في الليلة الظلماء يفتقد البدر

اخي العزيز مدثر عساك بخير بكل امانة انا غلق عليك جدا لغيابك عن المنتدى لان نحن نرى فيك نجم نجوم المنتدى وفقدناك كما يفتقد البدر في الليلة الظلما البدر وذا كان غيابك لظروف خاصة اتمنى ان تزول واذا زعلان مني لك العتبىواعتذر اذا اخطاءت في شي .

........................................................................

أخونا عبد العظيم ..... أنا كدا ... مهمتي إنتهت ... رغم أنو ما في واحد كلفني بها .... أنا كان هدفي ... أنو يرجع .. بأسرع طريقة ..... وطبعا ً أنا عارف أسرع حاجة ... ترجعوا بها .... هي (تجيب ليهو سيرة البحر) ... سيرة الزعيم .... والإنتقال من الهلال إلى المريخ .... وهلما جرا ... الهلال بالنسبة ليهو مبدأ وفكر .... كبقية مبادئه ...

أقول لأخونا ود القاضي ... ترجع بالسلامة ... وبلغ تحياتنا .. لناس بورتسودات فرداً .... فرداً ..

التحية والتقدير للأخوان عبد العظيم ومدثر والدكتور مرتضى واوي .... ودام الجميع إنشاء الله في رعاية الله

اخي مدثر القاضي لك التحية وعودا حميدا نورت المنتدى نور (هلال اكتمل بدرا ) ورغم محاولة اخونا ( قريب) تحويلك للمريريخ ولكن كنت عارف من يتذوق حب الازرق لن يبدلة ابدا لان لون الدم مابيتحب ابدا وعارفك ان اكره حاجة عندك ثلاثة (السيخ ـــ والفسيخ ــــ والمريخ ) رغم سيخ دي بتلحقنا براس الصوت .
وبعدين تعال هنا انت قلت كنت في بورتسودان يعني حقو يرشوك باللبن انت جاي من ارض مباركة واكيد كنت مع (ابو توسل ) صلاح القاضي واحمد عمر وخالد كمبيشي (ابوزيد ) دا اخطر ثلاثي في الدنيا وديل عايزين نسلجلهم دفعة واحد في خط هجوم الهلال السنة الجاية واكيد البرير ارسلك تتفاوض معهم .... وبعدين اكيد ودوك الرابطة ودخلوك الفيس بوك (الحريق ) والله مشتاق لهم جدا وانشاء الله يكونوا بخير وطبعا ودوك السقالة وديم عرب واكيد حتكون شوفت الكورنيش الجميل والطرق والنظافة في الشوراع بس ادعي لودنا محمد طاهر ايلا والحكومة عايزة تعملوه الوالي المحترف تعيرة لكل ولاية شوية ...... وطبعا البعوضة حاتكون ضيفتك شوية بس في الشتاء بس في الربيع ؟؟؟؟؟؟؟؟؟؟ مافي .

اخونا قريب نحن عندنا نييه نحولك معانا عشان السنة دي سنذهب بعيدا في كاس افريقيا الابطال بعد المدرب القدير غازيتوا مش ذي الاحمر الفضفاض يطلع من قولت تييت واحسن لك لون البحر والسماء خليك من ناس قريعتي راحت ديل .

اخونا مرتضي وصل المنتدي السياسي الله يستر وبالمناسبة نقطك .......... من غير كتابة دي لها معني ذي قبل كدة قالوا واحد وجدوه ناس الامن يوزع ورق فاضي في موقف مدني للناس وبعيدن الناس قالوا له دي شنو قال لهم دي منشورات قالوا له لماذا فاضية قال لهم هي بعد دا محتاجة كتابة ما كل شي بقي واضح ؟؟؟؟؟؟؟
الاخوة مدثر مرتضى وقريب انتو الثلاثة معارضة الله يعني عليكم وانا لوحدي بعد كدا اشوف لي محترف اسجلة معاي يساعدني عليكم بس خائفة يطلع ماسورة ذي اوارغوا والمشكة "يا قريب" مدثر مرتضي معاي نلتقي في الازرق الجميل لكن انت احمر في الرياضة والسياسة يعني حاجة كدة نقول تشفع لك مافي يعني نقيم الحد على طول .

اخوكم / عبد العظبم محمد

الاخ قريب وبا قريبي والله مداخلاتك دمها خفيف وظلها خفيف وشكلها ظريف والواحد يتمنى ما يصل لاخر سطر فيها ..... اما بطاقتنا اذا عايز تغيرها ببطاقة مدثر ومرتضى حايغيروها لك بطاقة تمويل السكر بالوقية والزيت بربع الرطل والقمح بربع القيراط وهلماجرااااا اخير لك احتفظ ببطاقتنا اذا ما خفضت لك الضرائب تحاجج بها يوم القيامة امام الله .... وبعدين مدربنا (غارزيتو ) الما عاجبكم اسمه دا حاتجروا وراه في يوم من الايام انتو اصلوا قاعد تشيلوا عقابنا في اي حاجة ذي المدرب البرازيلي ريكاردو وناس كلتشي وطمبل وهلماجراااا
اما استفسارك عن عبارة السيخ والفسيخ والمريخ ...... السيخ طبعا المعاضة متهمين جماعتنا في الجامعات باستخدامهم السيخ ولذا اصبحوا يرمزون لهم به وطبعا يريدون ان يلصقوا تهمة الارهاب بنا وهي صفة ذميمة اما الفسيخ طبعا رئحته عفنة وكريهه ... اما المريخ طبعا .............................؟؟؟؟ انت ادرى به ولذلك كان وجه الشبة بينهم الثلاثة .
واما تحولك للهلال ما اظن انا شفتك السنة قبل الماضية في البلد لما فرحت وعاوز تطير من الفرح بخروج الهلال امام الصفاقص التونسي وطبعا ساندك الوجية عبد المنعم احمدون وطبعا اتريقتوا علي لاني سافرت من البلد مخصوص احضر الكورة ورجعت حزين ......وبالمناسبة انا عايز عبد المنعم لاعب محلي في السياسة لناس مدثر يمكن يكون ذي كاريكا هداف طبعا هو في السياسة معانا بس في الرياضة احمر ويعني فيه حسنات مش ذي ناس ؟؟؟؟؟؟؟؟؟
اخونا مدثر لك التحية وانت تذكرني باجواء البورت الجميلة ...اما (حلبيي ) اتور سعيد والله كلامك صاح اذا استلم المنتدى الرياضي ما اظن واحد بيقدر ينزل له حرف بالاحمر وعلى فكرة انا بديت ابني بيت بورتسودان قبل بيت الخرطوم عشان اجتماعياتهم الجميلة فعلا يوم الجمعة الفطور كل الناس يفطروا في الرابطة ويتلاقوا التاس كلهم مع بغض واحد يجيب قراصة بالملوحة وثاني بالبامية والويكة وتجد كل الاكلات اللذيذة .

اما حديثك عن الازرق انشاء الله الستة دي يمشو كويس اذا اخلص الاداريين النواية وانا بس خائف من الارهاق الشديد لان معظم لاعبي الهلال في المنتخب وكاس الامم الافريقية وبعدها طوالي حايجوا المعسكرات والمواصلة في رابطة الابطال والدوري ويكون اصلا ما ارتاحوا وخاصة هم بيستمروا لقدام المجموعات والمربع الذهبي مش ذي الجماعة الطيبين من( قولت تييت) يطلعوا بس قريب ما يزعل .

اخي فالنترك هذة الصفحة للدردشة واستراحة ما دام واصلنا فيها الخواطر من غير قصد وهي في المنتدى السياسي . اخونا مرتضى اظهر وبان لك الامان ما مشكلة شتمنا شوية نحن خرجنا كبير يشيل كل شي ولا يمكن معانا المعلومة الجاتني مغلوطة نبقى انا وانت ... وقريب ومدثر بس بيني وبينك الثناي دا خطير ما محتاجين ثالث .

ولكم التحية جميعا وحقا لو في اجمل عمل قدمة المنتدى هو ان جمعنا مع بعض والله يدم المحبة والخوة بيننا .