نداء الى كل سودانى غيور

استعرض الموضوع السابق استعرض الموضوع التالي اذهب الى الأسفل

نداء الى كل سودانى غيور

مُساهمة  الرشيد نمر في الأربعاء مارس 13, 2013 10:40 am

هذه الرسالة الوطنية المجردة من كل هوى ارسلها وابتعثها الى كل سودانى متجرد وليس مجرد من الاحساس بالوطنية .. والدفاع عن العرض هو من اصول الدين فالكل يعلم ما ال عليه الوطن فالانهيار فى شتى جوانبه اصبحت سمته وصفته والانحطاط الفكرى والاخلاقى ظل يستشرى فى جسده واصبح الهروب الجماعى وافراغ كوادر الخدمة المدنية والمهنيين من مواقعهم وتدافعهم عبر مكاتب الخدمات لشراء عقودات العمل والهروب من جحيم الجوع والبطالة اصبح احدى الامنيات لمن وجد حظا فتجد اسرته تغمرها السعادة والامل ليس لتغيير حياتهم بل لتحويل المال ليسدوا به تكلفة وجبة الغداء الوحيدة فى اليوم .... ارسل هذه الرسالة وقد فقد السودانيون اى رجاء من هذا النظام للاصلاح فاصبح الطاغية لاحول ولاقوة له ففى داخل وطنه لايستطيع ان يتنقل فاصبح مطاردا حتى من ثوار دارفور ... اصبحت الحرب هى لغة الكلام فتسع اقاليم تحمل السلاح فى وجه النظام واصبحت الكرمك وقيسان على مرمى حجر من ثوار الجبهة الثورية والمدن الكبرى فى دارفور اصبحت مسرحا للحرب بين الثوار وفلول النظام ... اما الفساد فاصبح عاده لدى افراد الطغمة الحاكمة فذهب عنهم الحياء والشعور بالنخوة والرجولة فاصبح همهم نهب اموال الشعب وتأسيس الشركات وفتح الحسابات الخارجية وشراء العقارات والمخططات السكنية والتجارية .... اما انهيار الاقتصاد وتدنى العملة الى اسوأ مستوى لها فلا يحتاج الى تذكير او ذكاء لانه حتى الجراد عندما غزا البلد مات جوعا دون اباده لانه لم يجد من بلد ال 200 مليون فدان حقلا اخضرا واحدا ليلتهمه .. فوصيتى هو التغيير باى وسيلة فان لم تستطع باليد بالقلم او اللسان ومصحوبا معه الدعاء فى جميع صلواتنا بزوال هذا النظام عاجلا غير اجل حفاظ على وطننا وديننا وعرضنا .. والله المستعان.[b]

الرشيد نمر

عدد المساهمات : 201
تاريخ التسجيل : 22/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: نداء الى كل سودانى غيور

مُساهمة  قريب محمد راجع في السبت مارس 16, 2013 6:30 am

قال ليهو ... يا زول تاني ما تجي الجمعية ...

أخونا الباشمهندس ... جعفر محمد سعيد ... أحرف واحد في الدوم وإحتمال يكون في السودان .. بيلعب (وست) كتشينه .... يعرف الورق ال في يدك ... يقول لك .... إنت عندك دو شيريا و شايب هارط .... بدون ما يشوف ورقك ... وكمان ... أصلو ... ما يحب زول يغلبو .. وبذات إذا كان لاعب ضد ... أحمد خليفة وكمال خليفة

مرة ... ونحن كنا في جمعية جدة ... (في ثمانينيات القرن الماضي) ... أحمد خليفة وكمال خليفة لاعبين (زملان)... وجعفر محمد سعيد ... قاعد ضدهم ... ومكان زميلو فاضى ...

جاء أخونا ... الطيب شايقيه (الله يرحمو) ... دخل الجمعية ... وقبل ما يقول السلام عليكم ... وطوااااالي ... قعد في المكان الفاضي ... عاوز يلعب زميل جعفر ...

جعفر عاين للطيب وقال ليهو : يا زول إنت بتلعب كويس
الطيب قال ليهو : ... يازول ... كيف ... كويس ساكت ... كويس جداً
جعفر ... اطمأن ... قال للطيب : خلاص ...أهم حاجة ... الناس ديل ما يغلبونا ...

أثناء اللعب .... أخونا الطيب .... كره ليك جعفر اللعب ... ومرضو مرض ... لعبو كلو غلط ...
وأخونا جعفر أثناء اللعب بطبعو .. أصلو .. ما يتكلم ... لكن (كبس كسبة شديدة) ... وأول ما رمى آخر .. كرت في (الوست) .... وطبعاً إتغلبوا ...

جعفر ..عاين للطيب ... وقال ليهو: يازول هي ... تاني ما تجي الجمعية ...

أنا ... ضحكت ... لمن (كربشت من الضحك )... وبقيت كل ما أشوف الطيب شايقية ..أضحك ...
لأنو أخونا جعفر ... فكر وقال لنفسو
أنا لو قلت ... للزول دا ... تاني ما تلعب معاي .. (دي ما كفاية) ...
ولو قلت ليهو .. إنت كيشة .. (برضو .. ما كفاية ) ...
قال أحسن حاجة ... أنا أجيبا من الآخر ... وأقول ليهو ... تاني ما تجي الجمعية ...

أخونا الرشيد ربنا يعطيك العافية .... أسع دا آخر كلام عندك ... (ندعو في الصلاة لزوال النظام) ... إنت (زهجت) ولا شنو ... ما في خيارات تانية ....

طيب أنا بقول ليك حاجة ... ما دام الموضوع .. فيهو تجرد وموضوعيه .. وكمان فيهو ... دعاء لله .. ونحن مسلمون ... والإسلام دين ... الرحمة والخير ...

نحن ليه ... ندعوا بتدمير وزوال النظام .... نحن أحسن ندعو الله بان (يهدي ويصلح النظام) ... ونكون كسبنا .... ناس هم اصلاً أخوانا .. ومسلمين وسودانيين ... بدل ما ندعو بزوالهم وكدا ... مش هذا أفضل ؟؟

رغم أنو كلامك صحيح .. فعلاً الناس تعاني أشد المعاناة في لقمة العيش.. وأغلب الناس يسعوا للهجرة ... وهناك تردي في الأوضاع المعيشية .... إلخ .... رغم ذلك ... نحن أحسن ندعوا الله أن يحسن الأحوال ....

وبعدين الضمان شنو ... إذا زال النظام باي وسيلة (عنيفة)... يكون في إستقرار ... أنا أتوقع يكون السودان أسوأ من الصومال .... دا إذا كان في أصلا سودان ...

أنا أعتقد أنو ما في أفضل من النظام الديمقراطي ...... تكون هناك حكومة وفاق وطني مناصفة بين الحكومة والمعارضة ... وبعد ذلك يتم عمل دستور دائم ... ثم .. إنتخابات حره ... في أسرع وقت ..... وال بفوز حلال عليهو الحكومة ...

أخونا الرشيد .... أنا أجيب ليك من الآخر ...

إنت تقوم ... تسوق البنت شيماء وإخوانها .... وتركب الكورولا بتاعتك .... وتجينا في الجبيل ... في نهاية الأسبوع ... عندنا لمة أهل سمحة ... فيها الثنائي (قورو كبودي والسر حسن كبودي) ... والحاج عبد القادر نمر .... وبعض الأخوان من الرياض ... وقرايبك كمان جايين من السودان ... حاجة (أوبهة) ... وبعد داك نشوف حكاية الدعاء ... وكدا .... يمكن تغير رأيك .....

تحية كبيرة وخاصة للأخوان ... جعفر محمد سعيد وأحمد خليفة (أحمد الهادي) و كمال خليفة ... والله يرحم أخونا الطيب شايقيه رحمة واسعة ويسكنه فيسح جناته... والتحية لجميع الأهل ....

في أمان الله



عدل سابقا من قبل قريب محمد راجع في الجمعة مارس 22, 2013 10:30 pm عدل 2 مرات

قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الاذان فى مالطا

مُساهمة  الرشيد نمر في السبت مارس 16, 2013 11:44 pm

[size=18][/sهههههههههههههههه .... يا ركس اسألك كم من القوى السياسية المختلفة عقدت مع هذا النظام اتفاقات؟!!!!! وكم من مبادرات من طرق صوفية ومنظمات مجتمع مدنى بادرت بتقديم النصح ووضع خارطة طريق لانتشال البلد من الانهيار الذى الحق بها من قبل سياسات هذا النظام ..... انت تتحدث عن وضع الصومال مع العلم ان اكثر من 60% من اجزاء فى البلد هى شبيهة بوضع الصومال ثم ان اوضاع البلد المزريه الان منحدره الى اوضاع السودان اذا استمر هذا النظام .... هل سمعت ياركس بالقلوب الغلف والمضغة الفاسدة والنفس الامارة بالسوء التى تربت على الظلم واكل اموال الناس بالباطل ... كيف لنفس مثل هذه ان يستجاب لها اذا دعونا لها بالاصلاح ... ثم ان دعوتك التى ذكرتها بقيام حكومة قومية والناس ذهبت الى اكثر من ذلك بان يكون البشير رئيسها تمهد الى قيام انتخابات بشرط تفكيك مؤسسات النظام وجعلها قومية ولكن لاحياة لمن تنادى .... اخى ركس الناس ليها اكثر من 24 سنة بتحنس فى الناس ديل بالحوار الذى يمهد لملتقى جامع لكل اهل السودان ليخرجوا بتصور لادارة شؤون البلد ومن ثم كيف يحكم السودان؟ ... لهذا خرج بعض الثوار ليحملوا السلاح للانتصار لقضاياهم بعد ان فقدوا اى اذن صاغية من هؤلاء الحكام .... تعرف ليه هذه الكنكشة لانه لايمكن لشخص ان يضحى بالعقارات والحسابات الخارجية الممتلئة بالعملة الصعبة وغيرها من اسباب الثراء الحرام.................ize][b]

الرشيد نمر

عدد المساهمات : 201
تاريخ التسجيل : 22/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: نداء الى كل سودانى غيور

مُساهمة  عبد العظيم قسم الله في الجمعة مارس 22, 2013 4:35 pm

برز الثعلب يوما وهو يسب الماكرين ومخطي من ظن للثعلب دين ويخبرك من صدق الكذبة اللعينة يتحدثون عن الوطنية وهم الخونة الذين يتامرون ليل نهار علي الوطن يبعون الوطن والدين بثمن بخس في اسواق النخاسة في كمبالة في فجر مظلم بدولارات معدودات يريدون ان يطفوا نور الله ولكن متم لنوره ولو كره (الرواكيب ) يسمون متمردون دارفور بالثوار ياسبحان الله اصبح الماجورين والخونة ينادون بالوطنية وانا اتسال عندما كان الناس يبتون في صفوف السفارات هروب من المجاعات التي ضربت كل السودان الذي ليس له اقتصاد غير الاغاثة والمعونات من الخارج عندما كان ياكلون ديمقراطية حكومة السيدين وكان اخونا راكوبة الذي خرج بواسطة حزبة والعجيب في الامر كنا انا هو مقدمين للهجرة معا خرج هو ورفض طلبي لان ولائي ليس للسيدين ؟؟؟؟؟ هذه هي ديمقراطيته .

ما دفع اخونا (راكوبة ) لكتابة تلك السطور هو ان حكومة الجنوب اعطتهم الكرت الاحمر لانها اكتشفت انهم اوهن من جناح البعوض مستحيل ان يسقطوا حكومة (الانقاذ الوطني ) وان متمردية اصبحوا في خبر كانه وان جحافل المجاهدين ستسحق الخونة والمارقين واتفاق المصفوفة سيكون خير معين للاقتصاد الذي بداءت ظاهرة المعافاه تظهر عليه انخفاض سعر الدولار ... يا اريت يا استاذنا عباس بدل تنصحة ان يزور الدمام خليه يحصل ثواره في دارفور عشان يدخل معهم الخرطوم اقصد (القبر ) بس بناتنا يخليهم لان نحن عاوزنهم لان ذي مابيفولوا يخلف من ال..... صالح

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى