بسبب كورة هلال مريخ والله لذهبت له اليوم قبل غد لاعتزر له ولكن ان كان كلامك من باب تشوية الصورة وإشانة السمعه اطالبك بالاعتزار والاعتراف بالذنب وللمعلومية تربطني علاقة صداقة قوية بالاخوة في رابطة المريخ بجدة رغم اني هلالابي وحتى عندي تواصل مع بعض لاعبي المريخ وبعضم دخل داري فاذا كانت علاقتي بهم بهذا الصورة والفهم الرياضي ... كيف اقاطع رحمي او اي شخص بسبب الكورة ... وهذا يجعلني اتاكد ان فهمك لشخصي قاصر جدا . وانا سبق ان ذكرت لك انا اكن لك التقدير واشكر لك اثراء المنتدى وقلت لك لا تجاملني ولا اجاملك في الراي واليوم اقول لك نفس الكلام ولكن اتمنى ان تكون موضعي وواقعي في طرحك وان تكون مقالاتك محترمة دون اساءة لحد حتى يكون ردي كذلك اما اذا كان غير ذلك سيكون ردي مماثل (وذي ما يقال العين بالعين والسن بالسن والبادي اظلم ) وااكد لك باني حريص على وجدك بالمنتدى اذا رغبت وساحترمك فوق احترامك اذا سلكت الطريق نفسه .

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حتى يكون الاحترام والود بيننا

مُساهمة  قريب محمد راجع في السبت يوليو 21, 2012 9:12 am

التحية للأخوان الرشيد .. وعبد العظيم ... وشبل الحريف .. وجميع الأخوان ... وأحب أن أبارك للجميع بحلول شهر رمضان كريم .. ونسأل الله أن يعيده على الجميع باليمن والبركات .....

أنا ما زغت يا أخونا عبدالعظيم .... بس كنت قاعد في (كنبة الإحتياطي ) ... أراقب بس .. لأنو المواضيع كلها عبارة عن أخبار ....

طبعاً يا أخونا عبد العظيم والرشيد .... عادة المباريات القوية ... بكون فيها توتر ... وشد أعصاب .... ولو قلت ..للواحد ... السلام عليكم ..... يقول ليك ... ليه ..... عشان كدا كان في توتر وشد أعصاب في هجومكم على بعض ... و دا شئ طبيعي ... لكن الروح الرياضية مهمة جدا ... وأساسية ...

وأسع ... أنا عاوز إتوكل .. وأنزل ألعب معاكم .... ومعليش يا أخونا عبد العظيم .... أنا عاوز ... ألعب المرة دي مع .... أخونا الرشيد ..... لأنو ما عندو زميل بلعب براوه ... وإنتو كتار ....

بس بقول ليكم حاجة .... الشلاليت ... والضرب من الخلف ما معنا .... اللعب يكون نظيف ... لعب ناس محترفين ....

اخونا الرشيد أنا ح ألعب معاك ... بس ما في موضوع المظاهرات ... في أسباب المظاهرات ...
ح ألعب .. (جناح في النص ) .... بلعب ليك باصات وإنت .. تجيب قون ... بس أوع ... تسرق ولا (تشلت) ...

وطبعا يا أخونا عبد العظيم ... أنا والرشيد .. عندنا هجوم بس ... ما عندنا دفاع .. ولا عندنا مرمى ذاتو .... بعدين الدفاع بتاعكم ... هو ... البشير ... وعبدالرحيم محمد حسين ... وعلي عثمان ....

يا الرشيد ... لمن يكون الهجوم .... بي خانة البشير.... بس غني (أغنية سيرة) .. البشير .. طوالي ح (ينطط) ... وإنت تفوت منو ... أما عبدالرحيم ... أمشي من عندو ساكت ... ح عاين ليك ساكت ... ما ح يسألك ... زي الطيارة الإسرائلية ضربت بورسودان ... ولا قال ليها حاجة .... لكن على عثمان ... أعمل حسابك منو ... يضرب (غماتي) ... ما تمشي عليهو ... شوت من بعيد ...

الهجمة الأولى على البشير

يا أخونا عبد العظيم .... البشير في البرلمان قال ح يطبق سياسة تقشف من جزئين (2).... عشان ينقذ الإقتصاد السوداني وهي :-
1) تخفيض صرف الحكومة .. وتكوين حكومة (رشيقة) ... وهذا البند تتحمله الحكومة ...
2) رفع الدعم عن المحروقات وبعض السلع الأساسية .. وهذا يتحمله الشعب ...

لكن عند التنفيذ ... أول حاجة .. طبقوا البند رقم (2) ... في الأول ... و (إتمحرقوا ) .. شوية .. في تنفيذ البند (1) .... وحتى التنفيذ ما كان بالصورة المطلوبة .. مازالت الحكومة مترهلة .... ما (رشيقة) ....

وبالطريقة دي يكون المواطن إتحمل عبء التقشف براه ... والحكومة (كبت الزوغة) .... وطبعا دا كان من الأسباب الرئيسية للمظاهرات ....


وبعدين يا أخونا عبد العظيم .... أخوكم البشير ... هو صحيح إبن بلد ... وقلبو طيب ... وجعلي صحيح ....بدليل أنو .. يزعل سريع .. ويرجع يهدأ سريع ... بس لكن كلامو .. نصو ... (شلاليت ... وفاولات) ... وبعض مرات بضرب (بنيه) كمان ....

الناس ال طلعوا مظاهرات ... عشان المعيشة بقت صعبة .... ما خلاهم يظاهروا و يعبروا عن رأيهم ... وزعل منهم ... وقال ليهم ( يا أولاد الكلب .... يلعن أبوكم) .... وأولاد جامعة الخرطوم .. خلاهم (زي العصافير داخل القفص) ... ما طلعوا شبر من داخل الجامعة ... وكمان ناس الأمن ومكافحة الشغب أكثر من الناس في الشوارع ...
وبعدين يا أخونا عبد العظيم ... أخونا البشير ... هرط ... يوم داك بعد تحرير هجليح ...

وقال (علي بالطلاق بالتلاتة) ..... ناس (الحشرة) الشعبية ديل ... ما أخليهم ... وأسع بعد بكره ... أقلعهم من جوبا ذاتا ... ولا في تفاوض ولا بترول معاهم ...

لكن أسع قاعد يتفاوض معاهم .. وبعدين قابل سلفاكير في مؤتمر القمة الأفريقية .. وسلام بالأحضان ... زي كأنو ما قال حاجة ... ما قلت ليك زول .. قلبو طيب وعلى نياتو .....

صحيح يا أخونا عبد العظيم .. البشير .... عسكري شاطر .... و ود بلد .. وقلبو طيب ... بس لكن المشكلة ...ما عندو .... الدهاء والغتاتة ... بتاعب الرؤساء .... كلامو لا يخلو من ... (الشلاليت و الفاولات) ...

أقول ليك حاجة يا أخونا عبد العظيم ... من الآخر كدا ... إنتو البشير دا.. ما عندكم غيرو ؟؟؟؟

الهجمة الثانية على ... عبدالرحيم محمد حسين ....

أخونا الباشمهندس عبدالرحيم محمد حسين .... حكاية ..تانية .... على نياتو خالص خالص ... (لمن بي غادي) .... كان وزير الداخلية ... وقام (هبرك) عمارة الرباط إنهارت على الناس ... وبدل ما يتعرض للمسائلة .. قام البشير عينو وزير الدفاع ...

وبعد ما حرروا هجليج ... عبدالرحيم .. قال ... بعد أسبوعين ح نصلي في كاودا ... والكلام دا تقريبا قبل شهرين أو ثلاثة ....

عملوا لقاء مع الباشمهندس عبد الرحيم ... (طبعاً أحياناً بلخبط في الكلام)
قال ليهو : ليه ما صليتو في كاودا لغاية الآن ؟؟

الباشمهندس عبد الرحيم قال : في الحقيقة نحن وضعنا خطة إسمها (أمسح .... وأمسح) ..... يقصد أمسح وأكسح ... وبعدين عملنا كمين للجماعة ... لكن .... لكن ..... لكن .... (باقي الكلام طار منو) .... وقال ... لكن بعد داك قامت الهناية ... طارت في البتاعة.... بوظت الشغلانة .... طبعا الجماعة ما فهموا أي حاجة .....

برضو ... طيارة إسرائيلة ضرت سيارة في بورتسودان ... أخونا عبد الرحيم سمع بالضربة ... قام ركب الطيارة .. مشى الفاشر .... قالوا ليهو ... الطيارة ضربت بوتسودان .. ما الفاشر ... بعد داك قام مشى بورتسودان ... وقال .. ما ح أخليهم ... (نحن نحتفظ بحق الرد ) وبس ...

وفي لقاء سألوه .... كيف الطيارة الإسرائيلية ... ضربت بورتسودان .. وإنتو ما عارفين ؟؟؟

قال: نعمل ليكم شنو .... والوقت كان ليل ... وبعدين الكهربة قاطعة ... و وقت صلاة العشاء ... والمسئول من الرادار مشى يتعشا فول ....

يا أخونا عبد العظيم ..... الباشمهندس عبد الرحيم دا .. يقصد يتكلم بالطريقة دي ... ولا أصلوا كدا ؟؟؟

وأسع يا أخونا عبد العظيم ... (البشير.... وعبدالرحيم ) .... الفردتين ديل... غيروهم ... (بشلتوا كتير) .... جيبوا مدافعين (باكين) يساعدوا ... علي عثمان محمد طه ... هناك شباب مؤهلين وممتازين في المؤتمر الوطني قاعدين .. في كنبة الإحتياطي .. طولوا .... وبعد كدا .... ح (يخرخروا) .... 23 سنة إحتياطي ... لغاية ما (عجزوا)...

وبعدين التغيير يعطي الناس إنطباع أنو هناك ديمقراطية داخل الحزب ... وبالتالي يصدقوا إنكم ح تعملوا ديمقراطية في السودان كله ....

شوفوا ... يا أخوانا عبدالعظيم والرشيد .. أنا لاعب محترف (أجنبي) .... أسع بلعب (معارضة) مع الرشيد .... رغم إنو مهاجم خطير .... بس عشان ما عندو زميل .... لكن ممكن ألعب (حكومة) مع عبد العظيم وشبيل الحريف... بس أدفعوا أكثر .... مش أنتو الحكومة ... معاكم (جمال الوالي ) .... ألعب معاكم ؟؟؟ ......... خلاص المبارة الجاية ... أنا معاكم ....

لكن يا أخوان ..... لو الواحد جابو فيهو هدف ... ما يزعل ... أهم شي اللعب النظيف ... والروح الرياضية ... عشان الجمهور يستمع ويستفيد .....

ختاماً .. رمضان كريم ... و تحية وتقدير للأخوان عبد العظيم .. والرشيد .. وشبيل الحريف .. تحية طيبة ... طيبة أهل الدوم ... وسمحة سماحة ناس الدوم ... وتحية موصولة للجميع ...

في أمان الله .....



قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حتى يكون الاحترام والود بيننا

مُساهمة  الرشيد نمر في الأحد يوليو 22, 2012 3:16 am

ههههههههههههه ......والله يا ركس انا قاعد اضحك للصباح .......... ولا تعليق

الرشيد نمر

عدد المساهمات : 201
تاريخ التسجيل : 22/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حتى يكون الاحترام والود بيننا

مُساهمة  عبد العظيم قسم الله في الأحد يوليو 22, 2012 6:53 pm

الاخ عباس لك التحية .... ونمد يدنا من على البعد نبارك لك الشهر الكريم ونسأل الله ان يعيده عليك وعلى الامة الاسلامية باليمن والخير والبركان ......
اخي الحمد لله انك جالس على كنبة الاحتياطي ولم ترفض الجلوس عليها كما فعل كابتين السودان هيثم مصطفى ولا اظنك اقل منه مكانه في ميدان السياسة .....
اما اللعبات الخشنة لابد منها لأنها احياننا ترجح الكفة كما يرجح علاء الدين فيبيراء في الازرق بس برضو لابد ان لا تكثر حتى لا تكثر الكروت الملونة فتخرج صحبها وتخسر فريقه ......
اما وقوفك مع الاخ راكوبة هو الصواب لأنه فقد صوابه واعصابة و منطقي الوقف معه لانه الحلقة الاضعف يجب مساندته حتى يعيد توازنه وحتى لا ينهار كما انهارت مظاهراته المزعومة ......
اما موقفنا من المظاهرات بالنسبة للناس الذين تظاهروا جراء الاجراءات الاقتصادية (الغلاء ــ زيادة الاسعار ) لا احد ينكر حقهم في التظاهر واحترام رأيهم كاي نظام يحترم الخيار الديمقراطي الذي انتهجه وليس ذلك غريب على حكومة رشيدة مثل حكومة الانقاذ ومثل ما حدث في امريكا ( احتلوا شارع والو استريت ) وفي اوربا وغيرها من بلدان العالم التي تأثرت بالهزة الاقتصادية العالمية رغم التفاوت في التأثيرات ويمكن عندما تم مناقشة تلك الاجراءات في داخل اروقة المؤتمر الوطني كان الخلاف واضح حتى تم حسمه بالتصويت للإجازة .
والإجراءات كانت كالعلاج المر او الموت البطئ واحتوت على حزمة متكاملة منها فيما يخص سعر الصرف ، رفع الدعم ، التقشف الحكومي . لكي لا تتفاقم الأوضاع من اقتصاد التضخم إلىي اقتصاد الندرة وإخفاء السلع بالكامل ولتحقيق تلك الاهداف تقتضي سياسة تقوم على المبادئ التالية.
1/ إعطاء أولوية قصوى في التخصيص واستخدام العملة الأجنبية لاحتياجات الانتاج لزيادة الانتاج الداخلي وتقليل الحاجة للاستيراد بل والسعي لتعظيم الصادرات وإحلال الواردات ببدائل محلية وتقليلها إلى أدنى حد ممكن.
2/ اعتماد سعر صرف واقعي واستخدام سياسة التعويم المدار لسعر الصرف لمكافحة السوق السوداء . وطرد المضاربين من السوق النقدية وتحقيق ثبات في سعر الصرف يؤدي إلى ثبات توقعات المستوردين وتجار التجزئة . مما يؤدي إلى استقرار سعر السلع والخدمات تبعاً لاستقرار سعر الصرف.
3/ تجنب زيادة الأجور والمرتبات حتى لا يؤدى ذلك الي تضخم الكتلة النقدية في وقت تعاني فيه الأسواق من الجفاف الكبير . كما يتوجب السعي المتواصل لإيقاف تمويل الموازنة العامة بالعجز من خلال تقليل الصرف الحكومي وزيادة القدرة على الجبابة . وتكبير المظلة الضرائبية ورفع الإعفاءات الضريبية غير الضرورية والتي لا تؤثر على الاستثمار المحلي والأجنبي.
4/ تشجيع الاستثمار بحوافز متعددة وخاصة ذلك الاستثمار الذي يقع ضمن خطة الحكومة في احلال الواردات وزيادة الصادرات وتقليل الواردات.
5/ زيادة القدرة على التحكم بالسياسات في الاسعار من خلال تحسين الإحصاءات والرصد الدقيق لبيانات الواردات وحاجات السوق . ومكافحة التهريب والتخزين وإجراء دراسات التكلفة .
6/ ضبط الائتمان المصرفي لكيلا يؤدي إلى تراكم الكتلة النقدية وتوجيه الائتمان نحو الاستثمارات أكثر من التجارات
7/ التحكم في حجم السيولة في السوق بالكف عن اعتماد السعر الموازي لشراء الذهب للصادر و يوازن بين سعر البنك المركزي والسعر الذي تمليه المعادلة بين المعروض والمطلوب من العملات الأجنبية. كذلك العمل على تقليل تسرب ايرادات الدولة إلى الخارج كذلك لإيقاف تسرب الايرادات للاستخدامات غير الرشيدة لابد من محاربة تجنيب الايرادات حتى لو كان ذلك لاستخدامها في برامج حكومية معتمدة لا بد من التذكير ان أجندة الإصلاح الاقتصادي التذكير بها وتثقيف العامة بمصطلحات ومفاهيمه لتعظيم القدرة الشعبية على المتابعة والمحاسبة والمراجعة . فأمر الاقتصاد لا يعني الاقتصاديين فحسب بل لا يعني الحكومات ورجال الأعمال فحسب فهو شأن يسعد الشعب بصلاح أمره ويشقى باختلال شأنه وتردي أحواله الصحية ويتداعي له سائر الشعب بالسهر والحمى. نتمنى ان امثال الرشيد يفهم ان ما قامت به الحكومة هو بناء اقتصاد صحيح معافي وفي وضح النهار والشعب جزوء منه وفهم الشعب ومن اجل ذلك لم يخرج لشارع ولكن من يفهم الرواكيب ذلك ......... اخي عباس هذا بعض ما عرفته عن تلك الاجراءات بحسب ما درسته عن الاقتصاد ولكن لابد ان يكون للاقتصاديين بالدولة نظرة اعمق وأدق مني ولكن الرواكيب عندما قيل لهم ماهي الاجراءات المثلى في نظرتكم كمعارضة كان رأيهم هو كيف تسقط الانقاذ وبعدها يعلنوا ان السودان دولة كوارث ودولة فقيرة حتى يستجدوا عطف العالم ليجلبوا المعونات والاغاثات نسوا كرامتنا كسودانيين اعزنا الله بديننا وبعث فينا الانقاذ وجلبت لنا الكرامة والعزة فبل القوت .
اما رايك عن قائد الامة وباني نهضتها الحديثة يجب ان نتذكر قبل 23 عام كيف كان وضع السودان من حيث البنيات التحتية وحتى الوضع الاقتصادي الذي نراها حاليا متدهور كان عند توليه زمام الامر تحت الصفر وما نعيشه الان رفاهية اقتصادية مقارنة به بل كارثه ومنهار وساقط الى الهاوية السحيقة وحتى امن المواطن وكل سبل الحياة ويمكنك وانت عشت تلك الفترة تسطيع ان تقيس الفرق واكيد في ميزان حسنات قائد الامة "عمر البشير" وان رايت في تصريحاته تضارب ولكن يكون ذلك حسب الموقف المطلوب وعندما يرتدي الذي العسكري لابد ان يكون الخطاب حماسي وشجاعة مغتضب مثل ما حدث اثناء احتلال هجليج من قبل جماعة الرواكيب وكان الشعب سائر لكرامته وحتى الخفافيش جماعة ابوعيسى اندسوا امام الغضب الشعبي وكان خطاب الرئيس لا تفاوض ولا تراجع وبالفعل كان الحسم عسكري حتى اندحر جماعة (نافخ الكير ) وهم صاغرين من هجليج وكان خطابه في محله وعندما اشيع للعالم ان حكومة السودان هي من تتبنى العنف والحرب وان الجنوب وافق على التفاوض لبس البشير ثوب السياسة والمراوغة واعلن التفاوض وكان ايضا خطابه في محله وحتى الشارع نفسه كان مهيا لذلك وهذا ما تراه انت تضارب في المواقف ولا اظن بعد ذلك كله نجي ونقول له انت غير مرغوب فيك او نضحك ذي صاحبنا راكوبة . اما عبد الرحيم محمد حسين انا معك لابد ان لا يخلع الدبلة العسكرية اصلا . فثوب السياسة لا يناسب معه واحيننا يكون واسع عليه فيضح الناس عليه ولكن شغله العسكري النظيف يعرفه الرواكيب في الميدان .
اما موضوع تطبيق رفع الدعم عن المحروقات قبل التقشف الحكومي السبب عندما اعلنت الحكومة الحزمة الاقتصادية سارع التجار الجشعين لتخزين كميات كبيرة من المحروقات قبل رفع الدعم حتى يستفيدوا من الفارق بعد الدعم مما كاد ان يشكل كارثة في ندرة المحروقات وصفوف وطوابير سيارات حول المحطات كأيام الرواكيب فسارعت الحكومة بإعلان رفع الدعم مباشرة فاح بططت تخطيط التجار الجشعين واليوم تنعم 750 الف اسرة فقيرة حول الولايات من الدعم المباشر من المال عبر وزارة الرعاية الاجتماعية الذي كان يذهب لدعم المحروقات التي كانت تهرب ويستفيد منه الاغنياء . وبالنسبة للتقشف الحكومي تم تطبيقه وطبعا هي رمزية اكثر من ان تكون مؤثرة اقتصاديا تم تطبيقها بالكامل ودفع المؤتمر الوطني الفاتورة الاكبر واثبت لكل المدعين انه حزب رائد وزاهد في السلطة التي يتهافت عليها الرواكيب تهمه المصلحة العامة والوطن .
قفشات :
بالنسبة لحالة التقشق يقال انها وصلت للمريخ بدليل ان بلة جابر وقلق يشتركوا في طلب الفول الواحد وبعدين قالوا ريكاردو وابراهومة يجوا لتمرين برقشة وناس عجب وسكواها يجوا (معاك ياعم ) وحتى الرد كسل بقوا يولعوا كشافة واحدة ويطفوا الباقيات عشان ما يصرفوا كهرباء يعني الحال بقى من بعضة بكرة احتمال تلقى كشف يجمعوا في قروش لسكواها واديكو وما بعيد اوارغوا يشتكي للفيفا عاوز حقوقه والمسلسل يطول وبالنسبة لنا نحن كهلالاب "ربما ضارة نافعة " واصلنا متعودين على الفقر وذي ما قال العربي وقت الفيضانات (اماني يا الفقر مالك حوبة )
اخي العزيز اتمنى ان تعود وبقوة عشان نرجع النقد الهادف ونستفيد ونفيد بدلا من جدال الرواكيب البيزنطي الذي لايقدم شي ....
ولك كل التحية ولاحترام

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حتى يكون الاحترام والود بيننا

مُساهمة  الرشيد نمر في الإثنين يوليو 23, 2012 9:36 am

هل كل ذلك يكون بعذ 23 سنه .... هل بعد 23 سنه تقول اصلاح اقتصادى ؟ والله انا لو كنت فى مكان قيادات الانفاذ لمت حياءا وخجلا !!!!!
هذا فشل يا اخونا الكوز وفشل كبير !!! والشئ المؤسف الحكومه عاجزه عن الاصلاح .........
يا جماعه كدى نقعد بالعقل انت عندك عجز 8 مليار دولار فى ميزانتك من وين تسدها وانت اصلا معزول من كل العالم لا حليف لك غير بوركينا فاسو واثيوبيا وتشاد واريتريا ....
انت الزراعه عندك صفر كبير زى الصفر الدولى حق الهلال بالرغم الهلال لعب فى دور الاربعه مع الكبار اربعه مرات ... الصناعه صفر ... اكبر دخل عندك لموارد الدوله هى الضرائب والجبايه والزكاه وهذه تؤخذ من الشعب السودانى لتدفع رواتب للبشير وجيوشه من الوزراء والدستوريين ....
لذا الان تتصدع الدوله وتنهار ويزداد التضخم وبالتالى تزداد اسعار السلع بصوره فلكيه ومخيفه .... الان ازداد الدواء بنسبه 200% ..... ازداد سعر الكيلواط للكهرباء بنسبه 300% الرد الرد السد السد .....
اذن عنما نطالب بسقوط النظام هذا حق شرعى يا اخى .... نظام لايستطيع توفير ابسط الضروريات لشعبه لا احقيه له فى الاستمرار ...... نظام 90% من شعبه تحت خط الفقر يجب ازالته .....
تجينى بعد 23 سنه تقول اصلاح وتقشف وحكومه رشيقه وبعد ده لا عندك اصلاح ولا حكومه رشيقه زى ما قال ركس ....
نحنا يا جماعه بناكل تبن الوضع فى السودان واضح ولايحتاج الى مفكر او حاوى لكى يعرف حقيقته ..... بلد تشتعل قى اغلب حدوده حروب بلد راح تلتها بلد اقتصاده منهار بلد محتقنه فى الداخل بلد معزوله بلد تعانى من سوء الخدمات الصحيه وغير الصحيه ....
هل بعد ده كله ندى الانقاذ فرصه ....
فليعلم الانقاذيون وازيالهم وابواقهم لن نرجع او نتراجع عن الثوره واستمرارينها حتى نسقط الانقاذ باذن الله وانا على يقين بان دعوات الجوعى والمظلومين فى هذا الشهر الكريم لمستجابه للذى لاينام .... فنسالك يا مجرى السحاب ويا هازم الاحزاب بان البشير وطغمته قد تجبروا وافسدوا وظلموا وافقروا واجاعوا الشعب السودانى فنسالك ان تسقطهم وان ترينا فيهم عجائب قدرتك فانهم لا يعجزونك فى هذا الشهر العظيم شهر القران والحمدالله رب العالمين.

الرشيد نمر

عدد المساهمات : 201
تاريخ التسجيل : 22/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حتى يكون الاحترام والود بيننا

مُساهمة  قريب محمد راجع في الثلاثاء يوليو 24, 2012 2:58 am

ظريفة تقشف المريخ ... خصوصا حكاية إبراهومة والعجب .... يجو بي ركشة ... والله ممكن يعملوها .... لكن إذا كان دا حال المريخ .. ونحن معنا الحكومة (جمال الوالي) ... يعنى الهلال ح يكون كيف !!! يقفل النادي كلو كلو ....

أخونا عبد العظيم .... اللعبات الخشنة مقبولة ... بتسخن اللعب ... لكن والله أقول ليك حاجة ... رغم أنو علاء الدين فييرا (كسار) ... لكن ما بيلحق البشير .. صدقني ... في الأسابيع الفاتت .. البشير كان لابس كدارة .... ومركب (مسامير )بدل الكدايس ... يجي طاير بالجوز ... في الكرعين ...

في الحقيقة .. يا الأخوان عبد العظيم والرشيد .. أحييكم ... وأحيي فيكم الروح الرياضية ....... والروح القتالية كمان ... وأجمل حاجة ..... أنو كل واحد فيكم ... مقتنع ومؤمن بموقفه ... ويقتال بجدية ومن أجله .... طبعاً دا حق مشروع لكل واحد .. بس حسب قواعد قوانين اللعبة ...

طبعاً موقف الرشيد (المعارضة ) واضح .. هو إسقاط النظام ... ما في أي حلول تانية ... بس يا أخونا عبد العظيم .. تلقطوا عفشكم و(تفرتقوا) وبس .. ولا حلول إقتصادية ولا (بطيخ) ... وبعد داك ربنا بحلها ...

وموقف عبدالعظيم (الحكومة) واضح .... هو بالبقاء في السلطة ... وعندهم حلول للأزمة الإتقصادية ... يا أخونا الرشيد .. إنتو معارضة ضعيفة .. وغير متماسكة ..... وهم أجدر منكم في إدارة السودان في هذه المرحلة ... وعندهم أكثر من 5 مليون عضو مسجل ... يعنى سدس سكان السودان (حسب رواية السيد/ محمد عثمان نمر) ...

أما نحن .... (الأغلبية الصامتة) إذا جاز التعبير .... لا مع إسقاط الحكومة ... ولا مع بقاء الحكومة في السلطة ... نحن مع التبادل السلمي للسلطة ... هذا هو جوهر الديمقراطية ... يعنى بدون تبادل السلمي للسلطة .... حتى على مستوى داخل الحزب الواحد ... يعني ما في ديمقراطية حقيقة ....

يا أخونا عبد العظيم .. في وجهة نظري .... تحليلك الإقتصادي للأزمة وحلها ... تحليل خبير إقتصادي .. وممتاز بدون شك ...

لكن السؤال .... هل تعتقد أنو حزمة الإجراءات دي ..... ح تحل مشكلة الإقتصاد السوداني؟؟؟ .. ومتين (السقف الزمني) .؟؟ ....

طبعاً نحن نتمنى أنو تتحل الأزمة الإقتصادية ... ويتعافى الإقتصاد السوداني ... والناس تعيش في سلام ورخاء ... ونبدأ مرحلة ثانية ...

لكن الخوف إنو العلاج (الدواء) المر .... ال شربوا الشعب السوداني ... والخطة الإقتصادية الممتازة ... ال ذكرتها في المداخلة ... الخوف إنها ما يطبقوها .. وبالتالي ... ما تجيب نتيجة ....

وتتفاقم الأوضاع أكثر ... ويلا بعد داك ... الرشيد وجماعتو ما ح يسكتوا .... وتقوم المظاهرات تاني .... والبشير يلبس كدارتو أم مسامير ....

أما بخصوص كلامي عن تغيير المشير ... البشير ... الغرض منو ... ترسيخ فكرة تطبيق الديمقراطية ... وهي تبادل السلطة بين الناس ... إبداءاً من داخل الحزب الواحد ....

بدون شك في وجهة نظري .. أنو البشير ... زول كويس .. وسوداني أصيل ... وخدم السودان (23) سنة ... وسجل أسمو في التاريخ ... وما قصر ... جزءا الله خيراً ....

بس ... في ناس آخرين ... ممتازين ... ومؤهلين ..... في داخل المؤتمر الوطني ... ناهيك عن الأحزاب الأخرى ... عاوزين يخدموا السودان ... ومن نفس الموقع ... ويسجلوا إسمهم في التاريخ ..... الناس ديل .... الديمقراطية ح تديهم الفرصة دي ....

يعني أسع أنا بقول حاجة ... أنا أقنعت ... السيد / محمد عثمان نمر ... أنو هو .. ينفع (يشتغل) رئيس جمهورية .... وطبعاً السيد محمد عثمان نمر ... من زعماء المؤتمر الوطني الشباب المؤهلين ... وأسع قاعد ... طوّل ... ليهو عشرة سنوات ... منتظر البشير ... يزح ليهو ... عشان هو كمان يشتغل رئيس جمهورية شوية ...

وكمان أطمنك يا أخونا عبدالعظيم ... السيد / محمد عثمان نمر .... وعدنا أنو .. عندما يشتغل رئيس جمهورية ... ح يخلي لينا الدوم ... أحسن من كافوري ...

وأسع يا اخونا عبد العظيم ... السيد/ محمد عثمان نمر ... منتظر في الصف .. قال لي ياخي ما تسأل لي .. صاحبك عبدالعظيم ... هو البشير ... ح يقعد في السلطة كتير ؟؟؟؟

عشان كدا .... تطبيق الديمقراطية داخل الحزب مهمة ... وكمان نطبقها في السودان كله ...

ختاماً بحييكم ... مرة ثانية .... الأخوان الرشيد وعبد العظيم ... وتحية خاصة جداً .. لإبن أختي السيد محمد عثمان نمر ... وأتمنى أن تكون هناك حكومة وحدة وطنية ..... تشارك فيها كل الأحزاب .. ويكون الرشيد .. وزير الخارجية ... وعبد العظيم وزير الدفاع ... وطبعاً رئيس الجمهورية معروف ... ويعم السودان الأمن والرخاء ..... وبس .......

في أمان الله ...



قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حتى يكون الاحترام والود بيننا

مُساهمة  عبد العظيم قسم الله في الثلاثاء يوليو 24, 2012 5:28 pm

الاخ (رشيد ) راكوبة قبل ان تخجل وتحمر خدودك لم يقل احد عاقل ان 23 سنة من عمر الانقاذ كانت تقشف وإلا يكون مكابر مثلك عاش ورأى الطفرة الاقتصادية والعمرانية والبنيات التحتية التي حققتها الانقاذ من بعد جماعات وانحطاط اقتصادي ولكن من جعلت في اعينهم وأذانهم غشاوة أي يرون ؟؟؟؟؟ ولا اريد ان اتحدث عن الطرق والجسور والمدارس والجامعات والمستشفيات والكهرباء والاتصالات والمواصلات وحتى قوت المواطن الذي كان لا يوفر إلا عبر وزارة الاغاثة وليست هناك مقارنة .... يا اخي انتم ليس من تقيمون الانقاذ لأنكم شزاز افاق وعملاء اما الدواء اتحدى لو في تاريخ السودان حكومة منحت الفقراء المستحقين بطاقات تأمين صحي مثل الانقاذ واليوم الدواء في السودان ارخص مقارنة بأي دولة خليجية وعلما اكثر من 60% يشترى من السوق العالمي بالعملة الصعبة مما يوكد دعم الدولة له ولا تذكرنا بايام حكومتكم الهالكة " المقبورة " لا يوجد فيها بندول في الصيدليات ناهيك العلاج والدواء يباع مثل الافيون في السوق السودة اخي لو كنت محلك لخجلت ان اتحدث عن الاقتصاد او ادخل نفسي في مقارنة خاسرة ومحرجة لك ولقد سجل التاريخ ان افشل حكومات في تاريخ السودان هي حكومة "السيدين " اما حديثك عن عجز الميزانية وتقديرك الخاطي ب 8 مليار دولار افيدك بحديث الساعة ان اسيادكم ناس سلفاكير الان ... الان يقدمون الاعتزار ويتندمون عن ما حدث منهم في محادثاتهم با دايس ابابا وعلى لسان خبثهم باقان اموم ويتعهدون بان لن يقدموا لكم أي مساعدة بعد اليوم وانكم اضعف من يسقط الانقاذ ويتعهدون بانهم سيدفعون للحكومة 8 مليار دولار كتعويض خسائر ايقاف البترول عبر خط الانابيب بالشمال وان كنت تكابر راجع المنبر لاعلامي لحكومتك (حكومة سيلفاكير ) او ستجده في راكوبتك وايضا قالوا سيدفعون حوالي 17 دولار مقابل البرميل والحكومة بعزة المسلم تقول لهم سندرس العرض فاليكن ذلك درسا لكم حتى لا تتطاولوا على الانقاذ وانتم احقر من حكومة سلفاكير وزننا وشعبية وعسكرية عرفت من اين ستاتي ال8 مليار ياراكوبة .
وبالنسبة للموسم الزراعي بفضل الله افضل من مواسم كثيرة سابقة (ينزل السماء عليكم مدرارا )
وختما نسيت ان تكمل دعاؤكم بان تقول اللهم اتيي بحكومة فاروق ابوعيسى العلمانية التي ستبيح الحرية الفردية الشخصية تفح لنا البارات وتفتح كازونهات الرقص والليالي الحمراء حتى تفش غلنا من كبت حكومة الانقاذ التي اهدرت موارد البلاد في بناء المساجد وكما قال فرعونكم ابوعيسى .
وانا اقول لكم ( ما زال الرجل ......... أن يستجاب له )

استاذنا عباس صاحب الظل الخفيف والذوق المرهف طبعا اللعب معك لابد ان لا يكون (بالكدارة ام مسامير ) لان لعبك ناعم وفنان ما محتاج لخشونة نحن معك لابد ان يكون المؤتمر الوطني حزب رائد وصاحب مبادي يطبق الديمقراطية في بيته الداخلي ولا يفعل كما تفعل الاجزاب التقليدية منذ ان ولدنا لم نسمع قائد لهم غير السيدين ومنذ 56 سنة ما تسمى حكومة الديمقراطية لم تفرز لنا غير واحد رئيس وزراء والثاني رئيس حكومة كان لم يخلقوا إلا ليكونوا لذلك ورغم وجود كوادر متعلمة ومثقفة ولذا تم تحديد عدد دورتين في المؤتمر الوطني بالنسبة لراسة الحزب والجمهورية واصبح ضمن الدستور يعني بعد الدورة الجاية قل للمجاهد محمد عثمان نمر كبر الطربوش ,
اما فيما يخص الاجرءات الاقتصادية بالتأكيد هي حتى عام 2014 وبعدها حسب الاستراتجية سيعافى الاقتصاد ويكون من اقوى اقتصاديات المنطقة ويمكن اذا افرزت الاكتشافات النفطية والتعدين في الذهب مفاجأة بفضل الله وبأذن الله ستكون الطفرة اعظم من السابقة وطبعا اقتصاد التوكل لا يعترف به الرواكيب حسب تركيبتهم الايدولجية ولكن حتى جماعتهم ناس سلفا اتوا صاغرين واليوم هم من يطالب بضخ البترول وكما قال المجاهد عمر البشير هم من قفل الانبوب ولكن نحن من يملك فتحه ولربما توافق الحكومة على الاقتراح وتدفع حكومة الجنوب 8 ملبار دولار كتعويض للشمال وتزيد قيمة تصدير البرميل من 17 دولار ل 28 كما قرر الوسطاء على كل حال لن تطول المعاناة ولن يجد الرواكيب الى أي منقلب ينقلبون .
وبعدين شايف جماعتك الرواكيب قالوا اذا اسقطوا الحكومة بانهم سيحاكمون السيد (جمال الوالي ) لانه لص في نظرهم يعني اذا شفتوا الحكاية مسخنة شوفوا لكم رئيس احتياطي وبعدين شنو الحكاية جماعتك تعادلوا في كوستي رغم الاستقبال كان مثل استقبال على عثمان .... رائع ولا كان في مظاهرات وعلى فكرة المدرب المصري حق الرابطة كوستي هو نفسه كان مدرب الامل عطبرة عندما اخذت منكم 3 نقاط في بداية الدوري يمكن هلالابي وانتم ما عارفين .
لك التحية اخي الفاضل وللرواكيب ايضا "دمتم بخير "

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حتى يكون الاحترام والود بيننا

مُساهمة  قريب محمد راجع في الأربعاء يوليو 25, 2012 8:05 am

دائماً بعد السلام ... أنا ببداء من النهاية .... طبعاً يا أخونا عبد العظيم .... المريخ عادة يجامل الفرق الصغيرة .... خصوصاً إذا كان ضيف جديد على الدوري ... زي الرابطة كوستي... عشان يرفع من معنوياتها ... ما زي الهلال .. ما بجامل ... هموا كلو ... يشيل الكأس المحلي ... المريخ عينو على الكاسات الكبيرة ... كأس الكنفدرالية ... والحضري وصل .....

بعدين يا أخي .. ناس الرشيد يحاكموا .... جمال الوالي ليه ... زول فاعل خير ... وإذا كان حرامي .. يكون حرامي كويس .. زي (روبن هود) .... يسرق من الحكومة .. ويوزعها على الشعب (المريخ ... والأندية التانية) ... في سرقة أحسن من دي ....

أتفق معاك يا أخونا عبد العظيم أنو المؤتمر الوطني أكثر الأحزاب تنظيماً ... وأحسن حاجة ... أنو من ضمن الدستور يحق للرئيس دورتين فقط ... كحد أقصى .... يعنى ممكن تكون دورة واحدة ... وطبعاً إنت بتقصد ... دستور المؤتمر الوطني ... ما دستور السودان ....

لكن أسع يا أخونا عبدالعظيم ... معنى كلامك .....أنو المجاهد / محمد عثمان نمر .. يتنظر للدورة البعد الجاية ؟؟.... يعنى ح ينتظر سنتين 2 الدورة دي ... + 4 سنوات للدورة الجاية ... يعني 6 سنوات ... يعنى البشير ... ح يشتغل رئيس جمهورية تاني 6 سنوات ... مع أنو البشير نفسو .... قال بعد الدورة دي .. ما عاوز يشتغل رئيس جمهورية تاني ...

لكن ... بينى وبينك ستة سنوات ما كتيرة .... يعنى المجاهد محمد عثمان نمر ... ح ينتظر كتير ..... تفتكر محمد عثمان نمر ح يقبل ؟؟؟ ....

عموماً ... إنشاء الله .... يتعافى الإقتصاد السوداني في 2014 ... زي ما إنت قلت ... وتظهر إكتشافات جديدة للنفط ... وكمان يكون في إهتمام بالزراعة والصناعة والقطاعات الأخرى ...

وطبعا في النهاية .... بالنسية لينا.... ما مهم ... مين يكون في السلطة ... المهم يكون في دستور دائم يرضي الجميع ... ويكفل حقوق الجميع .... وبالتالي ويسود الأمن والإستقرار ..... ويعم الخير والرخاء .. في السودان ...

وفي الختام ... سلام ..... من القلب للجميع ....

وإلى القاء في موضوع آخر ......... وفي أمان الله



قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى