الهلال الابن يهزم الهلال الاب

في مباراة اشبه بالتمرين فاز نادي اهلي شندي على الهلال بهدف احرزه لاعب الهلال فيصل موسى . خبر افرح الاخوه المريخاب اكثر من حزنهم على خروجهم المزل من ابطال افريقيا واسعدنا نحن كهلالاب لسببين الاول . وضح موضع الخلل بالنسبه للمدرب قبل لقاء الافريقي الذي اعتبره في نظري اهم من مباريات الدوري الممتاز ثانيا ثبت لنا ان الهلال حقا عظيم لانه مستهدف حتى من حكم يدير له مباراة محليه كالحكم خالد عبداللرحمن الذي يعلم الناس اجمعين من هو خالد عبدالرحمن والى اي نادي ينتمي . ولكن ان كان الهلال يريد هزيمة اهلي شندي لهذمه باهداف تفوق عدد لاعبيه وبعض من جمهوره .
والهلال قادر على محافظته على بطولته المحببه (الممتاز) في اي زمان ومكان ولا يهمه فارق النقاط مهما كان عددها وما زمان السبع نقاط ببعيد وهذا ما يعلمه المريخاب قبل الكل والخيل الاصيله بتظهر في اللفه الاخيره ومعروف مصائب الجماعه بتجي كيف ومتين لانهم بعد الدوره الاولى (فورة لبن) ونار قش بتخمد .
وهزيمة الهلال بالنسبه للمريخاب مفرحه جدا لان الهلال هو بالنسبه لهم شوكة الحوت( مابتتبلع ولا بتفوت )واي شخص يشك في زعامة الهلال يرجع الي التاريخ وسيجد ان الهلال هو زعيم السودان والدول المجاوره وهذا ليس بحديثي بل يدونه التاريخ ومن يشجع المريخ بعقلانيه ودرايه يعلم هذا جيد ومن يشجعه بهدف النيل من الهلال فذلك كبير الواهمين ويعش في حلم سينقلب عليه كابوسا في يوما ما .
والجميع يعلم الفارق بين الهلال كرويا واكبر دليل على ذلك الان الهلال يقاتل في ادغال افريقيا بين الكبار ووصيفنا وظلنا مابين عطبره والحصاحيصا حفيت الاقدام والخوف والله من الخروج من المولد دون ممتاز وخوفا اكبر دون كؤيس السودان ولا نقول الا ماهو من طباعنا واخلاق الهلالاب اللهم لا شماته والبيشوف مصيبة غيروا تهون عليه مصيبتو والله يجازي محنك يا صلاح ادريس كان خليت الجماعه يفرحوا شويه.