نحن معكم ايضاً .... ولكن بقلوبنا !!

أستاذنا الجليل عبد الرحيم محمد صالح لقد زينت صدر هذا المنتدى بصورة هذا العلم الراحل المقيم في وجداننا فرح محمد على نسال الله له الرحمة والمغفرة وان يكون مكانه جنة الخلد وتمنينا لو طال العمر ليعرف جيل اليوم من هو فرح محمد علي انه الدوم في الخرطوم ٠٠ كان عنوان لكل عابر سبيل من اي مكان كان الملتقي لأي شخص قادم للخرطوم كان بنك لأسر كثيرة بالخرطوم وللطلاب وللجميع اهل الدوم في الدوم وانا اقف دائماً محتارا كيف كان يستطيع هذا الرجل بمفرده ان يقوم بهذا العمل المحاسبي الذي يعجز بنك ان يقوم به وإضافة لوظيفته وكان يفعل ذلك بدون مقابل ويمكن أخونا عبد الرحيم يتذكر عندما كنا طلابا نلتقي واحد من الحاج يوسف واحد من ام بدة واحد من الكلاكلة ومن كل فج عميق ويقابلك وهو يبتسم وبشوش دون تكشيرة من يستطيع ان يكون مثله ولو لا الكمال لله وحده قلت انه كامل تجد فيه الكرم والطيبة والأمانة والوقار والاحترام لقد حفرت حروفه من نور في صدر كل اهل الدوم صغيرا وكبيرا لانملك الا ان نرفع يدنا تضرعا لله ان يسكنه فسيح جناته مع الشهداء والصدقين. / عبد العظيم محمد قسم الله  

أستاذنا الجليل عبد الرحيم محمد صالح لقد زينت صدر هذا المنتدى بصورة هذا العلم الراحل المقيم في وجداننا فرح محمد على نسال الله له الرحمة والمغفرة وان يكون مكانه جنة الخلد وتمنينا لو طال العمر ليعرف جيل اليوم من هو فرح محمد علي انه الدوم في الخرطوم ٠٠ كان عنوان لكل عابر سبيل من اي مكان كان الملتقي لأي شخص قادم للخرطوم كان بنك لأسر كثيرة بالخرطوم وللطلاب وللجميع اهل الدوم في الدوم وانا اقف دائماً محتارا كيف كان يستطيع هذا الرجل بمفرده ان يقوم بهذا العمل المحاسبي الذي يعجز بنك ان يقوم به وإضافة لوظيفته وكان يفعل ذلك بدون مقابل ويمكن أخونا عبد الرحيم يتذكر عندما كنا طلابا نلتقي واحد من الحاج يوسف واحد من ام بدة واحد من الكلاكلة ومن كل فج عميق ويقابلك وهو يبتسم وبشوش دون تكشيرة من يستطيع ان يكون مثله ولو لا الكمال لله وحده قلت انه كامل تجد فيه الكرم والطيبة والأمانة والوقار والاحترام لقد حفرت حروفه من نور في صدر كل اهل الدوم صغيرا وكبيرا لانملك الا ان نرفع يدنا تضرعا لله ان يسكنه فسيح جناته مع الشهداء والصدقين. / عبد العظيم محمد قسم الله  

D

D

D

D

D

D

D

D

الوكواك من اللي..؟؟ ما قلت ليكم نحن غبش ساكت ..عبيدون أتكلم بالعربي عشان نفهم

D

نشكركم عن موضوع البلح وهو جميل اريد ان اذكركم بعض الذى سقط سهونا مثل تمر الهبوب والقلونكي والكشوش تسلموا يا أخواني

أخونا عبد الرحيم ليك التحيه وانته تنعش الذاكره بما هو جميل وطيب وتاخذنا من زحمة المدن والقربة الى البلد وكأننا جالسين تحت النيمه فوق عنقريب الليل حبل والنيمه مرشه والبابور جنبك مدور وتكون مقرن المويه وقاعد والبنات يملن فى المويه من البابور والشفع يلعبو فى التبريد ويزرعوا فى الفول والنعاج بى هناك كسر ولحق بابور كنون .صراحة صورة سفيان وهو طالع فى التمره معبره جدا وتكاد أن تنطق وانا أقول ليهو أفى عليك يا التلب وعشاء البايتات ذكرتنى زمان كنا نحش التمر زمن أبوى الله يرحمو وعمتى روضه وأعمامى كلهم كان نسوى الخيانة والظبيطى كلها ننكته فى الكشوكى عشان يبقى تمر قليق وبعد الناس يروحو نجى نلقطو ونودى دكان ود محمود وكان نكرم الظبيط فى التمر أيضا كذالك من الاشياء الكانت ممارسه كان نرمى الظبيط فوق البنات نظام الواحد ما قاصد وكان الشوك يطعنا وجسمنا يمشى دم وانا كنته اكتر شى بكرهو حش التمر الجاو وأمى الله يديها العافيه كانت تشاكلنى تقول لى ده بنختو ليكم فى القسيبى يى تمر الشتاء.
أيضا فى شى مهم أنتو نسيتو هو صناعة عسل التمر وكان يعبو فى جركانات أو صفايح وكان بتعمل غالبا من تمره أسمها (أم سويدان) بلاضافه لى بعض البركاوى وكان يتوزع على الجيران ويبقى القليل كعادة أهلنا فى الدوم يدو (العشمان ) والعشمان تتطلق على الزول الخاتى بالو فى الحاجه يعنى متوقعك تتديهو .
ياريت أخونا عبد الرحيم وهو باحث فى التراث ان يفيدنا فى العديد من الكلمات مثل (عرب سلم ،الاداى ،الحنقوق ،الكامار ،البشنتيق،)