اين قروش البترول منذ بدايته ؟

قروش البترول من ما بدأ و ديون السودان كم؟
====================================
اولا نبدا بالبترول
عشان نحسب قروش البترول لازم نعرف المعطيات دي:
1 -سعر البترول في كل سنة
2- انتاج السودان في كل سنة
3-كلفة انتاج برميل البترول ، بالرغم من انو ممكن يكون داخل في نصيب الشركات بس برضو حنخصم التكلفة "نقطة في صالح الكيزان"
4-نصيب الشركات العاملة في البترول
5-نصيب جنوب السودان يبداء من العام 2005

بالطريقة دي بنقدر نعرف بصورة تقريبية كم هي قروش البترول

1و2-سعر البترول العالمي لكل سنة "بالدولار" وانتاج البترول لكل سنة"الف برميل في اليوم" كانت على النحو الاتي "ارقام معلنة"

السنة السعر الانتاج
2000/ 27 180
2001/ 23 230
2002/ 22 245
2003 /27 280
2004/ 37 300
2005 /50 400
2006 /58 400
2007 /74 500
2008 /91 500
2009 /53 500
2010 /71 500
2011/ 87 500

3-تكلفة انتاج البرميل حوالي 9 دولار للبرميل "صحيفة الاحداث 6 مايو 2012"

4و5- نصيب الشركات العاملة ونصيب حكومة الجنوب، بالرجوع الى مقال على الجزيرة نت بعنوان "اقتصاد دولتي السودان بعد وقف النفط " كان نصيب شمال السودان 4.4 مليار دولار ونصيب الجنوب 3 مليار دولار ونصيب الشركات العاملة في النفط 6.1 مليار دولار

اذا النسب كانت كالتالي:
45% للشركات العاملة في النفط
32% نصيب شمال السودان
23% نصيب جنوب السودان

يلا شيل الة حاسبة واحسب معاي بالطريقة دي:
1-قبل 2005 (سعر البرميل "بعد خصم تكلفة انتاجه" * الانتاج اليومي *عدد ايام السنة*55% نصيب الحكومة)
2-بعد 2005 (سعر البرميل "بعد خصم تكلفة انتاجه" * الانتاج اليومي *عدد ايام السنة*32% نصيب حكومة الشمال)

حتطلع النتيجة كالاتي:

السنة السعر الانتاج الدخل
2000 27 180 0.65
2001 23 230 0.65
2002 22 245 0.64
2003 27 280 1
2004 37 300 1.68
2005 50 400 1.9
2006 58 400 2.28
2007 74 500 3.8
2008 91 500 4.79
2009 53 500 2.57
2010 71 500 3.62
2011 87 500 4.55

المجموع 28.13 مليار دولار

لاحظ معاي انو تقرير قناة الجزيرة قال انو نصيب حكومة الشمال 4.4 مليار وحساباتنا طلعت نصيب حكومة الشمال 4.55 مليار ودا بسبب الفرق بين سعر البترول خام برنت وبين سعر الخام السوداني .حنقسم 4.4 على 4.55 ونضربها في 28.13
عشان نعرف دخل السودان من البترول بعد حساب فرق السعر

النتيجة=27 مليار دولار!!!!!!

طيب
مش المفروض قروش البترول دي نعمل بها التنمية في السودان؟؟ دا ما حصل!!!
عارفين الحصل شنو؟؟؟شوفوا..

1-سد مروي قرض مشترك من عدة دول
2-مطار مروي تابع لقرض سد مروي
3-خطوط نقل الكهرباء من سد مروي تابع لقرض سد مروي
4-مشروع امري الزراعي تابع لقرض سد مروي
5-طريق مروي الملتقى قرض تابع لقرض سد مروي
6-مشروع مياه القضارف قرض البنك الاسلامي للتنمية+قرض صيني
7-مشروع تعلية خزان الرصيرص قرض مشترك من عدة ممولين
8-مشروع سكر النيل الابيض قرض مشترك من عدة ممولين
9-مشروع مجمع سدي اعالي عطبرة و استيت قرض مشترك من عدة ممولين
10-كوبري الصداقة "كريمة" منحة صينية
11-طريق عطبرة بورتسودان هيا قرض "الصندوق العربي للإنماء الاقتصادي"
12-مشروع مطار الخرطوم الجديد قرض مشترك من عدة ممولين
13-طريق القضارف دوكة القلابات قرض "الصندوق العربي للإنماء الاقتصادي"
14-مشروع كهرباء الخط الدائري(الخرطوم) قرض هندي
15-خط الكهرباء الناقل سنجة القضارف قرض هندي
16-مشروع كهرباء كوستي قرض هندي
17- خط الكهرباء الناقل القضارف القلابات قرض هندي
18-مياه عطبرة والدامر قرض ايراني
19-مشروع سندس الزراعي قرض صيني
20-كهرباء الجيلي قرض صيني
21-كهرباء الجيلي شندي عطبرة قرض صيني
22- محطة كهرباء قري 2 قرض صيني
23-مياه نيالا قرض صيني
24-مياه الدالي والمزموم قرض صيني
25-مشروع صومعة ربك قرض صيني
26-كوبري رفاعة قرض صيني
27-كوبري الدويم قرض صيني
28-توسعة كهرباء الخرطوم بحري الحرارية قرض صيني
29-مياه الفاشر قرض صيني
30-مياه بورتسودان قرض صيني
31-مياه دنقلا قرض صيني
32-مياه المتمة قرض صيني
33-مياه مدني قرض صيني
34-مياه كوستي قرض صيني
35-كهرباء دنقلا قرض صيني
36-كهرباء وادي حلفا قرض صيني
37-مشروع كهرباء الفولة قرض صيني
38-مشروع طريق النهود ام كدادة قرض صيني
39- مشروع طريق زالنجي الجنينة قرض صيني
40-طريق الدبيبات ابو زبد الفاولة قرض صيني
41-مشروع كوبري سنار قرض صيني
42-مشروع كوبري توتي بحري قرض ايراني
43-مشروع محطة مياه ابو سعد قرض ايراني
44-طريق طوكر قرورة قرض"الصندوق العربي للانماء الاقتصادي"
45-طريق سمسم القضارف ام الخير قرض"الصندوق العربي للانماء الاقتصادي"
46-طريق كسلا كركون مامان قرض"الصندوق العربي للانماء الاقتصادي"
47- مشروع كهرباء الشرق قرض"الصندوق الكويتي"
48-عدد 4 محطات تحلية مياه "ولاية البحر الاحمر" قرض"الصندوق العربي للانماء الاقتصادي"
49-جسر سيدون على نهر عطبرة قرض"الصندوق العربي للانماء الاقتصادي"

.
.
.
وغيرها الكثير الكثير من المشاريع المعمولة بالدين!!!بالديييييييين !!!!

الكلام دا انا ماجبتو من راسي امشو ارجعوا لموقع وزارة التعاون الدولي وموقع وحدة تنفيذ السدود"سد مروي" معظم الارقام السابقة من الموقعين ديل وباقي الارقام من المواقع الاخبارية المختلفة

2-نجي للديون

ديون السودان الخارجية سنة 89 كانت 13 مليار دولار
و سنة 2005 كانت 27 مليار دولار "التقرير السنوي لبنك السودان 2005"

انتو عارفين ديون السودان الخارجية الان كم؟؟؟

40 مليار دولار !!!!!
(المصدرد. محمد خير الزبير محافظ البنك المركزي .جريدة اخبار اليوم )

يعني الديون زادت في 7 سنين 13 مليار دولار!!!!!!

منها 9 مليار قروض من الصين والهند لوحدهم (تقرير قناة الجزيرة السابق)

السؤال يطرح نفسه اذا كانت 90% من انجازات البشير زي ما شفنا ديون .قروش البترول مشت وين؟؟؟؟؟؟؟؟
.
.
.
.
.
عارفين الوهمة وين؟؟

الكيزان دايرين يغنوا وفي نفس الوقت عايزين يسكتوا الشعب !!
عارفين عملوا شنوا؟

لهطوا قروش البترول عبر "النهب المصلح"حسب تعبير البشير بذات نفسو، وعملوا المشاريع التنموية بالديون! عشان بعد ما البشير يفوت نفضل نحنا واولادنا و احتمال احفادنا نسدد في الديون!!!!
باختصار كدا غشووووونا!!!!

رايكم شنو في القصة دي ....تنفع فيلم مش؟؟؟

انتو عارفين وضع السودان الان كيف؟؟؟
السودان الان مديون 40 مليار دولار "وكمان بنستورد القمح والسكر"
عدد سكان السودان 33 مليون

يعني اي رب اسرة في السودان "باعتبار الاسرة فيها 6 افراد" مطلوب دين 36000 جنيه

يعني لمن تتخرج وتجي تشتغل انشاء الله ويكون مرتبك 600 جنيه في الشهر ،الحكومة ممكن تضطر انو تخصم نص مرتبك لمدة 10 سنين عشان تقدر تسدد الديون على السودان

(الكلام دا ممكن ينطبق على اي رب اسرة في السودان لو كان في ولاية كسلا او غرب دارفور او الشمالية او كان في غيرها)

مصيبة مش؟؟؟

ملحوظة : هذه الحسابات لا تشمل اموال الضرائب،الجمارك,عوائد الاراضي،رسوم تراخيص السيارات,الدمغات الخ.
ولاتشمل المؤسسات الحكومية التي تم بيعها سودانير ,النقل النهري, الاتصالات ,اسمنت عطبرة, جزيرة مكوار...الخ.

لو عرفتا حجم الكارثة الواقع فيها السودان ...ياريت توعي الناس , زملانك في العمل او الدراسة ,جيرانك في الحلة ,اهلك في الريف الماعندهم فيس بوك

لانو السودان في كارثة ...كاااارثة.....فالله المستعان

نفس الموضوع نقلة اخونا مدثر وجاء اخونا راكوبة نزلة وكلهم "نسخ ـــ ولصق "من المواقع المشبوه ولكن انا عاوز اسأل ناس الرشيد واقول لهم مالكم ومال البترول انتم طلعتوا بترول ولا شفتوا بترول انتم تتكلموا عن الاغاثات والمجاعات التى سلمتوها لنا عند رحيلكم عن كاهل الشعب السوداني انتم افضل من يتفنن في معنات الشعب السوداني التى انتم اخر من يتحدث عن البترول وانتم لما الرجال طلعوه انتم في فنادق قاهرة حسني مبارك وفنادق لندن عايشين الليالي الحمراء ونحن الرجال والناس وثقوا فينا وبنوا لنا بالقروض وبالدين لكن والله انتم دولار واحد مابيعطوكم له , وطبعا انا ماعايز ارود عليكم لان طرح الموضوع القصد منه التشوية وتفليق التهم كذب وزورا وبخس الانجازات ولكن حتى لا تشوهوا صورة الشرفاء اتحداكم بان كل المشاريع المذكورة تم سدادها وعلى استعداد تام اثبات ذلك والمصدر الذي اخذ لكم المعلومة من موقع وزارة المالية اخذ العقود عند تاريخ توقيعها وليس الان وفي اي دولة في العالم عندما يتم تعاقد بين دولة ودولة يتم في شكل قروض وعند انتهاء كل مرحلة يتم سدادها وحتى يتم سداد المشروع بالكامل ونفس الوضع مع كل المشاريع التي ذكرتوها وتم سدادها من ايرادات البترول وليست هذه فقط بل مشاريع لا حصر لها وهل يعقل ان تنتظر تلك الدول كل هذه السنيين حتى تاتوا لا سمح الله انتم لتسدوها وهذه الدول حتى هذه اللحظة تثتسمر في السودان فهل 23 سنة يعملون بشيك على بياض ..ولا احتمال يكون الصنين ديل مؤتمر وطني ونحن ما عارفين .. بالله لا تستخفوا بعقول الناس واين انتم من هذا الكلام الكبير الاكبر من حجمكم خليكم في قريعتي راحت ووزارة الاغاثة ... وانا اهدي اخي الرشيد هدية خاصة صورة اليوم 11/ 07/ 2012 افتتاح قائد الامة عمر البشير وهو وسط حشود تعجز عنها عيونه ان تحددها وهو يفتتح اكبر مصنع سكر في العالم (مصنع سكر النيل الابيض ) عمركم ما تحلموا به وسيصدر السكر بعد ماكنتم انتم توزعون للناس بالوقية واكياس الصعوط فيا سبحان الله بعد ذلك تتطاولون على العمالقة ورغم انتم اقزام بقارنة بهم .

طيب يا اخوانا الكوز عبد العظيم وانت اكثر ذكاءا اذا انت سددت الديون دى كيف يكون الان دينك 40 مليار دولار وهى قروض ربوية .. اذا فعلا انت سددت هذا الدين كان من المفترض ان ينقص حجم الدين ولا يزيد .... وعاوز اقول لك حاجه اذا كانت هذه المشاريع تم سدادها واصبحت ملك للدولة والله كان ناس حكومتك المتهالكه باعوها كلها وحلوا زنقتم الاقتصادية دى.
ودمت اخى.
اخوك راكوبة . هههههههههههههههههه

يا عبقرينوا راكوبة .... نسيت انت ان تقريرك الملفق دا ذكرت فيه سنة 89 ورثت الانقاذ 13 مليار دولا ديون من حكومتك المقبورة بتاعت الاغاثات وهي من تتعامل بالرباء بس اضربها في 4/1 دولار فؤائد في السنة لمدة 23 سنة من عمر الانقاذ كم ستكون ولو لا تسديد الانقاذ لبلاويكم كان دقوا جرس على السودان ليباع في الدلالة .... بس برضوا معزوم مشاهدة لافتتاح مصنع سكر النيل الابيض ما تقول لي دين وعلى فكرة امريكا اشترت الشركة الهندية المنفذة حتى لا يكتمل وعند التشغيل رفضوا يعطوا السودان برنامج التشغيل ولكن بكوادر سودانية بالتاكيد ليس فيها رواكيب استطاعوا تشغيل المصنع رغم انف النازية وعملائيها وما شاء الله عينا باردة ينتج 450 الف طن من السكر (100) الف طن من الاثولين الله يكفينا شر الحاسدين والمغرضين الرواكيب الحاقدين .....