وزير المالية الكاذب يكذب ويبشر بقرض ربوى لحل مشكلة الاقتصاد

استعرض الموضوع السابق استعرض الموضوع التالي اذهب الى الأسفل

وزير المالية الكاذب يكذب ويبشر بقرض ربوى لحل مشكلة الاقتصاد

مُساهمة  الرشيد نمر في الثلاثاء ديسمبر 25, 2012 4:49 am

الخرطوم - قنا: كشف علي محمود وزير المالية والاقتصاد الوطني السوداني ان شركة /cnpc/ الصينية قدمت للسودان قرضا ماليا ضخما سيحدث تغييرا جذريا في هيكل الاقتصاد السوداني .

وقال وزير المالية السوداني في تصريحات لصحيفة /المشهد الان/ السودانية اليوم " ان هذا القرض يعتبر بشرى سارة للشعب السوداني لانه سينعكس على زيادة الانتاج وتهدئة الاسعار ويساعد على استقرار سعر صرف الجنيه السوداني في مقابل العملات الاخرى ".

واشار الى ان اتفاقا تم مع شركة /cnpc/ الصينية تم بموجبه تأجيل سداد مديونية سابقة للشركة على السودان لمدة خمس سنوات ..ومؤكدا ان الاقتصاد السوداني سيشهد خلال الفترة الوجيزة القادمة نتائج هذه الخطوة بمزيد من الاستقرار الاقتصادي واحداث طفرات جديدة .

الرشيد نمر

عدد المساهمات : 201
تاريخ التسجيل : 22/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: وزير المالية الكاذب يكذب ويبشر بقرض ربوى لحل مشكلة الاقتصاد

مُساهمة  قريب محمد راجع في الأربعاء ديسمبر 26, 2012 7:07 am


تحية كبيرة لأخونا الرشيد .... أسمع CNPC دي إسم شركة .... لا إسم قناة تلفزيونية .....

لكن كيف .... وزير المالية .. (كضاب) ... ويكضب ..... يا أخي كلمة (كضاب) .. دي كتيرة شوية .... لأنو (المسلم لا يكذب) .... يعنى كان ممكن تستخدم ... إسم الدلع .. لكلمة (كذاب) ... تقول مثلاً ( لا يقول الحقيقة) .... أو ... تقول ... (دقسنا) .... أو ( يفك جاكات) ... حاجة زي دي .... وكمان ... تعمل لي نفسك (خط رجعه) .... لأنو لو طلع كلامو صاح ..... أو قريب من الصاح.... ح تعمل شنو ..... لازم يكون عندك طريقة إحتياطية (تتخارج بيها ) ....

وبعدين أنا ما عرفت..... أنو (كضاب) في شنو ..... هل الكضب في أنو الشركة الصينية ... قدمت القرض للسودان ...... و لا الكضب ... في أنو القرض سيحدث تغييراً جذرياً في الإقتصاد السوداني....

ولا الموضوع كلو على بعضو ... فبركة عشان قيمة الجنيه ... ما تتدهور ... زيادة....

يا أخونا الرشيد ... خلينا ... نكون متفائلين .... وننتظر ... نشوف إن شاء الله يكون ... كلامو صحيح .... رغم إنو .... أنا عارف أخونا .. الرشيد ... ما عاوز ينتظرو ... لا دقيقة واحدة .... عاوزو (يفرتك) .... وبس ........

عموما .... نتمنى الخير والرخاء للشعب السوداني ... الذي بلا شك ..يعاني .. هذه الإيام .... من أجل لقمة العيش ...

تحية كبيرة لأخونا الرشيد .... وللجميع ......... في أمان الله ........

قريب محمد راجع

عدد المساهمات : 204
تاريخ التسجيل : 19/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: وزير المالية الكاذب يكذب ويبشر بقرض ربوى لحل مشكلة الاقتصاد

مُساهمة  عبد العظيم قسم الله في الجمعة ديسمبر 28, 2012 6:16 am

الاخوان الاعزاء عباس محمد علي والاخ الرشيد عبد القادر .... لكم التحية وانتم تتطلون علي صفحات المنتدى لتنيروا صفحاتها باناملكم المباركة .

اما موضوع اخونا راكوبة فهو ليس جديد عليه سمعنا منهم الكثير مثل هذه العبارات (المشينة ) ولكن ما مشكلة هنالك بعض الناس يعبرون بالشي الذي بداخلهم (كل إنأ بما فيه ينضح ) او ذي ما بيقول اهلنا الطيبين ( الفي بالك يتوارالك ) ... اما موضوع زعل اخونا الرشيد وحماقته ليست بسبب كلام الوزير بل بحقده الشديد عندما راى حقل البترول في منطقة (حديدة ) الجديد بشراكة مع دولة الصين والذي ينتج اكثر من 60 الف برميل يوميا بعد اكتمال انتاج كل الابار فيه وقبلها بعشرة ايام تم افتتاح حقل اخر في كردفان و التي ارادوها جحيم على اهل السودان ولكن بفضل الله اليوم تتدفق خيرا (بترول ) لاهل السودان وابشرك يا (ركس ) لقد تم اكتشاف كميات كبيرة من البترول في انحاء مختلفة من السودان ولم تكن في الحسبان من قبل وتفوق ما كان يصدرة السوادن من بترول سابقا في عهدة فترة الجنوب.... اخي عباس ابشرك بالخير القادم الكثير والكبير بأذن الله وايضا مايغيظ الرواكيب ماسيحدثتعلية خزان الروصيرص من نقله نوعية كبيرة في مجال الزراعة والكهرباء وايضا سد ستيت ونهر عطبره وغيرها من المشاريع الكبيرة وبحمد لله وكل ما تأمر علينا الرواكيب مع الصهيونية النازية من حصار علينا فرج الله علينا ومن تحت اقدامنا نعما كثيرة لا تحصى ولا تعد

سؤال بري للرشيد : لماذا تنفق علينا الشركة الصينية ما لم يستطيع اقتصادنا انجازة دون مقابل ولا يمكن الصنيين ديل بقوا (كيزان ) ونحن ما عارفين ؟؟؟؟.... وبعين اين ثورتكم التى حدثتونا وصدعتونا بها العام الماضي وحتى قلتوا لن نترك لكم فرصة الهروب ....وقبل ايام لما خرج صعاليك حركة عبد الواحد "ظلام " في الجامعات خرجتم علينا ان ساعة الصفر حانت وسنقتلع الانقاذ ولن نترك (ابان دقون ) وما باقي لنا إلا تشكيل حكومة وخليتوا صاحبنا محمد عثمان نمر يصدقكم وراح حلق دقنة المهم السؤال ماذال قائم وإلا سنصفكم بماوصفتم به وزيرنا ... وللحديث بقيه

عبد العظيم قسم الله
Admin

عدد المساهمات : 298
تاريخ التسجيل : 13/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: وزير المالية الكاذب يكذب ويبشر بقرض ربوى لحل مشكلة الاقتصاد

مُساهمة  شبيل الحريف في السبت يناير 05, 2013 1:00 am

الاخوة الاعزاء ..كيف حالكم ..ان شاء الله طيبين...سؤالك يا عبد العظيم للرشيد ..انو الصينيين بدفعوا لينا شىء اكبر مما نتحمل سدادة...الرشيد ماحيجاوبك حتى لو عارف الاجابة لانها بتنسف كل ما قاله ..لكن ما اظن يكون عارف الاجابة ..
الصينيين ديل ياعبد العظيم هم الوحيدين العرفو عن السودان وخيرات السودان الموجودة سوى كانت زراعة ولا معادن ولا الاكتشاف المدهش الاخير عن البترول اكبر بحيرة بترول فى العالم فى شمال السودان فى المثلث قرب الحدود الليبية ..ودى كانت سبب عداء القذافى بالخفاء لحكومة السودان ..وخلق مشكلة دارفور لكى لايتم النقيب..ولكن الحكومة تعمل فى ذلك منذ سنتين بواسطة الشركات الصينية..وعشان كدى ياعبد العظيم الصينيين بقدمو فى الخميس عشان يلاقو الجمعة ..طبعا نحن قطعناها ناشفة مع الناس البقدمو السبت عشان يلاقو الاحد ..ديل اليهود والنصارى ودى اعيادم..لكن نحن عيدنا الجمعة عشان كدى ناس الصين بقو يقدمو الخميس عشان يلقونا يوم العيد ..انتو ماشيفنهم الايام دى يكبرو طوالى معانا فى الاحتفالات ..
الصينيين يا اخوى حيدفعوا اكتر من كدة ليضمنو بقائهم فى السودان ..وليغيظو كل اليهود والامريكان والرواكيب ..

شبيل الحريف

عدد المساهمات : 25
تاريخ التسجيل : 04/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى