بيان هام من الثوار حول الانسحاب التكتيكى من ابوكرشولا

اذهب الى الأسفل

بيان هام من الثوار حول الانسحاب التكتيكى من ابوكرشولا

مُساهمة  الرشيد نمر في الثلاثاء مايو 28, 2013 6:21 am

نسبة للاوضاع الانسانية بالغة التعقيد التي مر بها مواطنو منطقة ابو كرشولا في جنوب كردفان ، ونتيجة لحالة الحصار الاقتصادي الذي مورس على المدنيين من قبل حكومة المؤتمر الوطني والذي اسفر عن حالة انسانية سيئة في المنطقة ، ونسبة لوجود اعداد كبيرة من المدنيين في منطقة ابو كرشولا ، ونتيجة لاستخدام النظام سياسة الارض المحروقة بقصف سلاح الطيران والاسلحة الفتاكة ضد المدنيين ، وعدم التفريق بين الاهداف المدنية والعسكرية ، وحتى لا تتكرر جرائم الابادة الجماعية التي ارتكبها النظام في دارفور وجنوب كردفان مجدداً في منطقة ابو كرشولا ، فقد قررت قيادة الجبهة الثورية الانسحاب من منطقة ابو كرشولا دونما اي مواجهة مع قوات النظام .
تؤكد الجبهة الثورية السودانية الاستمرار في ترتيباتها السياسية والعسكرية ، واستمرارها في ضرب قوات ومليشيات المؤتمر الوطني في اي مكان ، كما تؤكد الجبهة الثورية على ان نظام المؤتمر الوطني المتهالك لن يهدأ باله طالما ان الجبهة الثورية ممسكة بزمام المبادرة ، ولطالما ان هدفها الرئيسي هو اسقاط النظام وللابد ، فان الجبهة الثورية تعد العدة الان ومع جماهير الشعب السوداني للتقدم نحو الهدف الاستراتيجي لاسقاط النظام في الخرطوم .
المجد لشعبنا السوداني وقواه الحية
والنصر لنا
ابو القاسم امام الحاج
امين الاعلام والناطق الرسمي بأسم الجبهة الثورية السودانية
الاراضي المحررة
27- مايو -2013

الرشيد نمر

عدد المساهمات : 201
تاريخ التسجيل : 22/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بيان هام من الثوار حول الانسحاب التكتيكى من ابوكرشولا

مُساهمة  احمد ادريس عبيدون في الثلاثاء مايو 28, 2013 7:40 am

الزول وقت بينسحب جايي ليه من اصلو؟؟ والتاني وقت منتصر مالو ما عاوز يورينا التفاصيل؟؟ يا جماعة ما نقطع الاول خلونا يومين تلاثة .. وان يك صدر هذا اليوم ولّى فان غدا لناظره قريب .. والله اصابتنا التخمة من كثرة البيانات والبيانات المضادة وما عاوزين نصدق ولا واحد الا حنصدق الأيام و ما عاوزين نتشاكل في الميراث ولسع الفراش ما اترفع

احمد ادريس عبيدون

عدد المساهمات : 171
تاريخ التسجيل : 26/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بيان هام من الثوار حول الانسحاب التكتيكى من ابوكرشولا

مُساهمة  الرشيد نمر في الثلاثاء مايو 28, 2013 10:18 am

اخوى عبيدون وانت سيد العارفين الثوار وضحوا لك سبب الانسحاب بسبب الظروف الانسانية السيئة لاهالى المنطقة وعدم السماح للمنظمات الانسانية من قبل المؤتمرنجية لانسياب المواد الغذائية والعلاجية .... الشئ الثانى انه قد حقق الثوار الهدف الاستراتيجى من تحرير ابوكرشولا من قبضة النظام المجرم لمدة 30يوم وهى انهاك مليشيات النظام وبث الزعر والرعب وسط افراد النظام مما يؤدى الى مزيد من الانشقاقات والخلافات بينهم وايضا قد اتضح ضعف النظام بانه متهالك ومنهك بسبب تصديره للمشاكل اليومية فى حياة الناس وايضا اتضح جليا بانه لاوجود للقوات المسلحة ومن يحارب هم افراد الامن ومليشيات النظام من شرطة شعبية ودفاع شعبى وغيره ... تحرير ابوكرشولا من قبل الثوار هى بروفة لاسقاط النظام وتحويل المعركة الى داخل العاصمة والعمل على ضرب النظام الضربة القاضية ودفنه فى مزبلة التاريخ وباذن الله النصر قريب الذين هم يرونه بعيد.

الرشيد نمر

عدد المساهمات : 201
تاريخ التسجيل : 22/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بيان هام من الثوار حول الانسحاب التكتيكى من ابوكرشولا

مُساهمة  عبد العظيم قسم الله في الأربعاء مايو 29, 2013 1:10 pm

"صغار في الذهاب وفي لإياب هذا كل شانك يا راكوبة " انسحبنااااااا اخجل ياراكوووووبة ما زمان قلنا ليكم انتو ما قدر الكلام دا كله وكنا عارفين ممكن تدخلوا على أي منطقة امنة ليس فيها غير المواطنين العزل كما يفعل قطاع الطرق بس عندما يصلوكم الرجال ستهربون كالجرذان ... بالله قال بدون خجله نحن خوفنا على المواطنين من الحصار يا راجل قل كلام يعقل انتم قتلتم المواطنين في الجزارات كالبهائم بس لمجرد انهم عرب يعني قتل من اجل الهوية و لعرقهم شردتم 40 الف مواطن ... والله راجع مقالاتي قلت لك قبل فترة انكم سوف تهزمون بس اياك اياك ان تقول لي انسحبنا عندها كنت تقول نحن زاحفون للخرطوم ويمكنك مراجعة ذلك ولأني اعرف حجتكم دائما .. ولاني كنت اثق انكم مدحورين بأذن الله واعرف ان الجيش السوداني هو قادر على ذلك و الجيش السوداني وهو الوحيد في افريقيا لم يهزم منذ 57 عام ولم تكسره حركات المتمردة والعميله وكنتم تتاملون في الدعم الصهيوني لكم في الصمود امامه وكنا نرجو من الله ما لا ترجون وعندما تحديتك كنت واعرف انكم اقزام لا تستطيع ان تصمد امام جحافل المجاهدين وامام الشعب السوداني بأكمله وان الماجور يحرص على الحياة.... وخسئتم حينما تقولون انسحبنا والله جثث قتلاكم تفوق ال 750 جثة تنهشها الصقور .... اما عن موقف الشعب السوداني واذا كانت سيول المواطنين التي عمت كل انحاء السودان فرحة وسعادة كلها تابعه للمؤتمر الوطني والله هنيا لهم بهذا التأييد والحب المنقطع النظير من شعبهم اتمنى ان لا نسمع كذبا اكثر من ذلك الانك لا تستطيع ان تحجب عيون الناس فيما تشاهده وتعلمنا ان الصورة ال تكذب ... وما اشبه الليلة بالبارحة سبحان الله عندما حرر الجيش "هجليج " التي احتلها جيش دولة الجنوب قال الراكوبة نفس العبارة المشروخة (انسحببببببنا ) اتمنى ان يكون لهؤلاء الرواكيب دم يستحون ويخجلون من انفسهم لم تكقيهم العمالة والارتزاق للعملاء الصهيونية وبعد ذلك يدعون النصر المزيف ولكن كما يقال : ان لم تخشى عاقبة الليالي اصنع ما تشى .... ولكن لم تجب علي سؤال الاستاذ احمد ادريس لماذا دخلتم طالما انكم سوف تنسحبون ؟؟؟؟؟؟ صراحة ما تزعل مني اجابتك باييييييييخااااا وما مقبولة ...... اخي احمد ادريس لقد بث امس في وقت متأخر التلفزيون صورا من داخل ابوكرشولا وكشف حجم الدمار والخراب الذي احدثه الخونة والجبنا بس للتوضيح حتى لا يشوش لكم الرواكيب الصورة ولك التحية والتقدير .


عدل سابقا من قبل عبد العظيم قسم الله في الخميس مايو 30, 2013 2:32 am عدل 1 مرات

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بيان هام من الثوار حول الانسحاب التكتيكى من ابوكرشولا

مُساهمة  قريب محمد راجع في الخميس مايو 30, 2013 12:20 am


س : الزول وقت بينسحب جايي ليه من اصلو؟؟

ج : الزولين (جمع زول) .... ديل جايين عشان ... يجسوا النبط .... ويعملوا (جوطة).... عاوزين يشوفوا رد الفعل عند المؤتمر الوطني (الجيش السوداني) ...
وإذا المؤتمر الوطني ... ما قدروا يعملوا حاجة ... يلا يقوموا ينتقلوا إلى الأبيض ... ويعملوا جوطة.... ثم كوستي ويعملوا جوطة ... ثم الخرطوم .. ويعملوا ... الجوطة الكبيرة ... والنتيجة النهائية ... السودان كله (يجوط) .. وهم يقعدوا فوق الجوطة دي كلها .......


س : والتاني وقت منتصر مالو ما عاوز يورينا التفاصيل؟؟


ج : طبعاً بالنسبة للحكومة (الجيش) ... تحرير أب كرشولا ... ما ممكن يعدي بالساهل إعلامياً ... لازم يأخذا (راو) كبير ... وفرصة إعلامية عشان يكسبوا تأييد عامة الناس أكثر ...

هدا رأيي في الإجابة على إستفسارات أستاذنا الكبير أحمد إدريس ... مع العلم أنو قد يكون رايي خطأ ... أو صواب ......

لكن عندي سؤال برئ لأخونا الرشيد .....

إنت معنا ....ولا .. (معنا) ... ؟؟

أنا ح أجواب عنك ... لأنني بعرفك ...

(إنت وعبدالعظيم ... والميرغني والبشير ... والمهدي والترابي .. والمؤتمر الوطني والشعبي والإتحادي الديمقراطي) ...
كل الناس ديل ... عند الجبهة الثورية .. شي واحد ... هم (الجلابة) والجلابة هم العرب (المهجنين .. والمهاجرين للسودان ) ... يعنى.. نحن كلنا في وجهة نظرهم ما سودانيين ...
يعنى في حسابات الجبهة الثورية ... إنت وأنا وعبدالعظيم وكل بقية (السودانيين) ... يطلعوا بره السودان .. أو يبادوا ... هذا هدف إستراتيجي (غير مُعلن) ... للجماعة ديل ...

الجبهة الثورية .. هي الحركة الشعبية (النوبة) + حركات دافور (الفور) .. وبس ...


أنا عارف أنو أخونا الرشيد ... زهج ..شدددددددددددددديد ... وعاوز يتخارج من المؤتمر الوطني ... بأي طريقة .... وهذا من حقه .. حسب رأيه ... ونحن نحترم رأيك ....

لكن طريقة الجبهة الثورية دي في الوصول لحكم السودان... ما مناسبة معاك/نا.... عشان :

1- الناس ديل أول حاجة ح يعملوها في السلطة بقوة السلاح ... ح يتخلصوا من المعارضة (الجلابة) قبل المؤتمر الوطني ... عشان هم أحق بالسلطة لأنهم .. أخذوها بقوة السلاح ... يعنى (نوبة وفور ... جوه ... جلابة بره) ... وممكن يشتغلوا .. إبادة وإباحه للجلابة..(إذا لقوا فرصة) ..

2- لغة الحوار لدي السلطة (الجبهة الثورية) ... ح تكون هي لغة السلاح فقط .. ما في لغة حوار أخرى ... يعنى لو هناك ندوة في الجامعة الخرطوم لنقاش موضوع ما ... ح تسمع أنو الندوة إنتهت بقتل 10 أشخاص و جرح 30 آخرين ..
وممكن تسمع أنو إشتبكت مليشيات عقار ... مع مليشيات مناوي .. في السوق العربي وسط الخرطوم .. عشان قطعة جبنه ... ومات وجرح عشرات الأبرياء ... الكلام دا .. يحصل في العراق اليوم ....

3- وممكن أي شئ غير متوقع ... يحدث ... لأنو الشغلانة ح تكون جايطة ... وما ح تعرف ح يحصل شنو ...


عموماً أخونا الرشيد.. أنا أحترم رايك في.. من هو أحق أن يحكم السودان ..... وأقدر مجهوداتك لإسقاط المؤتمر الوطني .. وهذا حق مشروع .. بل أتمنى أن تواصل في سعيك الدؤوب ... للوصول لهدفك ...

لكن في وجهة نظري .... طريق الجبهة الثورية ... ليس هو الطريق صحيح ... الذي يقودك/نا ... للهدف ...

هناك طرق ... أخرى أنسب ... صناديق الإقتراع ... ثم صناديق الإقتراع .... وإن كان هناك شكوك حول هذه الصناديق ... فالتكن ... حكومة وفاق وطني ...

ودا هو إقتراحي في القضية يعني ...

أخونا الرشيد أتمنى لك التوفيق فيما تصبو إليه ... وأرجو أن تواصل في طريقك حتى تصل ....

همسة في أذن أخونا عبد العظيم ... ما تكتروا الفرحة الإعلامية .. عشان الناس ديل ممكن يطلعوا ... من أي حتة تانية ....

تحية كبيرة للأخوان أحمد إدريس والرشيد وعبد العظيم ... وأتمنى الخير والأمن والأمان للسودان وأهله .......


في أمان الله


قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى