مــــــــــــــــــــــــــــــــــوضوع للتفاكر

اذهب الى الأسفل

مــــــــــــــــــــــــــــــــــوضوع للتفاكر

مُساهمة  شبيل الحريف في الجمعة يناير 04, 2013 11:54 am

اهلى الطيبين ..كيف حالكم بعد غيبة ..وانتو فى الخاطر ..وماظنيت بتنسونى لانى انا مانستكم وانتو ما ناسين ..نتواصل معاكم فى عيدية جمعتنا.. سالمنا اخوانكم الجايين من المهجر كأنوا سالمنا كل زول مرق هاجر من بلدنا الطيب ..ونتواصل معاكم ..فىجمعة لمتنا تكاد تكون صدفة ..تحت راكوبة فى ضحوية ..العنقريب والزير ..والهنبريب عبر جرايد النخيل التى تتمايل تزكى الانوف بروائح مميزه بريحة بلدى ..وتراب بلدى ..واهل بلدى وسواقيهم .. وسط هذه الصوره الجمالية والدنيا عيدية والوجبة كان دسمة ..عند( ابورهف) ..والحضور كان مميز ..عمنا الزين ودعلى ..عمنا حسن محمد حسين..عمنا محمد سعيد عارفنو .وعمنا احمد سعيد بابكروالعمم على شبيل.والاخوان احمد عبيون ..عبدالعظيم ..عبد ه شبيل ..قرشى ..حسن عبدالحميد..ابراهيم اراب..ومجموعة كبيرة من الشباب ..بعد الوجبة والونسة ..كان هناك شبه اجتماع ..كان النقاش ..العام حول المنتدى وقروب الدوم فى حدقات العيون..وكان النقاش الخاص حول استاد الدوم ..واكمال نادى الدوم بواجهتة الجديد الذى اكتمل بنيانة وجهزت النوافذ والابواب وكذلك السقف من الزنك الامريكى مع الكمر ومواسير السقف ..كان النقاش جاد هل نقدم مشروع تكملة النادى على الاستاد ..ام كل مشروع يكون على زاتة ..كان النقاش طويلا ومفيدا ..وكانت الاراء جريئة وقوية .. بقوة النوايا الصادقة التى تريد خدمة هذة البلدة الطيبة والطيب اهلها ( الدوم )..عموما.. نريد الاراء حرة من داخل وخارج الوطن ..هناك مخترحين الاول :..ماجمع من مبلغ للاستاد يكمل يكون خاص بالاستاد علما ان المبلغ الموجود حاليا 8000جنية سودانى تكلفة تسوير الاستاد( بطول 250متر وعرض 150متر) تفوق ال35000جنيةسودانى ..الثانى:.تقديم اكمال النادى علما بأن تكلفة ماتبقى ليكتمل النادى (11000 جنية )

الاستاد مهم والنادى اهم ولكن اهلى الطيبين ارائكم مهمة و حرة ..نريدها بحرارة قلوبكم ..ونريد اكبر قدر من المشاركة والاراء..
أيـــهمــــــــــــــــــــــــــــــــــا أفضل.؟

ملحوظة ..فيضانات السنة غمرت جزءمن المكان المحدد للاستاد الشمالى الشرقى يعنى حيكون داير مننا جهد اكبر
(نفس الموضوع موجود فى الدوم فى حدقات العيون ..مصحوب بى فديو تذكركم بالبلد ..بس الموضوع اخر شوية لانة كان فى مشكلة فى التحميل)

شبيل الحريف

عدد المساهمات : 25
تاريخ التسجيل : 04/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

النادى والاستاد هو وجه الدوم الحقيقى

مُساهمة  الرشيد نمر في السبت يناير 05, 2013 11:38 pm

اخى عوض (الرمح الملتهب) يعتبر النادى هو مركز اشعاع ثقافى وتراثى وحضارى للقرية والاستاد امتداد للنادى بعكسه للنشاط الرياضى الذى ينطلق من النادى ولذا يعتبر النادى والاستاد مكملان لبعضهما البعض .... واقترح ان تكون الاسهامات والتبرعات للاثنين معا وانا على يقين باذن الله سوف ننجح بتشييدهما معا ... وساقترح على الاخوان فى السعودية هذا المقترح وانا متاكد بانهم لن ولم يقصروا بالتجاوب لانجاح هذين المشروعين فى ذات الوقت والزمن .. فنحن نمتلك هنا خيرة الشباب وخاصة من يمسكون بزمام لجنة الجمعية وبقية العضوية ... لك خالص الشكر اخى عوض على طرقك لهذا العمل النبيل وسنوافيك بمقترحنا فى اقرب وقت .... ولكم خالص التحايا.

الرشيد نمر

عدد المساهمات : 201
تاريخ التسجيل : 22/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مــــــــــــــــــــــــــــــــــوضوع للتفاكر

مُساهمة  عبد العظيم قسم الله في الأحد يناير 06, 2013 5:04 am

الاخوان الاعزاء الرشيد وعوض شبيل لكم التحية والتقدير ...ونحن نلتقي في رحاب الوطن الصغير (الدوم ) للتتكاتف الايادي من اجل البناء ورفع مكانته و ردا لجميل لاهلنا وتمهيدا لشبابنا الجو المعافى وجيل المستقبل وحتى نواكب المناطق من حولنا لان نؤمن بان الدوم ليست اقل شأن من "حامد نارتي " او "ايماني " كمثال ولان بهما استادات واندية جميلة جدا ولذا لابد لنا ان نشد الحيل ونشحذ الهمم ونواصل في انجاز المشاريع الكبيرة مثل الكهرباء ومايه الشرب والاستراحة والاعمال الخيرية الكثيرة المتواصلة وليكون النادي والاستاد تكملة لتلك الانجازات .

وانا اقترح ما دام هنالك مبلغ ( 8 ) مليون جنية موجودة وخاصة بالاستاد موجودة لدي لاخوان في الدوم لماذا لا تستخدم لتكملت النادي مادام النادي تكلفته حوالي (11) مليون وتتم تكلملت ال ( 3 ) مليون من الاخوان في البلد والخرطوم وبورتسودان ونجمع نحن هنا من جديد للاستاد ونشارك كل الاخوان هنا في السعودية والاخوان في امريكا وكندا وباذن الله يتم الامر في وقت وجيز .... وبامانة لقد رايت النادي وله اكثر من عامين ولم تزيد او تبنى فيه طوبة واحدة بسبب العجز المادي واظن لو انتظرنا اكثر ستزيد التكلفة وفي نفس الوقت ان مبلغ ال( 8 ) مليون لن يفيد في الاستاد نسبة لكبر حجم المطلوب (33) مليون الافضل استقلال المبلغ الموجود لتكملت النادي ولاخوان هنا كلهم في جدة والرياض ما عندهم مانع واظن كذلك الاخوان في امريكا وخاصة "النادي "يطل على شارع الظلط العام في والواجهة وبجوار الاستراحة التي اصبحت معلم للقرية .

اخي الرشيد انطلق في هذا الامر ونحن سنكون ساعدك الذي يساندك مع كل الاخوان لان الدوم بيت الجميع ونحن هنا في جدة معنا ابورهف جاهزين وبالله التوفيق

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

نجيب الجير ... أو ... نحفظ جدول ثلاثه

مُساهمة  قريب محمد راجع في الأحد يناير 06, 2013 6:09 am

فرقة الهيلاهوبا السودانية ... عندها مسرحية إسهما ... (مدرسة المشاغبين السودانية) .. فيها طلبة من كل شرائح مجمع السوداني ..... ( عربي جزيرة .... جنوبي ..... هدندوي .... فلاتي .... أولاد مغتربين (شهادة عربية).. كلو ... في ...

الأستاذ ... طلب من الطالب الهدندوي .... حاجتين ... قال ليهو : بكره (1) تحفظ جدول ثلاثة .... (2) وتجيب معاك شوال جير (طلاء) ... عشان يضربوا المدرسة بالجير ....

الطالب الهدندوي ... عاين للأستاذ كدااااا .... وقال ليهو : شوف يا أستاذ .... (خيار واهد بس نسوي ... الجير نجيب.... ولا جدول ثلاثة نهفظ ..... ) ...

الرمية دي ... بس عشان أقرب الفكرة ... وأقول ... أنو خطة الطالب الهدندوي ... خطة (واحد .. واحد) ... مناسبة معنا ... يا إما ... (نجيب الجير ... أو ... نحفظ جدول ثلاثة) ....

يعنى .... يا إما نكمل النادي ... بالمبلغ الموجود .... أو نحتفظ المبلغ ليتم بناء الإستاد لاحقاً .... ولو حاولنا .... ننفذ المشروعين مع بعض ... (الشغلانة ..ح تجوط) ....

وأنا أعتقد الأفضل أن يتم إكمال النادي أولاً ...... وذلك للأسباب التالية:

1- من ناحية تمويلية: .. بما أن المبلغ الموجود حاليا 8000 جنية (بالجديد) .... وهو يقارب التكلفة الكلية لإكمال النادي .... البالغة 11 مليون (بالقديم ) ... مما يعنى أن المطلوب لإكمال النادي فقط 3 مليون (بالقديم) ...

في حين أن المطلوب لإكمال الإستاد 35 ألف جنية (بالجديد) ..... والفارق كبير 27 ألف جنيه ....... يعنى أسهل الأخذ بإقتراح إكمال النادي ... و هذا سبب مهم ...

2- تكلفة الإنشاء .. متغيرة ... ولو إنتظرنا ... إلى حين إكتمال المبلغ 35 ألف ... قد تتغير التكلفة إلى 53 ألف ... عليه من الأفضل .. إستغلال المبلغ الموجود بأسرع ما يمكن ....


3- من ناحية خَدَمية : ... يعتبر النادي ... مركز يخدم .. جميع شرائح المجتمع ... الكبار ... والصغار ... النساء والرجال .... الرياضيين ... وغير الرياضيين .... زي ما قال أخونا الرشيد ... (مركز .... ثقافي .... إجتماعي ... رياضي) ...

في حين أنو الإستاد .. يخدم للرياضيين .. بصورة أساسية .... رغم أنو يمكن أن تقام فيه ... إحتفالات كبيرة .....

عموما ... في رأيي ... وبقراءة سريعة للوضع الراهن .... أنا أعتقد أنو ... افضل نكمل النادي أولاً لسهولة التنفيذ .... لأنو .. تجميع مبلغ 3 مليون ... أسهل ... وأسرع .. من تجميع مبلغ 27 مليون ....... يعنى أسع المطلوب ... تجميع مبلغ الـ(3)ـــلاثة مليون ... بأسرع ما يمكن ....

وبعد داك ... ننتقل إلى الإستاد مباشرة ... الذي يتطلب مجهود كبير .... وزي ما قال أخونا عبد العظيم ... الدوم ليس أقل من ... القري حولة .... بالعكس الدوم موقعو إستراتيجي ... واقع على شارع الزلط ... وناصية كمان ..... انا أتوقع في المسقبل القريب ..... يكون الدوم مركز بعد دنقلا ... إن شاء الله ..........


كسرة ..... أخونا محمد حسن الرعيابي ...
بالله ..... يا أخونا عبد العظيم ... أنا عاوز أطلب منك ... طلب ... بما أنو الموضوع فيهو ... دفع (قروش) .... ونادي .. وإستاد ... وكدا .....

لو سمحت ..... أنا عاوز ... منك ... إنت ومن الهلالاب .. ال في جدة ... ترجعوا لينا ... قروشنا ... حقت الببسى الشربتوهو ... الإشتراه ليكم ... أخونا الكريم (في المريخ) قرشي عبد الرحمن ...
عشان نحن المريخاب .. عاوزين ... نتم عليهو ... وندفع الشيرنق (sharing) ... بتاعنا في .. النادي ... والإستاد .....

كسرة تانية .... نرحب بالزعيم حسن محمد حسين ... لقدومه لمدينة الرياض ... ونتمنى له إقامة طبيه بين الأهل ...)

ختاماً .... تحية كبيرة ... لأخونا / عوض محمد خير شبيل (الرمح الملتهب) .... وأخونا/ الرشيد عبد القادر علي نمر .... (النمر المتألق) ..... ولأخونا / عبد العظيم محمد قسم الله (المؤسس) ....... وتعظيم سلام للدوم وأهله ...........

وفي أمان الله ........

قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مــــــــــــــــــــــــــــــــــوضوع للتفاكر

مُساهمة  شبيل الحريف في الأحد يناير 20, 2013 9:59 am

الاخوان الرشيد وعبدالعظيم وقريب...لكم التحية ..فقد طرحت نفس الموضوع فى صفحة الدوم ..وجائنى الرد ضوء اخضر من اخونا الهميم محمد حسن وقد ذكر ان هذا الموضوع تم النقاش فيه وهم يرجحون اكمال النادى ..وقد حثنا على الاستعجال فى الامر لكى لا يفقد المبلغ المجموع قيمتة ..وبعدها تكون هناك نفره اخرى للاستاد ان شاء الله ..يعنى وجهات النظر متطابقة ...ونعتبر ذلك اشارة منكم لننطلق فى اكمال النادى ..فسنبدا فى اسرع وقت وجزاكم الله خيرا..

شبيل الحريف

عدد المساهمات : 25
تاريخ التسجيل : 04/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى