كلمات لها إيقاع ...
3 مشترك
صفحة 1 من اصل 1
كلمات لها إيقاع ...
مساهمة غير ... تغيير شوية من جو السياسة .. والرياضة ...
(لا تستح من إعطاء القليل .... فإن الحرمان أقل منه)
سيدنا على إبن أبي طالب
هو ... أبو الحسن علي بن أبي طالب ابن عم محمد بن عبد الله نبي الإسلام وصهره، من آل بيته، وأحد أصحابه، هو رابع الخلفاء الراشدين عند السنة وأوّل الأئمّة عند الشيعة.
-------------------------------
(لا أخشى على الإنسان الذي يفكر وإن ضل لآنه سيعود للحق .... لكني أخشى على الإنسان الذي لا يفكر وإن إهتدى، لإنه سيكون كالقشة في مهب الريح...)
الشيخ محمد الغزالي
هو ... محمد الغزالي أحمد السقا : عالم ومفكر إسلامي مصري.يعتبر الغزالي أحد دعاة الفكر الإسلامي في العصر الحديث، عرف عنه تجديده في الفكر الإسلامي وكونه من "المناهضين للتشدد والغلو في الدين" سببت انتقادات الغزالي للأنظمة الحاكمة في العالم الإسلامي العديد من المشاكل له سواء أثناء إقامته في مصر أو في السعودية.
-----------------------------------
(الأوروبيين ليسوا أذكى منا ... ولكنهم يقفون ويدعمون الفاشل حتى ينجح....أما نحن فنحارب في الناجح حتى يفشل ..... )
أحمد زويل
هو ... الدكتور /أحمد حسن زويل عالم كيميائي مصري و أمريكي الجنسية حاصل على جائزة نوبل في الكيمياء لسنة 1999 لابحاثه في مجال الفيمتو ثانية . وهو أستاذ الكيمياء وأستاذ الفيزياء في معهد كاليفورنيا للتكنولوجيا.
-------------------------------
(الله لا يمكن أن يعطينا عقولاً ..... ويعطينا شرائع مخالفة لها .... )
إبن رشد الأندلسي
هو ... محمد بن أحمد بن محمد بن رشد الأندلسي وكنيته أبو الوليد
ولد في قرطبة هو فيلسوف، وطبيب، وفقيه، وقاضي، وفلكي، وفيزيائي مسلم. ودرس الفقه على المذهب المالكي والعقيدة على المذهب الأشعري[6]. يعد ابن رشد من أهم فلاسفة الإسلام.
----------------------------
(إذا أحس أحد أنه لم يخطأ أبداً في حياته ..... فهذا يعنى أنه لم يجرب أي جديد في حياته .....)
إينشتاين
هو.... ألبرت أينشتاين ألماني سويسري امريكي الجنسية، احد اهم العلماء في الفيزياء. يشتهر بأبو النسبية كونه واضع النظرية النسبية الخاصة و النظرية النسبية العامة الشهيرتين اللتان كانت اللبنة الأولى للفيزياء النظرية الحديثة ، حاز في العام 1921 على جائزة نوبل في الفيزياء عام 1921م.
--------------------------------------
(الجميع يفكر في تغيير العالم .... ولكن لا أحد يفكر في تغيير نفسه)
ليو تولستوي
هو.... ليف نيكولايافيتش تولستوي : من أعمدة الأدب الروسي وتعتبر من أعظم الروائيين على الإطلاق. أشهر أعماله روايتي " الحرب والسلام" و "أنا كارنينا" وهما يتربعان على قمة الأدب الواقعي ، فهما يعطيان صورة واقعية للحياة الروسية في تلك الحقبة الزمنية.
---------------------------
(إذا إيقظت أحداً من نوم عميق ... دعه يرتاح قليلاً ... ثم أطلب منه أداء عمل آخر )
علي تلول
هو.... علي محمد علي جمال محمد موسى .. الشهير ب(علي تلول) ... من مواليد قرية الدوم ... من أشهر .. أقواله ... ( كيف صبي زي دا يركب الحمار عِرا) .... مرة طُلب منه أن يركب الحمار لكن بدون سرج .... إستنكر .. ذلك و (خرخر شوية) .. قال مقولته المشهورة .. .
طبعا الحكمة السابقة بتصرف مني أنا ... والحكمة الحقيقية هي ( وكت تصحوا الزول من النوم ... خلوه يتجم شوية ) .... وعلى تلول كلامو صحيح ... لأنو إحتمال يكون ... كان شغال في المنام ... ووكت صحا ... كان يا دوب .. وقف الشغل ... عشان كدا .. عاوز يرتاح شوية ....
تحية خاصة جداً إبن خالي .. علي تلول ... والتحية موصولة للأخوان أحمد وعبود وجميع الأخوان ...... في أمان الله
قريب محمد راجع- عدد المساهمات : 204
تاريخ التسجيل : 19/10/2011
رد لصاحب الائقاع
اخيرا لا سياسة ولا كوره
كاد المنتدي ان يكون قبة البرلمان ولكن حقيقة الشباب ما قصرو الرشيد وعبدالعظيم والقاضاب وعباس كان لاعب دور الحجاز على فكره انا اتصفح المنتدي كل يوم
على تلول كان بالطبع جارنا وايضا قريبنا وكان عنده حمارة لكن ماكان عنده سرج يعنى كان يركب الحمارة عره بكسر العين وهذا كان في السبعينات وفى الزمن داك السرج كان من الترف يعني ما اي زول عنده حمار عنده سرج علي تلول طلب من حبوبته بت ابزيد ان تشتري له سرج الله يرحمها آمين طبعا ابت وحينها قال علي قولته المشهوره
انا إستقرب صبي ذي دا يركب الحماره عره
ولي عودة مع بقية المشاركة وشكرا للاخ عباس علي هذه المشاركة القيمة والرائعة
كاد المنتدي ان يكون قبة البرلمان ولكن حقيقة الشباب ما قصرو الرشيد وعبدالعظيم والقاضاب وعباس كان لاعب دور الحجاز على فكره انا اتصفح المنتدي كل يوم
على تلول كان بالطبع جارنا وايضا قريبنا وكان عنده حمارة لكن ماكان عنده سرج يعنى كان يركب الحمارة عره بكسر العين وهذا كان في السبعينات وفى الزمن داك السرج كان من الترف يعني ما اي زول عنده حمار عنده سرج علي تلول طلب من حبوبته بت ابزيد ان تشتري له سرج الله يرحمها آمين طبعا ابت وحينها قال علي قولته المشهوره
انا إستقرب صبي ذي دا يركب الحماره عره
ولي عودة مع بقية المشاركة وشكرا للاخ عباس علي هذه المشاركة القيمة والرائعة
عبد الرحمن محمد على خليفة- عدد المساهمات : 14
تاريخ التسجيل : 02/10/2011
رد: كلمات لها إيقاع ...
الاخ عبود لك التحية وانت تطول علينا من نافذة ليس فيها زعل (لا كورة ـــ ولا سياسة ) وبعدين ياخي كان تكتب اسم الشهرة (عبود ) عشان نعرفك قيل ان نعرف علي تلول لان بصراحة ما عرفتك إلا اتصلت على صديق مستخدما احد الفرص الثلاثة (كما في برنامج من سيربح المليون ــ جورج قرداحي ) اتصلت ب عبد المنعم احمدون وطبعا العم محمد علي خليفة الله يرحمة معروف بس جهجهتنا ب عبد الرحمن دي وبعدين موضوع علي تلول رغم انه يقرب لي خالي بس والله ماكنت عارف اسمة بالكامل .
اما مشاركتك الظريفة اكدت لي ان خفة الدم الفي عباس ما من كراسة بل الحكاية ورثة وبعدين طبعا من حكاوي الاستاذ محمد احمدون (خرخرة ) قصصة عنك والمواقف الظريفة ايام اللفلفة والهم الفاضي الكورة تاكد انك موسعة نتمنى ان يكون لنا نصيب منها في المنتدى و ذي ما قلت نخرج من الجو المشحون في السياسة والرياضة نوعا ما
اما مشاركتك الظريفة اكدت لي ان خفة الدم الفي عباس ما من كراسة بل الحكاية ورثة وبعدين طبعا من حكاوي الاستاذ محمد احمدون (خرخرة ) قصصة عنك والمواقف الظريفة ايام اللفلفة والهم الفاضي الكورة تاكد انك موسعة نتمنى ان يكون لنا نصيب منها في المنتدى و ذي ما قلت نخرج من الجو المشحون في السياسة والرياضة نوعا ما
عبد العظيم قسم الله- Admin
- عدد المساهمات : 298
تاريخ التسجيل : 13/04/2011
رد: كلمات لها إيقاع ...
والله يا أخونا عبد العظيم .... الفكرة هي ما خفة دم ولا حاجة ... كل ما في الأمر ... أنو فكرة المنتدي نفسها بالنسبة لي ..... هو عبارة مكان يتجمع فيه الأخوان ... عشان ما يشربوا الشاي.... ويدردشوا ..... ويتجاذبوا أطراف الحديث مع بعض ... زيو وزي أي مكان ... زي كورنيش جدة ... أو كورنيش الدمام ... أو كورنش الدوم ( رملة العبيد) ... أو أي (كرقة) في الدوم الناس ب يقعدوا فيها ويتونسوا ... وتكون حلقة تواصل بينهم ......
وبالتالي الدردشة والحديث في المنتدي ... يجب أن يأخذ طابع البساطة .. والروح المرحة ... مع توصيل المعلومة بطريقة وديه ... وبكثير من الروح الرياضية .... هذا هو مفهومي للمنتدى ... عشان كدا ... انا بتكلم ببساطة ......
وبالمناسبة دي ... أنا بشكر أخونا عبدالعظيم ... شكر كتير ... لأنو فتح لينا .... المنتدي (الكرقة) دي ... عشان نتلم فيها .. وندردش .... وطبعاً هي تعتبر نافذه لمعرفة أخبار الأهل .... وحلقة تواصل لجميع أهل الدوم في شتى بقاع الأرض .... ودا عمل كبير .. ما ساهل ...
نرجع للأخوان عبود وعلي تلول .... علاقة عبود قوية جدا مع أخونا علي تلول ... وعندهم ذكريات جميلة ....
أخونا عبود طلع للدينا .... وجد على تلول قدامو ... والدتنا (نورة ) الله يرحمها كانت تعاملو زي ولدها ... وبالتالي أصبح .. أخونا الأكبر ....
من طرائف الأخوان على تلول وعبود .... كان علي تلول يحب النوم جدا .. ما بحب زول يصحيهو من النوم ... جنن ... حبوبتا بت أبوزيد .. وكانت تستعين بي عبود عشان يصحيهو من النوم ... تقريبا بقي عبود موكل بهذه المهمة ...بقي يشوفو نايم وين .. ويصحيهو ...
وعلى تلول.. إستخدم أساليب مختلفة ... عشان ما يصحوه من النوم ..... أحياناً... كان يخلي العنقريب فاضي ... وينوم تحت العنقريب ... وأحياناً كان يخلي العنقريب كلو كلو ... وينوم وراء البيت ... أو تحت التمر ... عشان ما يعرفوا المكان النايم فيهو...
لكن أحسن حيله ... عملها على تلول عشان ما يصحوه من النوم .... ترك البيت كلو كلو ... بقي يمشي بيت جدنا عبد الله عبده .. كان فاضي ومقفول ... ينط بي فوق الحيطة ... ينوم في الحوش ... طبعا مافي أي زول يتوقع أن يكون نايم هناك .... بعد تعب شديد عبود كشف الحيلة دي ...
أما الأخوان عبود ومحمد أحمدون .... كانوا ثنائي عجيب .... أحسن نفرين ... يخرخوا في اللعب ... إذا كانت كورة .. ولا كتشينة .... والله عبود ... كان لو قلت لي زميلك في الكتشينه ألعب ... يدكها ... طبعا دا كان زمان ... أسع بقي (أنصار سنُه ) ....
من طرائف عبود ومحمد أحمدون ... مرة من المرات ... في الدوم .... مشوا يقلعوا (الجضول) ... جذوع الشجر ... من الغابات ... عشان يعملوها فحم .... لكن كان ممنوع .. وكانوا خايفين من الحرس ... عوض عبد الرحمن ....
ويلا ... كل واحد .. شاف ليهو (جضل) .. عشان يقلعوا ... فجأة طلعت لي محمد أحمدون... أرنب من تحت الجضل ....
محمد أحمدون خلي الجضل ... ورافع الفأس فوق ... و رقد جرى وراء الأرنب .....
بعدين عبود ... عاين وراهو ... شاف محمد أحمدون جاري .... خاف .... أفتكر أنو جاري من عوض عبدالرحمن ... .. يلا هو كمان ... قام جاري في إتجاه الدوم ....
بعدين محمد أحمدون ..... شاف عبود جاري ... هو برضو .... إفتكر أنو عبود جاري من عوض عبد الرحمن ... خلى سك الأرنب .... هو قام جاري في إتجاه الدوم ....
جرو لغاية ما فتروا .... وقعدوا في ظل تمر العوض ....
محمد أحمدون وهو (يناهج) ... سأل عبود .... إنت جاري ليه ؟؟؟؟ ....
عبود قال لي محمد أحمدون ... أنا شفتك إنت جاري ... وأنا كمان قمت جاري
محمد أحمدون .. قال لي عبود ... الله يقرفك ... أنا كنت ساكي أرنب ياخي ... ورجعوا البيت لا جضول ولا أرنب ....
التحية والسلام لجميع الأخوان ..... وتحية خاصة للعريس محمد أحمدون .. والأخوان عبود وعبد العظيم وعلى تلول وجميع الأهل .... في أمان الله
وبالتالي الدردشة والحديث في المنتدي ... يجب أن يأخذ طابع البساطة .. والروح المرحة ... مع توصيل المعلومة بطريقة وديه ... وبكثير من الروح الرياضية .... هذا هو مفهومي للمنتدى ... عشان كدا ... انا بتكلم ببساطة ......
وبالمناسبة دي ... أنا بشكر أخونا عبدالعظيم ... شكر كتير ... لأنو فتح لينا .... المنتدي (الكرقة) دي ... عشان نتلم فيها .. وندردش .... وطبعاً هي تعتبر نافذه لمعرفة أخبار الأهل .... وحلقة تواصل لجميع أهل الدوم في شتى بقاع الأرض .... ودا عمل كبير .. ما ساهل ...
نرجع للأخوان عبود وعلي تلول .... علاقة عبود قوية جدا مع أخونا علي تلول ... وعندهم ذكريات جميلة ....
أخونا عبود طلع للدينا .... وجد على تلول قدامو ... والدتنا (نورة ) الله يرحمها كانت تعاملو زي ولدها ... وبالتالي أصبح .. أخونا الأكبر ....
من طرائف الأخوان على تلول وعبود .... كان علي تلول يحب النوم جدا .. ما بحب زول يصحيهو من النوم ... جنن ... حبوبتا بت أبوزيد .. وكانت تستعين بي عبود عشان يصحيهو من النوم ... تقريبا بقي عبود موكل بهذه المهمة ...بقي يشوفو نايم وين .. ويصحيهو ...
وعلى تلول.. إستخدم أساليب مختلفة ... عشان ما يصحوه من النوم ..... أحياناً... كان يخلي العنقريب فاضي ... وينوم تحت العنقريب ... وأحياناً كان يخلي العنقريب كلو كلو ... وينوم وراء البيت ... أو تحت التمر ... عشان ما يعرفوا المكان النايم فيهو...
لكن أحسن حيله ... عملها على تلول عشان ما يصحوه من النوم .... ترك البيت كلو كلو ... بقي يمشي بيت جدنا عبد الله عبده .. كان فاضي ومقفول ... ينط بي فوق الحيطة ... ينوم في الحوش ... طبعا مافي أي زول يتوقع أن يكون نايم هناك .... بعد تعب شديد عبود كشف الحيلة دي ...
أما الأخوان عبود ومحمد أحمدون .... كانوا ثنائي عجيب .... أحسن نفرين ... يخرخوا في اللعب ... إذا كانت كورة .. ولا كتشينة .... والله عبود ... كان لو قلت لي زميلك في الكتشينه ألعب ... يدكها ... طبعا دا كان زمان ... أسع بقي (أنصار سنُه ) ....
من طرائف عبود ومحمد أحمدون ... مرة من المرات ... في الدوم .... مشوا يقلعوا (الجضول) ... جذوع الشجر ... من الغابات ... عشان يعملوها فحم .... لكن كان ممنوع .. وكانوا خايفين من الحرس ... عوض عبد الرحمن ....
ويلا ... كل واحد .. شاف ليهو (جضل) .. عشان يقلعوا ... فجأة طلعت لي محمد أحمدون... أرنب من تحت الجضل ....
محمد أحمدون خلي الجضل ... ورافع الفأس فوق ... و رقد جرى وراء الأرنب .....
بعدين عبود ... عاين وراهو ... شاف محمد أحمدون جاري .... خاف .... أفتكر أنو جاري من عوض عبدالرحمن ... .. يلا هو كمان ... قام جاري في إتجاه الدوم ....
بعدين محمد أحمدون ..... شاف عبود جاري ... هو برضو .... إفتكر أنو عبود جاري من عوض عبد الرحمن ... خلى سك الأرنب .... هو قام جاري في إتجاه الدوم ....
جرو لغاية ما فتروا .... وقعدوا في ظل تمر العوض ....
محمد أحمدون وهو (يناهج) ... سأل عبود .... إنت جاري ليه ؟؟؟؟ ....
عبود قال لي محمد أحمدون ... أنا شفتك إنت جاري ... وأنا كمان قمت جاري
محمد أحمدون .. قال لي عبود ... الله يقرفك ... أنا كنت ساكي أرنب ياخي ... ورجعوا البيت لا جضول ولا أرنب ....
التحية والسلام لجميع الأخوان ..... وتحية خاصة للعريس محمد أحمدون .. والأخوان عبود وعبد العظيم وعلى تلول وجميع الأهل .... في أمان الله
قريب محمد راجع- عدد المساهمات : 204
تاريخ التسجيل : 19/10/2011
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى