أنا ما بعترف بالقراريش

اذهب الى الأسفل

أنا ما بعترف بالقراريش

مُساهمة  محمود علي محمود في الإثنين أكتوبر 24, 2011 12:02 pm

بصراحه أكون قراشي او من اي قبيلة تانية ما كانت شاغله بالي كتير الا لما الشباب حركو الموضوع في المنتدى صبركم شوية واسمعوا الحكاية كان يا ما كان.....ده منو يا جدي ..ده حمزة حمد قنديل ما بعرفوا يا جدي...ده ابو عادل معاكم هناك في الرياض..وده منو يا جدي...ده سعيد ود فرح ما سمعت بيهو يا جدي ...ده اخو عادل محمد علي فرح وولد عم مصطفي وعبدالله ...ايوه ودي منو يا جدي..دي بت جلال الله يرحمه ما بعرفوا يا جدي...أختها معاكم هناك ونسايب محمد حسن ..خلاص عرفتهم يا جدي..وهكذا ربط الناس هناك بالناس هنا ورغم إني ما شفته الدوم ولا بعرف القراريش اصل بلادهم وين .....بس كفاية أعرف رجال بهامات أحمد أدريس عبيدون ... وخالو ود رحمة ...والحمري...ومحمد حسن ..ومصطفي ود فرح وكل الموجودييييييييين واحد واحد كبار وصغار ...رجال بمعني الكلمة ولو القراريش وناس الدوم كده افتخر إني قراشي ومن الدوم ولما نكون في الاستراحة كنت بحس إني في وطني وسط أعمامي وخالاتي أشوف عمار ..محمد عبيدون ...أياد...أحمد مبارك...فريد ......بلعبوا ومبسوطييين احساس جميل لانهم أهلي وياريت لو سميناها بدل الاستراحة "القنصلية" او "السفارة" او "حته من بلدي"لانها في اللحظات دي هي بتاعتنا ووطنا والوطن هو الناس..والحبايب..يكفيني من القراريش ومن الدوم ناس الحًارة المعاي ما أحلي لمتهم في رمضان ويا ريت لوكل الشهور "رمضان"..ما تقولو فلاتي...ولمتهم في الاستراحة احساس مختلف ........عذراً لو القراريش بختلفوا عن كده بصراحه ما بفتخر بيهم ما أحلاكم أهلي الطيبين ليكم تعظيم سلام كل الحب والتقدير ......وافتخر إني قراشي ومن الدوووووووم .......... عووووووووووووك أنا محمود Smile Smile Smile Smile ...مش ابو محمود

محمود علي محمود

عدد المساهمات : 10
تاريخ التسجيل : 21/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

حته من بلدي

مُساهمة  محمد حسن محمد في الثلاثاء أكتوبر 25, 2011 2:23 am

الله عليك ياحوده وفعلا تسلم البطن الجابتك والله دي اجمل مساهمه في هذا المنتدي منذ افتتاحه ولاول مره نحس نحن لجنه جمعيه الدوم بان مجهدواتنا في لم الشمل ببرنامج استراحه حته من بلدي(اسمح لي اسرق منك الاسم ده) صدقني نحن نحس بان مجهوداتنا لم تذهب هباء منثورا وقد كان هذا هو المقصد بان تعرف اهلك وتتعرف عليهم في جو اسري رائع اما لمه رمضان فقد كنتم انتم المكسب الحقيقي فيها وختاما عايزين منك مساهمات ومساهمات كثيره وربنا يخليك لينا احنا وبعدين يخليك لوالديك بس عندي ملحوظه صغيره ثاني ماتسال جدك لانو ودرحمه لو جنبو صحن سمك ممكن يديك معلومه خاطئه
كسره........
هاهم صغارنا قد فهمو وادركو معني ان نكون مجتمعين متماسكين مع بعضنا البعض الي متي سنظل نحن الصغار بخلافتنا الساذجه؟.. ومتي سنترفع عن الصغائر ؟..والي متي سيكون كبارنا هم صغارنا؟.. ولله درك يامحمود في هذا الدرس الذي جعلتنا فيه فعلا صغار صغار صغار
كسرة اخيره
سوف تتم حمايه محمود داخل المسبح طيله ايام العيد من قبلي وكل من يقترب منه لاغراقه سوف اتصدي له شخصيا خلي علاء الدين وعمار ومحمد يشيلو شيلتهم


عدل سابقا من قبل محمد حسن محمد في الثلاثاء أكتوبر 25, 2011 1:58 pm عدل 1 مرات

محمد حسن محمد

عدد المساهمات : 80
تاريخ التسجيل : 13/04/2011
العمر : 45
الموقع : الرياض

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أنا ما بعترف بالقراريش

مُساهمة  قريب محمد راجع في الثلاثاء أكتوبر 25, 2011 3:32 am

الولد دا (خطير) ... ورائع .... والله ده كلام زول عااااااااااااااااقل .. ووااااااعي... زي ما قال أخونا محمد حسن .. أنا كنت قايل .. ال بنثر الدرر دا هو على محمود ...لو ما قال ... عووووووووووووك أنا محمود مش أبو محمود ... والله الكلام ده حتى لو قالوا على محمود ذاتو .. كلام أكثر من رائع كم إنت كبيييييييييييييييير يا صغيرنا ...محمود .... فكرك عالي ... ووعيك راقي ... وكمان أسلوك .. شئ تاني ... سهل ممتنع ... وإنت كاتب كيييير وخطير ..

وبقول ليك يا إبني ..إنت صح ... وكلامك صح .... وواقف في المكان الصح .... وإنشاء الله تلقى العالم كلو حولك صح .... قدرت ترسم لينا صوره واضحه في فرق بين عصبية القبلية وبين حبك وإهتمامك بي أهلك وأرحامك وأحبابك ..في أسلوب بسيط وسهل وممتع وإنت والله قمة في الوعي ... وإنت أثبت لينا أنو الجيل الجديد ..ليس هو سطحي ... وقليل الثقافة والوعي .... بل أوعى مننا بكتتتتتتتتتتتتتتتتتتتتتتتتتتير .... تسلم وتسلم البطن الجابتك ....

كسرة محمد حسن .... والله يا خونا محمد حسن إنت كمان مداخلتك رائعه جداً ... في العمق ... وبرضو إثبت لينا أنو الجيل الثاني ... يتمتع بقدر كبير والثفاقة والوعي ... وبعدين ... أنا بقول الكلام ده مش عشان تجينا في المريخ ... حقيقي كلام في الصميم ... وكمان قدرت تخلق منها دعوة لتكريم الإبن محمود .. لكن بيني وبينك ... تحميه في المسبح بس مش كفاية .... أنا بضيف أنو يأخذ جائرة .وكمان أدعو شاعرنا المبدع أحمد أدريس يقول فيه شعر .... تكريماً له .. وتشجيعاً للأخرين ..

التحية ليك يا محمود .. وربنا يحميك ويحمي أمك وأبوك ... في أمان الله ...

قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

دي شهادة ..وبعتز بيها

مُساهمة  محمود علي محمود في الأحد أكتوبر 30, 2011 1:15 am

) بشكركم كتييييير عمو محمد حسن وعمو قريب ودي شهادة بعتز بيها إنتوا فعلا نجحتوا في مشروع "حته من بلدي" حتى ما لاقي كلام اعبر بيهوا ليكم .....شكرا للحماية والحصانة عمو محمد وعمو قريب عرفنا شخصيتك من خلال كتاباتك ...جيلنا فعلا تعبان ثقافيا لانكم حسب ما بسمع من أبوي كنتوا في الثانوية بتعملوا جرائد حائطية نحن وين ....وأنتوا وين ... شكرا لتشجعكم لي Smile Smile Smile

محمود علي محمود

عدد المساهمات : 10
تاريخ التسجيل : 21/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى