زولة تفتح الروح ضلفتين..!
2 مشترك
صفحة 1 من اصل 1
زولة تفتح الروح ضلفتين..!
زولة
تفتح الروح ضلفتين
تخشك وتمرقك
عــــــادي
تخشك وتمرقك
ما بتقفل الباب من وراها
بل تساسق بين شفقتك وحرقتك
ما بتأذنك
ما روحها نفاج غربتك
هي البنية الساكنة أسرار فكرتك
هي الشايلة حســـــك وسترتك
زولة كما النورس تجــي
تنزل شواطي الإلفة والزمن الشفيف
وأنا زي مكتف في الرصيف
مربوط على حبل السفن
في الضلمة والليل المخيف
بتجيني تدخلني وتقيف
شرشرت تيبان السكات
على أرض رويانة وخريف
زولة بتعرف تدخلك
وتقفلك وتغفلك
تقعد على ناصية هواك وتشغلك
وإنت بتحنس غمام كي تجعلك مطرة ودعاش
طاير تحلق في السماء وأرضك فراش
هذا الفــراش بيطير على نضرة رحيقا
وخدرتا
ومحبتا أو ضحكتا وسخريتا
وتقعد تهضرب ياولد من حمتا
لو تسألك وتحلفك في ذمتك أو ذمتا
وإلى متى هذا الجنون وإلى متى
كل التفاصيل لمـــتا
هذي البنية قد أتت
وإنت ذاتك كالورق
كيف تنجو إنت من ذاك الغرق
من ذكرياتك تنجو وين
وين مهـربك من دفترك
من مظهرك من جوهرك
من حرقة الجـوف والعـــرق
هـذي البنية تفتح الروح ضلفتين
وعلى ضفتين
في نهر أحزان الزمن
تقعد تلًوِح باليــدين
تفتح الروح ضلفتين
تخشك وتمرقك
عــــــادي
تخشك وتمرقك
ما بتقفل الباب من وراها
بل تساسق بين شفقتك وحرقتك
ما بتأذنك
ما روحها نفاج غربتك
هي البنية الساكنة أسرار فكرتك
هي الشايلة حســـــك وسترتك
زولة كما النورس تجــي
تنزل شواطي الإلفة والزمن الشفيف
وأنا زي مكتف في الرصيف
مربوط على حبل السفن
في الضلمة والليل المخيف
بتجيني تدخلني وتقيف
شرشرت تيبان السكات
على أرض رويانة وخريف
زولة بتعرف تدخلك
وتقفلك وتغفلك
تقعد على ناصية هواك وتشغلك
وإنت بتحنس غمام كي تجعلك مطرة ودعاش
طاير تحلق في السماء وأرضك فراش
هذا الفــراش بيطير على نضرة رحيقا
وخدرتا
ومحبتا أو ضحكتا وسخريتا
وتقعد تهضرب ياولد من حمتا
لو تسألك وتحلفك في ذمتك أو ذمتا
وإلى متى هذا الجنون وإلى متى
كل التفاصيل لمـــتا
هذي البنية قد أتت
وإنت ذاتك كالورق
كيف تنجو إنت من ذاك الغرق
من ذكرياتك تنجو وين
وين مهـربك من دفترك
من مظهرك من جوهرك
من حرقة الجـوف والعـــرق
هـذي البنية تفتح الروح ضلفتين
وعلى ضفتين
في نهر أحزان الزمن
تقعد تلًوِح باليــدين
مدثر القاضي- عدد المساهمات : 91
تاريخ التسجيل : 20/09/2011
العمر : 35
الموقع : m.algady 1001@ yahoo
ياسلام ياود القاضي
ياسلام عليك ياود القاضي لكن ان شاالله لقيت الزوله البتفتح الباب ضلفه واحده بس خليك من ضلفتين لكن القصيده رائعه روعه جمال حسن سعيد مع تحياتي وبرضو نحنا بالقليل منك بنرضي ياعثل
محمد حسن محمد- عدد المساهمات : 80
تاريخ التسجيل : 13/04/2011
العمر : 51
الموقع : الرياض
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى