العيد عيدين و الكاس كاسيين

اذهب الى الأسفل

العيد عيدين و الكاس كاسيين

مُساهمة  كرار أبدول في الإثنين نوفمبر 07, 2011 4:00 am


تخلف المريخ عن مواجهة الهلال، مساء الجمعة باستاد الخرطوم في نهائي كأس السودان، تنفيذاً لقرار الانسحاب الذي اتخذه مجلس الإدارة، اعتراضاً على عدم تأجيل اللقاء، ليعلن حكم المباراة، عن نهايتها في وجود لاعبي الهلال بمنتصف الملعب، وبعد مرور 15 دقيقة من اطلاق صافرة بداية اللقاء، مما يمنح الأزرق لقب البطولة للمرة السادسة في تاريخه، لكنه يبقى في انتظار التتويج الرسمي بواسطة الاتحاد السوداني الذي سينظر في تخلف المريخ عن المباراة وإصدار القرار المتوقع بإعلان الهلال بطلاً لكأس السودان، بعد فوزه على المريخ بالانسحاب 2/صفر،حسب قانون المنافسة.

وكانت الأيام الماضية شهدت أزمه ساخنة بين المريخ والاتحاد السوداني، بعد أن طالب المريخ بأداء مباراة نهائي الكأس في خاتمة الموسم، كما يحدث كل عام، لكن الاتحاد العام تمسك بالموعد المحدد للقاء ورفض التأجيل، مما كان سبباً في الانسحاب.

وجرت مراسم المباراة وفق الترتيبات الإدارية والفنية، بحضور طاقم التحكيم ونزول لاعبي الهلال إلى ارض الملعب، وبعد منح المريخ الفترة الزمنية القانونية دون حضوره إلى الملعب، أعلن الحكم بدر الدين عبد القادر نهاية المباراة، لتعم الفرحة أوساط لاعبي وإدارة الهلال التي حضرت بقيادة رئيس النادي، الأمين البرير إلى الاستاد، وتبادل اللاعبون مع الجهازين الإداري والفني تهاني الجماهير، التي دخلت الاستاد مجاناً، خوفاً من ثورة الجمهور خاصة أن المريخ كان متمكساً بقرار انسحابه المعروف للجميع.

وإرضاء للجماهير الزرقاء التي حضرت للاستاد، أدى إلى أن يؤدي الهلال تقسيمة داخلية.

وقال تاج السر عباس رئيس اللجنة المنظمة للمباراة، سكرتير اتحاد الخرطوم، إن المباراة من ناحية قانونية اكتملت لكن قرار تتويج الهلال ببطولة كأس السودان، من اختصاص اللجنة المنظمة، ذاكراً أن اللجنة ستنظر في تقريري حكم ومراقب اللقاء وبعد ذلك تصدر قراراتها عقب عطلة عيد الأضحى المبارك، وتوقعت مصادر مطلعة أن تكون هناك عقوبات رادعة ضد المريخ.
و انشاء الله يحصل مرة تانية في كاس الممتاز
قولوا آمين حتي يصبح الكاس كاسين(دوري و كاس حرام يا ناي) والعيد عيدين(عيدالأضحي و عيد الكاس)
avatar
كرار أبدول

عدد المساهمات : 3
تاريخ التسجيل : 24/10/2011
العمر : 24

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: العيد عيدين و الكاس كاسيين

مُساهمة  مدثر القاضي في الإثنين نوفمبر 07, 2011 6:48 am

لك التحية ود ابدول
وكل سنة والجميع بالف خير وتحية لسيد البلد الجمل العيد وخلاهو فرحتين علي قولك
ويا وصيفاب والله عملتوها شينة ودا ما من شيم الزعيم لا كيفن تشردو يعني ؟؟ انا الكلام دا ما واقع لي
عرفنا مالك عقار هرب ليه بس انتو الحاصل شنو اصو والله نحنا كان للدرجة دي بنخلي الكورة نحنا ما بنخوف والله للدرجة دي ولا شنو ابدول
قالو بي ياسين ما دايرين ...
فريق معتمد علي اتنين بس مزمل ابو الفاشل والحضري...
والعجب العجيب ودا خاص وجديد حصريا لي منتدي الدوم
قالو جمال الوالي مشي لي الرئيس قال ليهو الكلام دا كيف تاجيل المباراة وكدا يا ريس
قام رد ليهو وياريتو ما رد (دقيت ليهو ما رد يرن جوالو بي شدة ****برضو حبيبي ما رد**** حبيبي غريب وطبعو عجيب ويوم اتمادي في التعزيب)
كسفو كسفة شينة وطردو وقال ليهو انا مابخش في الكلام دا وطوالي ضرب ووصي الاتحاد بحسم الفوضي في الرياضة
دا حال دا يا وصيفاب؟؟؟
اخيرا نتمني ليكم الممتاذ بس عشن ما تموتو كمت وتجيكم طامة والفريق يتشلع
قايتو يا ناس عيدكم مبارك والخراف تتعارك والمريخ الوصيف هرب ماشارك
تحياتي.....
المريخ شرد، من بدري هادي فعالو
من سنوات خلت حال زيكو كان زي حالو
شال الكورة مارق اب جريشة أوحالو
لا البدري الأفاد،لا جاب نفع باسكالو




استسلمنا خلاص lol!
avatar
مدثر القاضي

عدد المساهمات : 91
تاريخ التسجيل : 20/09/2011
العمر : 29
الموقع : m.algady 1001@ yahoo

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: العيد عيدين و الكاس كاسيين

مُساهمة  مدثر القاضي في الثلاثاء نوفمبر 08, 2011 6:59 am

فريق الدلاقين
Laughing Laughing Laughing

دلاقيييييييييين
Very Happy Very Happy رايك شنو ياعبد العظيم
avatar
مدثر القاضي

عدد المساهمات : 91
تاريخ التسجيل : 20/09/2011
العمر : 29
الموقع : m.algady 1001@ yahoo

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: العيد عيدين و الكاس كاسيين

مُساهمة  قريب محمد راجع في السبت نوفمبر 12, 2011 7:38 am

ولدنا كرار آبدول .... لك التحية ولكل أهلنا في الدروشاب التحية .... ونشكرك على موضوعك ... والمعلومات التي ذكرتها كوووووولها صحيحة.... صحيح أنو المريخ .. خرخر .. والهلال وجمهورو طاروا من الفرح ... وصحيح إنو إتحاد (الهلال) .. آسف أقصد إتحاد (الكرة) ... حاول يرضي الهلال .. لأنو... زعلان من غلب الترجي ... وكمان ليهو زمن ما شايف (كاس)... ده كلو كلام مفهوم ..
لكن ليه .. إنت تتمنى أنو ده يحصل مرة ثانية في كأس الممتاز .... يعنى عاوزين تاني كمان ...إتحاد الكرة (الهلال) ... يدي الهلال كأس .... ملح ... سااااااكت كدا ... وعلى كدا عيدكم.. ما عيدين ... 3 أعياد... عيد الأضحي ... وعيد (كاس حرام ياناس) ملح .... وعيد كاس (الدوري) ملح برضو...)

يا إبنى .. أنا بقول ليك آمين ربنا يجعل كل أيام أعياد...

أخونا ود القاضي .. كل سنة وإنت طيب ... العيد مبارك .. أيه دا .. إنت شاعر ونحن ما عارفين..... كلامك كلو شعر .. الكاس (الملح ) دا خلاك تتكلم شعر .... ولا شنو ...

وبعدين ياخي .. مالك عقار دا هرب .. رغم أنو معاهو .. الإتحاد الدولي والأمم المتحده وأمريكا كمان ... والهلال معاهو .. إتحاد الكره ... والإتحاد المحلي ... والزعيم ما معاهو أي زول ... يعني كدا الحكاية ... ما موزونه ... رغم دا كلو ... نحن ما (كبينا الزوغة) .. نحن بس .. قلنا ... إنو الهلال جاي .. من هناك .... من (الترجي) ... وغلبان ... قلنا نديهو كاس (ملح) ... عشان ما يموت من الزعل...

والعجب ما لو كمان ... العجب زي العجب .. أسأل زكريا ... قول ليهو ... (يا زكريا ...العجب ..كيف)... وبعدين إنت يا ود القاضي ما عارف الحكاية .. البشير طرد جمال الوالي لأنو .. ناس إتحاد الهلال (الكرة) ... غشوا البشير ... قالوا ليهو .. جمال الوالي مع مالك عقار ...

يعني يا ود القاضي ... دا جزاء .. الزعيم (فريق الدلاقين)... فعلا المثل بقول ( خيراً تعمل شراً تلقى) ... يعني عشان الزعيم أداكم (كاس بدون سكر) ... تدونا طقم الدلاقين القديمة ده ... وبعدين في حاجة ناقصة في (طقم الدلاقين) ده سحبتوها مخصوص ...الحضري ليه ما لاباس (حجاب)... عشان تقدروا تسجلوا أهداف؟؟؟ رجعوا لينا الحجاب بتاع الحضري لو سمحتوا ........ شوف أنا بقوليك حاجة.... إنت عارف يا ود القاضي ...العجب دا بضحك وفرحان ليه ؟؟؟. عشان عارف أنو المريخ عندو (طقم دلاقين) ..... والهلال (الدلاقين ) ده زاااااااتا ... ماعندو ... شفت العجب كيف ...

وفي الختام يا ناس الهلال .. كدا .. إنتو إتفقوا على أمنية واحده .. كرار آبدول قال ... (إنشاء الله يحصل مرة تانية في كاس الممتاز) يعني الهلال يأخذ الكاس ملح ..مرة ثانية ..و ود القاضي .. قال (نتمني للمريخ الممتاز بس عشان ما تموتو كمد)... إنتو قولوا لينا أمنية واحدة .. عشان نقدر نقول آمين...

لكن أنا إتمني حاجة واحدة بس أن تكونوا إنتهم وجميع المسملين بخير وصحة وعافية وكل سنة وإنتم طيبين ... وفي أمان الله ...

قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى