يوم القيامة بعد بُكرة ... يوم الجمعة العصُر ....

استعرض الموضوع السابق استعرض الموضوع التالي اذهب الى الأسفل

يوم القيامة بعد بُكرة ... يوم الجمعة العصُر ....

مُساهمة  قريب محمد راجع في الأربعاء ديسمبر 19, 2012 5:22 am


في مساء أمس الثلاثاء ... شاهدت برنامج ... عن نهاية العالم .... على قناة ناشونال جيوغرافيك ( National Geographic Channel ) ...

واليوم الأربعاء ... من الصباح بدري .... قالت أكلم إبنى .. محمد عباس .. أنو نهاية العالم يوم الجمعة بعد بكرة ....

طبعا ... الولد محمد عباس ... يكره المدرسة .... كره .... من شدة كره للمدرسة ... في كل أول يوم من بداية السنة الدراسية ... يقول لي : أسمع يا ابوي .... إجازة نهاية السنة .. متين ؟ .....

في هذا الصباح الأربعاء ... قلت ليهو : .. يا محمد عباس ... قالوا ... نهاية العالم بعد بكرة ... يوم الجمعة ...

الولد محمد عباس لقاها فرصة ... وقال لي : .... خلاص .. يا أبوي ... أنا اليوم ... ما ماشي المدرسة ... لإنو نهاية العالم بعد بكرة ... و خت شنطة المدرسة في الكرسي ....

قلت ليهو : لا لا لا لا ... أنا .. بهظر .. معاك ساكت .... إنت أصلو ما تصدق الواحد يقول ليك حاجة .....

حكاية أنو .... يوم القيامة بُعد بُكرة ... يوم الجمعة العصر .... 21 ديسمبر 2012م ... مش أنا ال بقولها ... ديل ... شعوب (المايا) .... حسب التقويم حقهم ...

وتقويم شعوب المايا .... يعتمد على فكرة أنو الزمن .. هو عبارة عن دورات .... مدة الدورة 5 آلاف سنة تنتهى ... وتبدأ دورة جديدة ...

و أسع ... دورتنا نحن الـ 5000 سنة ... تنتهي بعد بُكرة ... يوم الجمعة العصر .... حسب نبؤة شعوب المايا ...

وبالمناسبة .... شعوب المايا ... تعتبر من أذكى شعوب العالم ... عاشت في أمريكا الوسطى (المكسيك وهندوراس .. حتى كوستاريكا ) ... وعندم حضارة من أعظم الحضارات ... وهم أول من عرف الكتابة في العالم ....

وهناك أفكار أخرى تدعم ..... فكرة المايا ... أنو نهاية العالم في 21 ديسمبر 2012م ... زي:-

- فكرة أو إعتقاد ... أنو هناك .... كوكب يعادل حجم الشمس 3 مرات ... أسمو ... نيبيرو (Nibiru) ..... يدور حول الشمس كل 4100 سنة ... وعندما .. يمر هذا الكوكب بالقرب من الأرض .... أو يصدم الأرض ستنقلب الأرض رأساً على عقب .... و(تتلخبط) الجاذبية الأرضية ... وتدور الأرض عكس دورانها ... وبالتالي ... تحدث فيضانات ... و زلازل ... وتقضي على 70% من سكان العالم ..... وربما على كل الأرض ....

- بعض الناس مصدقين ... الفكرة دي ... خصوصاً .. اليومين ديل .... قالوا ... في الصين ظهرت ... بجانب الشمس الأصلية ... شمس أخرى .... يعنى السماء ... بقى ... زي الزول الأحوص .. فيها شمسين جنب بعض .....

أسع الفكرة دي .... ما قريبة من علامات اليوم القيامة .. أنو الشمس تشرق من المغرب ؟؟؟ ....

- وعشان أخوف الناس زيادة ... أنا كمان ... أيضيف من عندي ... أنو .. في الإسلام ... بقولوا ... أنو يوم القيامة ... ح يكون ...يوم جمعة .... وبعد بكرة الجمعة ....

غايتو ... ناس القنوات الفضائية .... ووكالة الفضاء الأمريكية (ناسا) ... (يجهجوا ) ... في الناس ... جنس جهجه .....

الولد.. محمد عباس ... ونحن ماشين إلى المدرسة .. قال لي : يعنى نحن ما ح نمشي (الكورنيش) يوم الجمعة الجاي .. ولا شنو ؟؟؟ ...

قلت ليهو : ... كورنيش شنو يا أخي... نحن .. في الدمام ... في طرف البحر .... يعنى .. لو (البتاعة ضرب الهناية .. والشغلانة جاطت) ... نحن أول ناس ..ح نغرق في البحر ... لكن ناس السودان ما عندهم مشكلة ...لأنو ... ما في بحر كبير جنبهم ...

قال لي : خلاص ..نحن نمشى السودان ..

عموماً .... هنا في سؤال برئ ..... ماذا ...سوف يحدث بعد بكرة يوم الجمعة العصر ؟؟؟؟؟

بالنسبة لي ..... إجابة بريئة ... وبسيطة ... لا شي سوف يحدث .. بعد بكرة الجمعة إن شاء الله... كل هذه الأفكار ... والمعتقدات ... إجتهادات من عند البشر .... على مر الدهور ... لا أحد يعلم ... متى تقوم الساعة ... الله سبحانه وتعالى وحده هو الذي يعلم ذلك ....

تحياتي للجميع .................. وفي أمان الله ........

قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: يوم القيامة بعد بُكرة ... يوم الجمعة العصُر ....

مُساهمة  الرشيد نمر في الأحد ديسمبر 23, 2012 12:44 pm

يا ركس يا تحفة القيامة قايمه فى السودان بس ........... هل تعلم ان كيلو الضان ب 75000 جنيه ... دى قيامة قامت ولأ لا...............

الرشيد نمر

عدد المساهمات : 201
تاريخ التسجيل : 22/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: يوم القيامة بعد بُكرة ... يوم الجمعة العصُر ....

مُساهمة  عبد العظيم قسم الله في الأحد ديسمبر 30, 2012 1:35 pm

اخونا عباس كلامك غايتوا فيه شي يخوف بس ان شاء الله ناس العلمانية والرافضين (الشريعة الاسلامية ) يرجعوا الى الله ..... وبعدين في ناس معروفين بيقولوا ليك ناس القبور واقفين طابور ؟؟؟؟؟ (البيقول ليك بلدنا جعانة اداك صورة مقلوبة والطير من اطراف بلدانا شبع ) تحياتي لك ابو محمد .

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى