تم نقل الموضوع إلى منبر آخر

D

D

D

[img] [/img]
جمعية الدوم بالسلمانية الرياض فى اوائل الثمنينات من القرن الماضى[img] [/img]
امتداد الدرجه الثالثه الخرطوم..نسأل الله الرحمه والمقفرة لاخونا ابراهيم محمد سعيد بدواب .. ..الصوره فى اواخر السبعينات من القرن الماضى و جعفرمحمد سعيد و عبده محمد خير[img] [/img]
اشلاق القسم الجنوبى الخرطوم ...والتحية لهم الخال ابراهيم ود الشيخ..شخصى وعبده محمد خير..وعبدالعال عبدالله الشيخ

[D

D

D

شكرا أخونا عبد الرحيم وليك التحيه وصباح الخير عليك صراحه الكلام عن زعيم الدوم أبونا محمد صالح حسنى الشهير بالزعيم تعجز زرات الكيبورت عن تدوينه فهو قامه من قامات الولاية الشمالية ليس الدوم فحسب تجده باسما بشوشا كريما تشعر بالسعادة فى وجه وهو يلتقيك عرفنا عنه الكثير منذ الصقر منذ أن كنا نأتى من كرام ونقشى الكركه للفطور مع صحبة الوالد ألله يرحمو وهذا من فيض كرمه والحمد الله العطاء ماشى لى يومنا هذا أنا لا أريد أن أقسم ظهره ولاكن هو ما عهدنا فيه حلال للمشاكل وداعم للمساكين ويكرم الضيف ويكفى أنه متى ما زكر الدوم زكر عمنا حمد صالح ودحسنى ربنا يديهو طولة العمر والصحه والعافيه وصراحه مهما قلت لن أوفيه حقه يكفى أنه أبونا وأبو الكل .

D

D

D

D

D

D

الدكتور .. دغدغ مشاعر .. وذكريات ... جيل عاش في (الزمن الجميل) ... جيل ما قبل العولمة والإنترنت ....

أنا بقول عبارة (الزمن الجميل)... بتحفظ ... لأنو مسألة (الزمن الجميل) .. مسألة نسبية ... ما يراه البعض .. زمناً جميلاً .. قد يراه البعض الآخر .. ليس جميلاً ... خصوصا من جيل اليوم ... أو جيل الماضي القرييييييييييب...

الفنان عبود ... يذكرنا .. بعادات .. وألعاب .. كثير منها إختفى .. أو يكاد ... أنا غايتو بالنسبة لي ... زمن جميل .... ذكرني .. بي (تمر الهبوب)...

تمر الهبوب ... هو ثمار النخيل ... وهو التمر (ال بتحتو) الهبوب ... ويسقط على الأرض ... وغالباً تهب الهبوب (الكتاحة) ... شِـق الدغش .. قريب الصباح .... الدنيا تكون (مضلمة) شوية ... يعنى الواحد ما بشوف كويس .....

الحاجة الجميلة في تمر الهبوب .. إنو .. هو شئ عام .. ما في زول يمنع الناس ... من إنهم يلقطوا تمر الهبوب ... وغالباً الناس .. بلقطوا تمر الهبوب قبل طلوع الفجر ... عشان كدا .. يكون تمر الهبوب ملخبط معاهو .. حاجات كتيرة .. خصوصاً (طور الجُمال) ... و(بعر الغنم) ...

عبود أخوي ... زول طريف جداً كان دائماً ... يلقط (طور الجُمال) ويترك التمر ... عشان كدا .. كان تمر الهبوب حق عبود ... نصو يكون طور جمال ... ونقعد نضحك ...

وعبود أخوي ... إلى اليوم (بعد ما أصبح أمريكي) ... لسع يقول ليك ... الموضوع دا .. زي تمر الهبوب ..ما مضمون ... ممكن تكون تمرة .. ممكن تكون (طورة جمل) ...

بالله أسع تمر الهبوب دا ..... ما شئ جميل ؟؟ ... أنا شايفو ... أنو شئ جميل ....

لكن محمد عباس (من جيل اليوم) في ظل العولمة والإنترنت .... عندو رأي آخر .... بشوف أنو الشغلانة دي كلام فارغ .... ما حاجة مسلية ... ولا ممتعه ... ولا جميلة ....

وبقول لي يا أبوي الدوم ..... والزمن... الآن صار ... أجمل ... ورملة العبيد .... بقت شارع ظلط ... وميدان (الحرنينة) ... بقي ميدان كورة ... ونادي ثقافي رياضي .... فيهو تلفزيون .. يشاهدوا ... مباريات الدوري الإسباني والإنجليزي ... ريال مدريد وبرشلونه ... وشجعوا ..مسى ورونالدو ...

وكمان ... قال هو بيلعب مع أصحابو في الدوم .. بالـ بلي إستيشن (play station) ... وال أكس بوكس (X Box) … ويتواصل مع ناس الدوم بالفيس بوك (Face book) ...... والـ واتس اب (Watt up) .... وهذا شيء ممتع وجميل ....

وعشان كدا هو يرى أنو ... زمنو هو الأجمل .....

وتبقى الذكريات .. وأيام الطفولة أي كانت ..... هي الأجمل ...........

تحية كبيرة .... مقرونة بالشكر والتقدير .... للدكتور عبدالرحيم ...... للإطلالة الأنيقة... بعد غيبة .... والتحية موصولة للأخوان .. أحمد الهادي ... عبود ... وجميع الأخوان والأهل .... في الدوم وخارجه ...

وفي أمان الله .......

D

D

في الحقيقة في رأيي .. أنو من سمات الإنسان المتحضر ... (بالإضافة لمميزات أخرى) ... أنو هو يستطيع التكيف والتفاعل مع الوقت الحاضر بكل متغيراته ومستجداته .. بدون ما يتخلى أو ينسى .. ذكرياته .. وموروثاته الماضية ....

والله يا دكتور ... بدون ما تحلف مصدقك ... لأنو أنا ذاتي أحياناً بلعب مع أولادي ... بس مش كتير ... وطبعاً .. دي قيمة حضارية راقية ... وتعمق وتدعم ... فكرة تواصل الأجيال ....

أخونا عبدالله الحسن (قورو) ... زول طريف جداً ... مشى أبعد من ذلك ... رغم أنو إنسان بسيط إلا أنو مواكب لمتغيرات العصر ...
عندو ... بلي إستيشن ... وأي واحد يزوروا في البيت .. يقول ليهو ... تلعب معاي بلي إستيشن؟؟...
مرة زرتو في البيت ... لقيتو .. يلعب براه ....
قلت ليهو : ... ليه بتلعب براك
قال لي : أنا قاعد ألعب أونلاين (online) ... مع واحد ياباني في طوكيو ...
قلت ليهو: ... والله إنت بقيت زي ... جيل اليوم ... زي محمد عباس ... كل يوم يلعب مع واحد في بلد مختلف ...

طبعاً ... يا جماعة .... مثال الـ بلي إستشن هنا ... بس لتوضح فكرة ... أنو بمقدور جيلنا من التكييف والتفاعل ومع الجيل الحالي والقادم .... بكل مستجداته .... وكمان نشر ثقافة تواصل الأجيال....

وبحييك يا دكتور على التساؤلات ... التي طرحتها .... وكل تساؤل فيها ... ينفع يكون موضوع قائم بذاتية .... وبرضو بضم صوتي إلى صوتك ... وأدعو الأخوان عموماً بما فيهم .. جيل اليوم ... أن يتفاعلوا معنا في المنتدى .... بهدف تأصيل فكرة ... تواصل الأجيال .. من خلال تبادل الأفكار ..

بس أنا عندي سؤال برئ صغيييير ... لكن هل هو أصلاً الجيل الحالي طلب مننا أن نترك الماضي؟

تحية وشكر كتير .. ليك يا دكتور عبد الرحيم ... ربنا يعطيك العافية .... ما قصرت ... والتحية كمان .. لأولادك . وربنا يخليهم لك .... والتحية موصولة .. لأخونا العزيز عبدالله قورو ... وإلى جميع أجيال الدوم ... الماضية والحالية والقادمة .... على مر الأزمان ...

ودمتم في رعاية الله ...

D

D

الدكتور عبد الرحيم ود حسنة " السلام عليكم" لك اجزل الشكر والتقدير وانت تثري منتدى الدوم بكنوز من ذهب الا تصدى وحقيقة لقد اعجبت انا وبعض الاخوان بالتوثيق الجميل الذي نزلته ولكل الصور ويا اريت تعرفنا بطريقة كيف يمكن ننزل صور لان من زمان ولم نستطع ولان لدينا صور وتسجيل فيديو كثيرة اخذتها من البلد ولم ترى النور جتى الان ... ونحن نكرر شكرنا وتقديرينا على الاطلالة الجميلة بعد غيبة طويلة ونتمنى ان تدعمونا بخبراتكم الثرى والقيمة وعن نفسي اسف جدا للتأخير بالتعليق وذلك لغيابي عن الموقع لاسباب فنية ؟؟؟؟ وين الاستاذ عباس محمد علي خليفة والاستاذ احمد ادريس عبيدون اكيد ظروف غيابهم تختلف عن ظرفي ؟؟؟

D

أخونا المؤسس ... عبدالعظيم ... إنت إنسان لك الفضل في ... إنشاء هذا البيت ليلتقى فيه أهل الدوم ... وجودك في هذا البيت مهم ... إن شاء الله ... بس تقول السلام عليكم ... وتمشى .... لك الشكر والتقدير ...

وإنشاء الله يا أخونا عبد العظيم .. ما تغيب عنك العافية ...الأستاذ الكبير أحمد إدريس .... وأنا ... لو إتلفت يمين ... في الغرفة الجنبك ... ح تلقانا .. قاعدين ... ما غايبين ....

وكمان نسال الله ان تتمكن من تنزيل تسجيلات الفيديو عن الدوم التي قمت بتصويرها ... في المنتدي .. وتكون كملت جميلك علينا .... ربنا يعطيك العافية ....

أخونا الدكتور عبد الرحيم ... أشكرك على إهتمامك بضرورة .... مشاركة الأخوان في المنتدى .. خصوصاً المهندسين / السر حسن ... جعفر محمد سعيد ... أنا برضو بدعوهم ... للمشاركة ... بالنسبة لأخونا السر ... أنا ممكن أدعوه بإلحاح ... وربنا يوفق ....

مش كدا وبس ... بل أنا أرى ضرورة مشاركة ... جميع أهل الدوم ... من... الشيب والشباب والأطفال ... من المؤكد هناك مجموعة لا يستهان بها ... من شباب الدوم الذين يتواجدون بالدوم أو خارجه....... ولديهم مواهب في شتى المجالات... يستطيعون إثراء المنتدي ... وهنا أخص بالذكر ... الأخوين الخلوقين خالد و مدثر القاضي ... مثال رائع لجيل اليوم ...

وكمان بدعو الأخوان ال كانوا بشاركوا ... أمثال الرشيد نمر... محمد حسن الرعيابي ... على محمود .... وغيرهم ... وهنا بشكر الأخت بثينة محمد سعيد ... لمشاركتها الفعالة.. في المنتدى...

عموماً نحن ح نظل ... ندعو كل الأخوان للمشاركة ... رغم أني على قناعة تامة بأن ... مسألة المشاركة في المنتدي (ولو بالسلام) ... مسألة لها ظروف وقناعات شخصية بحته ...

الأديب الأسطورة ... الطيب صالح .... في لقاء تلفزيوني ... سأله مقدم البرنامج بإلحاح :
لماذا توقفت عن كتابة الروايات ؟
أجاب ببساطة : .... يا أخي أنا مش عاوز أكتب .... وبس ...

أرجو أن تكون إجابة الأخوان ... الذين ندعوهم للمشاركة ... أن تكون أي إجابة غير .... إجابة الأديب الطيب صالح ... طيب الله ثراه ....

تحية كبيرة للمؤسس والدكتور ... ربنا يديكم العافية ... وكمان بقول للأستاذ الشاعر / أحمد إدريس ... (قبّل جاي )... وأنا على يقين .. ما ح يقول (مش عاوز) ....

تحياتي لجميع أهل الدوم ..( من طق طق .... لسلام عليكم)

في أمان الله