الهلال عشان يكسب .. لازم يلعب .. بخطة ... واحد – عشرة (العجيبة )

قريب محمد راجع الأحد مايو 06, 2012 6:50 am

رمية .... الجماعة كلهم (لابدين ) ... كبوا الزوغة ..... يعنى إنتوا ... يا ناس الهلال ...... ما بتظهروا إلا عندما تغلبوا بس ....... لو إتغلبتوا تزوغوا ..... بالمناسبة .. قالوا ... البرير ... نزل بين الشوطين .... كان عاوز يدي الحكم (بنية) ... وبعدين إتذكر أنو الفريق جزائري ... غير رأيه .. عشان الجزائرين ما يقولوا الزول دا قاصدنا ... لعن الشيطان ... و فرتك ....

لكن أنا بقول ليكم حاجة مهمة جدا ..... رغم النتائج الغير مطمنة ... إلا إننى متفائل جداً ....

أول شئ بالنسبة للهلال ..... رغم أنو إتعادل في ملعبو .... لكن سوف يتأهل إنشاء الله .... ليه .... لأنو :

1) في المباراة الهلال إستهان بفريق شلف ... خصوص بعد ما أحرز الهدف في العشرة دقائق الأولى...
2) فريق شلف فريق عادي بس عندهم لياقة عاليه ..والهلال عندو خبرة طويلة في اللعب خارج ملعبو .. وح يعلب بجدية أكثر ..

والهلال لو لعب بخطة ( واحد- عشرة) ... ح يكسب .. أو يتعادل .... نفس الخطة اللعب بها ... أمام (برشلونة) المريخ .......... طبعاً الهلال أحسن فريق يطبق خطة (واحد - عشرة) ..... وللناس ال ما بيعرفوا ... خطة (واحد - عشرة ).. هي واحد حارس مرمي (المعز) ... عشرة لاعبين قدام الحارس ..و بس .... سهلة جداً.... عشان ما يدخل هدف ..... بعدين لاعبين (جرايين )... زي سادمبا .... كاريكا .... بشه .... ومن كرات مرتدة .. يجروا .... و يحزروا أهداف ...

عشان كدا أنا متفائل جدا ... إنوا الهلال سوف يصعد لدور الثمانية ... ربما يغلب 2/1 أو على أسوأ الفروض تعادل 2/2 ... أو 3/3 .

أما المريخ (برشلونة) .... موقفه .. صعب جداً.... ليس مستحيل يغلب ... لكن صعب جداً ... مازمبي فريق سوبر ... وبعدين المريخ متخلف ب هدفين (2) صفر .... صعب التعويض مع مازمبي ....

وبينى وبينكم ... نحن ذاتنا ما عاوزين ... المريخ يلعب في أبطال الدوري .... أحسن لينا .... الكنفدرالية ..... ما عشان (الكديس ... لمن ما يلقا .. اللبن يقول مر ) ..... عشان :-

1) في أبطال الدوري ... في زحمة فرق كبيرة ... المريخ في وضعه الحالي .... ما ح يأكل عيش معاهم ... لكن في الكنفدرالية ....
ممكن ... يصل الأدوار النهائية أو يأخد الكاس ....
2) ما عاوزين الهلال والمريخ يكونوا في دورة واحدة ... أحسن كل واحد يكون في دورة .....

أما فريق الأمل والأهلي شندي .... فرصتم زي فرصة المريخ صعبه .... لأنو مغلبين كتير ... والتعويض مع فرق متمرسة زي سمبا ... والفريق الثاني .... صعب ....

رغم أنو واقع الحال .... يقول غير هذا ... لكن دعونا نتفائل ونقول (لا مستحيل تحت الشمس) ... ونسال الله أن يوفق جميع الأندية ... يحققوا ما هو مطلوب ..... في أمان الله ...........