هذا الاسبوع هو اسبوع الثورة الشعبية والعصيان المدنى

استعرض الموضوع السابق استعرض الموضوع التالي اذهب الى الأسفل

هذا الاسبوع هو اسبوع الثورة الشعبية والعصيان المدنى

مُساهمة  الرشيد نمر في الأربعاء يونيو 20, 2012 4:29 pm

إذا الشعب يوماً أراد الحياة *** فلا بد أن يستجيب القدر
ولا بد لليل أن ينجلي *** ولا بد للقيد أن ينكـســــر
لقد كشفت ثورات الربيع العربي عن حقيقة الأنظمة الدكتاتورية المتسلطة في العالم العربي بأنها لم تكن سوى نمور جوفاء من ورق ترعب الشعوب بخوارها الذي لم يلبث أن يخمد تدريجياً مع تسارع انكماش تلك البالونات الجوفاء .
وها هي الشرارة قد انتقلت إلي السودان لتشعل ثورة عارمة تسقط عروش البقية الباقية من الطغاة الذين تجبروا في البلاد فأكثروا فيها الفساد وقسموا تراب أرضها وشردوا شعبها والبسوه لباس الخوف والجوع والمرض .
وإذ نحيي جماهير شعبنا البواسل الذين كسروا حواجز الخوف واسقطوا دعاوي وأباطيل النظام الجوفاء ، وخرجوا في طرقات العاصمة الخرطوم وكافة أقاليم البلاد مطالبين باقتلاع هذا النظام الجائر الذي قاد البلاد نحو تلك الويلات .
وإذ نحيي شبابنا البواسل من طلاب الجامعات السودانية الذين خرجوا كذلك تجاوباً مع رغبات جموع شعبهم في إسقاط هذا النظام .
وإذ نستهجن وندين بأشد العبارات كافة أساليب القمع والبطش الوحشية التي يجابه بها النظام تلك التظاهرات السلمية ، والتي سوف لا تقود سوى لزيادة عزيمة وإصرار شعبنا في التخلص من هذا النظام مهما كلفهم من تضحيات .
وفي مثل هذه اللحظات المصيرية من تاريخ بلادنا والتي يجابه فيها أفراد شعبنا هذا القمع من النظام بصدور عارية .
فإننا نهيب بكافة القوى السياسية المؤمنة بالتحول الديمقراطي لإنقاذ البلاد ، بان يتحملوا مسئولياتهم التاريخية تجاه شعبهم بالوقوف بجانبه وقوفاً حقيقياً لا صورياً بتوفير الحماية لهم وعدم ترك المتظاهرين فرائس سائغة لكلاب النظام المسعورة يتفننون في أساليب تعذيبهم .
ونقترح عليهم الوسائل التالية :
1/ إعلان الأسبوع القادم أسبوع الانتفاضة الحقيقية في البلاد لإسقاط هذا النظام .
2/ إعلان العصيان المدني في كل أرجاء البلاد .
3/ توجيه كافة جماهيرهم للخروج والتظاهر في الشوارع والاعتصام في الساحات العامة اتساقاً مع هذه الخطة .
4/ أن تتحرك موجات التظاهر الراجلة في العاصمة القومية يومياً من الأحياء الطرفية في كافة الاتجاهات صوب قلب العاصمة لتلتقي عند نقاط محددة تتيسر الوصول إليها في بحري وأم درمان والخرطوم ، وفي حال التعذر يتم التجمع يشكل يومي في الساحات العامة في كل حي من أحياء العاصمة .
4/ تتبع ذات الوسائل في كافة المدن الرئيسية في مختلف ولايات السودان .
وإنها لثورة حتى النصر ، ولا نامت أعين الجبناء .

الرشيد نمر

عدد المساهمات : 201
تاريخ التسجيل : 22/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: هذا الاسبوع هو اسبوع الثورة الشعبية والعصيان المدنى

مُساهمة  عبد العظيم قسم الله في الخميس يونيو 21, 2012 11:12 am

اخي الرشيد لن يفلح العملا وان كثر ضجيجهم والشارع لن يستجيب لكم وان صحتم باعلى اصواتكم وان اتييت بكل كتابك وبالمناسبة عندما قرأت المقال في صحيفة السوداني وقرأت الرشيد فرحت جدا ولكن وجدت اسمة الرشيد جعفر وليس نمر وكذلك مقالات عبد الفتاح عرما في الراكوبة ولن يفيدوك بشي وغدا ستكتشف انهم يبعون لك الؤهم اما في ذكرك للجبنا هم الذين يعملون مع المستعمر ضد بلدهم وشعبهم واما الطلاب اخوان الشهداء ابو دجانة وعلي عبد الفتاح وقسم السيد لن يستجيبوا لعويلكم واذا ربيبتكم امريكا قالت لكم ان لحظة الصفر بدات فهي كاذبة واذا ظنت ان لكم وزن تغير فهي ايضا واهمة ستكشف ضعفكم وعدم وزنكم في الشارع ولن تكون مظاهرات من اجل اجراءت اقتصادية تغير حكومة قوية واسلامية لتاتي بخونة ومارقين لسدة الحكم لا ردة في السودان ووزعوا اماكن تجمعكم لن تجدوا فيها غير حضرنا ولم نجدكم .

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: هذا الاسبوع هو اسبوع الثورة الشعبية والعصيان المدنى

مُساهمة  قريب محمد راجع في السبت يونيو 23, 2012 5:33 am

التحية للأخوان الرشيد وعبدالعظيم .... أخونا الرشيد ... مشكور .. أضاف مقالات كثيرة .... وكلها .. حول نقطتين :

1) إسقاط النظام ... بالمظاهرات ... بالعصيان المدني .... بأي حاجة....... (مسؤولية الرشيد )
2) وخطة الإنقاذ لمعاجلة الأزمة الإقصادية ..أو لتفادي إنهيار الإقتصاد ......(مسؤولية عبدالعظيم )

وطبعا .. اليومين ديل أخونا الرشيد ... فرحااااان .... عشان أول حاجة نجاح عملية العم عبد القادر (وكلنا فرحنا) ...... والحاجة التانية .. المظاهرات في السودان ...

وكالعادة و(حصرياً) ... تبادل الأخوان الرشيد وعبدالعظيم ... وجهات النظر (معارضة وحكومة) .... تخللها بعض (اللعبات الخشنة) ... لكن في إطار العنف القانوني ....

وأنا عاوز ... (إتحشر) ... وأدخل بينهم ... وعمل مداخلة (بسيييييييييطة) ... عندي أسئلة بريئة ... للأخوان الرشيد ... وعبد العظيم ...

أولاً .... أخونا الرشيد ... سؤال برئ ...

إنتو ح تسقطوا النظام .... ولا ما ح تسقطوه ؟؟؟ ... وح تسقطوه متين ؟؟؟ ....

عشان بصراحة .. ياخي .. إنتو (جهجهتونا) .... بالتحديد أنا .... وطبعاً ال زيي كتار ...

أنا بقول ليك كيف (جهجهتونا) ..... الشاب حسام عباس ... يقول عاوز ... أدرس الجامعة في السودان....
أنا بقول ليهو .... لكن خالك الرشيد ... بقول أنو ... خلاص ... الزمن إنتهى ... أسع النظام في السودان ح يسقط ... وبالتالي ... السودان ح يكون (جايط) فترة طويلة .. وما في أي جامعة ح تكون شغالة ...

وأسع نحن بصراحة (مجهجهين)... ما عارفين ... نقدم للجامعات في السودان ... لا نشوف لينا جامعة في أي حته ... إنشاء في (سقطت لقط) .... خصوصاً النتائج ظهرت .. وما في زمن كتير ....

عشان كدا ... عاوز أعرف .... يا أخونا الرشيد ...... أنتو ح تسقطوا النظام ولا.... لا ؟؟؟ .. ومتين ؟؟؟؟

شوف .... غايتو ... أنا سمعت أنو في (عراف ) .... قال أنو عام 2012 سوف يشهد أحداث كبيرة ... منها ... وفاة الرئيس المصري حسني مبارك .... ومنها .... سقوط النظام في السودان ... وإنو السودان ح يكون (جايط ) لمدة عشرين سنة ...... في الحقيقة هو ما قال (عشرين سنة ) ... هو قال عشرة سنوات بس .... العشرة سنوات الثانية ... من عندي أنا ....

والله أنا خايف ... يا أخونا الرشيد ... تطلعوا ... العراف دا .. كضاب ...

وأنا بقول نحن مجهجهين .... رغم أنو أنا عارف .. الناس السودان (مجهجهين) أكثر مننا بكثير .... يعانوا .... ويصارعوا ... من أجل البقاء أحياء ... على الأقل نحن عندنا خيارات أخرى...

وبعدين بصراحة يا أخونا الرشيد .... إنتو .... شكلكم ... ما جاهزين .. ما عندكم حكومة ظل (حكومة إنتقالية) .... ولا متفقين مع بعض .... بس منتظرين ... الشباب ... يطلعوا الشارع ... ويسقطوا النظام .... بعد داك ... ربنا ... يفرجها ....

و دي برضو .... (جهجة )... تانية ... شاملة كل السودانيين ....

ثانيا أخونا عبد العظيم .... سؤال برئ

إنتو قلتوا ... ح تنفذوا خطة .. لإنقاذ أو إنعاش الإقتصاد السوداني ... في شكل حزمة واحدة (One Package ) ..... تتكون من جزئين :

1) تقليص عدد الدستورين ... و تخفيض مخصصاتهم ...ويتحملها ناس الإنقاذ
2) رفع الدعم عن المحروقات .... وبعض المواد الأخرى .... ويتحملها الشعب ....

سؤال برئ ...... أنتو ح تنفذوا الخطة دي كلها كاملة .... ولا .... لا ؟؟؟ ... والضمان شنو ؟؟ ... مش يكمن (تمقلبونا) ... تنفذوا جزء ... والجزء التاني .. لا ....

إحتمال جماعة الإنقاد ... يقولوا نحن بالخطة دي ... أول حاجة ... نخدر الناس ... عشان ما يطلعوا الشارع ... على الأقل .... في الوقت الحالي ....

وبعد داك ... ينفذوا البند رقم (2) ... هو رفع الدعم عن المحروقات .. وبعض السلع ..... و(يكبوا الزوغة) ... من رقم (1) .... هو تقليل عدد الدستورين .... تخفيض مخصصاتهم ...

وعلى كدا يكون ... ناس الحكومة ما يتحملوا أي شي ... يكون (إدبس فيها ) الشعب الغلبان .... وشال الشيلة كلها براه .... ودي برضو ..... جهجة ....

غايتو ... نحن ما عندنا حل .... في كل الأحوال ... نحن مجهجهين جنس جهجهة ...

شوفوا ... أنا عندي حل ... نريح (دماغنا) من المشاكل .... ونأجر السودان ... نـأجروا ... لأي ناس تانيين .... ونعيش من الأيجار حقو .. وبس ....... وفي أمان الله .........

قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: هذا الاسبوع هو اسبوع الثورة الشعبية والعصيان المدنى

مُساهمة  الرشيد نمر في السبت يونيو 23, 2012 7:20 am

هههههههههههههههههههههه ..... ياركس والله زكرتنى حبوبتى حليمة عندما سالها عمى احمد الله يرحمهم منو الضيوف الفى المجلس وعددهم كم قالت والله ما عارفهم كان 5 او 13 ... دى بقت عليك يا عباس جامعات شنو يا عباس ولا قبول شنو شفت الاسبوع الجاى كل شئ بتلغى حسام ده شوف ليه جامعة فى حتة غير السودان الايام دى ... البلد مولعة مولعة والثورة كل يوم بتتسع حتى كتابة هذه الاسطر ... بعدين فرضا خلينا ناس البشير ديل فى السلطة وادينهم فرصة قراراتهم السواها دى ما بتحل غير 1% من الميزانية االمنهاره دى ومافى جهة بتديهم دولار واحد لانهم منبوزين ومعزولين من العالم وخاصة مكجنين من السعوديين ودول الخليج الاخرى ... ومين قالك يا ركس ما فى حكومة جديدة بتجى هل الشعب السودانى حريمه جاهم عقم .. حواء السودان والده رجال .... انت عارف الان امنية اخت زوجتى ماشه المطار جايه السعودية ما لاقيه طريقه لان الثورة مشتعلة فى الخارج... اخى ركس النظام متهالك وساقط ساقط باذن الله ,,, ولا ازيع لك سرا كلهم الان بظبطوا فى امورهم للشراد حتى اسد العرب بفكر فى الهروب .... واصبر الايام بيننا.

الرشيد نمر

عدد المساهمات : 201
تاريخ التسجيل : 22/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: هذا الاسبوع هو اسبوع الثورة الشعبية والعصيان المدنى

مُساهمة  قريب محمد راجع في السبت يونيو 23, 2012 8:41 am


يا زول ... أوع ... تمقلبنا .... إنت بتتكلم جد ... ولا ... بتهظر ...

قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: هذا الاسبوع هو اسبوع الثورة الشعبية والعصيان المدنى

مُساهمة  الرشيد نمر في السبت يونيو 23, 2012 11:18 am

يا ركس بالله بالعقل كده جكومة كانت تعتمد على موازنتها بنسبة 75% على البترول والباقى 25% على الجبايات والضرائب والزكاة والان ذهبت منها نسبة البترول .... طيب يا ركس دولة قطر ادنهم 2 مليار دولار لبنك دارفور ضخوها فى بنك السودان خلتهم نعنشوا شوية ... تانى باعوا مصفاة الجيلى لقطر فى تجاوز خطير لممتلكات الشعب السودانى برضوا نعنشتهم شويه ... اخونا الشحاد مصطقى اسماعيل سافر الكويت والسعودية والصين والامارات وقطر كلهم رفضوا اعطائه دولار واحد .... الحكومة موازنتها راقده واطه ,,, انت شفت ميزانية جمعية الدوم كان فيها فائض 3700 ريال يعنى احسن من ميزانية السودان المعجزة ترليونات ... طيب يا ركس وانا فى تحدى مع اى زول الى شهر 8 اذا لم يسقط النظام ولم يجدوا اى قروش تاكد تماما لن يستطيعوا ان يدفعوا الرواتب وسوف تنهار الدولة تماما ... اذا سقوط النظام اصبح واجب دينى واخلاقى ووطنى ومن يحيد على ذلك فهو خائن لوطنه ودينه واهله ........... هذا هو حصاد 23 عاما يا ركس ان وصلنا هؤلاء المجرمين الى هذه المرحلة .

الرشيد نمر

عدد المساهمات : 201
تاريخ التسجيل : 22/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: هذا الاسبوع هو اسبوع الثورة الشعبية والعصيان المدنى

مُساهمة  عبد العظيم قسم الله في الأحد يونيو 24, 2012 6:49 am

خي العزيز اشكرك على تداخلك الظريف دوما وطبعا انا عارف حكمتك في التدخل في الوقت الراهن عشان توقف اللعبات الخشنة ماتزيد عن كدة لكن اطمئن لن تخرج عن السطور المستطيلة خارجها ثمن على عسل .

اما ما اعجبني تعليق اخونا الكاشف قال اذا اعطينا ناس البشير فرصة في الاستمرار البيشوف كلامة يقول خلاص مفتاح القصر الجمهوري في يدهم يدخلون من ارادوا ويمنعون من لم يردوا عشان كدة بقول لك هولا الناس موهمون وواهمون والله معارضهم دي مجتمعه لا ليس لها وزن في السودان ولو لا سماحة الانقاذ والتزامهما بالديمقراطية ما كان لهذة الثعالب المأجورة غير ان تكم فمها بزيولها لا ان تنبح بالتظاهر والتخريب ولكن للصبر حدود لن نتركهم يعسون فسادا في ممتلكات المواطنيين او إيزاهم ..وان كان لهم وزن حقا فالياتوا لصندوق الانتخابات لنرى من يسمح لمن ان يحكم .


اخي اذا كان الامر لهذا الحد شهر 8/ ستزول الحكومة كان صاحبنا الرشيد كبر عمته وذهب للسودان لمنصبة الجديد (وزير التربية والتعليم ) اخي والله هم ومعهم امريكا والحركات المتمردة وسليفاكير وحتى باقان اموم كمان لن يهذوا شعر من ثابت الانقاذ الراسخ في وجدان الشعب السوداني وما يطلقة الرشيد مجرد طنين ناموس في اذن الانقاذ وانا انصح صاحبنا لا يصدق توجيه امريكا للجزيرة والعربية للتحرك بنقل المظاهرات في السودان ... ومشكلتهم كل واحد يخدع الثاني هم يخدعون امريكا بانهم يستطيعون تحريك كل الشعب السوداني ضد الانقاذ ولهم وزن ثقيل وسط الشعب وامريكا تكذب عليهم بانها ستساعدهم اذا وصلوا للسلطة ليتورطوا في العنف والفوضي والتخريب وعندما ترى امريكا حجمهم الضيل ستبيعهم كما فعل اليوم شيخهم سيلفاكير بان إلتزام إلتزام تام بعدم دعم الحركات المسلحة ....... واما جماعتك ديل ناس "قريعتي راحت" اليوم سوف يحسمون تماما بعد ان تدخلت الشرطة بعد التخريب وحرق عدد (2) بص مواصلات وكسر بنك ام درمان الوطني وكان الامر تعبير عن احتجاج على قرارات اقتصادية فقط مسموح به ولكن بعد الفوضى سيكون الحسم .

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى